Kitabu Mir Ang’wende Pa Musa Wel 21:7 - The Holy Bible In Alur (Lur) Revised Orthography

⁷ E dhanu bino ba Musa, man giwacu kumae, Wadubo, kum waweco rac kum Yehova, man i kumi; kwai Yehova, kara ekab thwol woko kud i bang’wa. E Musa rwo pi dhanune.

Kitabu Mir Ang’wende Pa Musa Wel 21:7 ပူးပေါင်းရင်းမြစ်များ

Thangambere 20:17

E Ibrahim urwo ni Mungu: man Mungu cangu Abimelek, ku dhaku pare, man bong’ pare; man ginyolo nyithindho.

Thangambere 20:7

Ka kumeno kawono dwok ci ng’atuno; kum en e jabila, man ebirwo piri, e ibibedo kwo: man tek idwoke ngo, e ing’ei nia ibitho andha, in, man ceke ma peri.

1 Ubimo 13:6

Man ubimo loko lembe ewacu de ni dhanu pa Mungu kumae, Kawono kwai bero pa Yehova Mungu peri, man irwo pira, kara cinga dwog ira kendo kakare. E dhanu pa Mungu kwayu Yehova, man cing ubimo dwogo kendo ire kakare, man edoko calu ma naka ebedo.

2 Ubimo 13:4

Man Yehoahaz ukwayu Yehova, e Yehova winjo dwande; kum eneno masendi mir Israel, maram ubimo mi Cami usendo kogi.

Kitabu Pa Yob 42:10

E Yehova loko ng’eca pa Yob, kinde m’erwo pi jurimbe: man Yehova mio yau piny ma yang’ Yob ubedo ko wang’ ario ire.

Kitabu Pa Yob 42:8

Ka kumeno kawono, wugam thwoni dhiang’ abiro iwu man nyogi rombe abiro, man wucidh ba jatic para ma Yob, man wuthier lam m’awang’a piwu giwu; man jatic para ma Yob bikwayu piwu; kum abiyio en, kara kud atim i kumwu calku kasegu mu; kum wuyero pira gin m’atira ngo, calu jatic para ma Yob uyero.

Zaburi 106:23

Ka kumeno ewacu nia ebinyothogi, Tek Musa m’egoyo wie kucungo i wang’e i ka m’umor ungo, Kara elok kwinyo pare cen, kara kud enyothgi.

Zaburi 78:34

Kinde m’enegogi, gilund giyenye; Man gidwogo giyenyo Mungu kud amora.

Ai 10:17

Ka kumeno kawono, akwei, wek dubo para woko wang’ maeni kende, man wukwai Yehova Mungu mu, kara ekab tho maeni kud i bang’a kende.

Ai 32:11

E Musa paku dhoge ni Yehova Mungu pare, man ewacu kumae, Yehova, nedi kwinyo peri bogre kum dhanu peri, m’iwodhogi woko kud i ng’om Misiri ku tego ma dit man ku cing’ ma teki?

Ai 32:30

Man etimbre urwone, nia Musa wacu ni dhanu kumae, Wudubo dubo ma dit: man kawono Fabiidho malu ba Yehova; kuno nyo abitimo adunya pi dubo mu.

Ai 8:28

E Farao wacu kumae, Abiweko wucidhi, kara wulam lam ni Yehova Mungu mu i langa; ento wubicidho bor hai ungo: wukwai pira.

Ai 8:4

ungwal bibino i wii de, man wi dhanu peri, man wi jutic peri ceke.

Ai 8:8

Farao lund ulwong’o Musa giku Harun, man ewacu kumae, Wukwai Yehova, kara ekab ungwal woko kud i bang’a, man ku ba dhanu para; e abiweko dhanu cidho, kara gilam lam ni Yehova.

Isaya 26:16

Yehova, giliewi i can; gikonjo rwo kinde ma ponji peri ni i wigi.

Yeremia 15:1

Yehova lund uwacu ira kumae, Kadok Musa giku Samwil gicungo i wang’a, ento kuno di pidoia bedo yo ba dhanu maeni ngo: baigi woko kud i wang’a, man wek gici cen.

Yeremia 37:3

E Zedekia m’ubimo oro Yehukal ma wod Celemia, man Zefania ma wod Maseya, ma jalam, ba jabila ma Yeremia, giwacu kumae, Kawono kwai Yehova Mungu mwa piwa.

Hoseya 5:15

Abicidho man abidok i kakara, maram gituco ko piem migi, man giyeny wang’a: gibiyenya kud amora i can migi.

Kitabu Mir Ang’wende Pa Musa Wel 11:2

E dhanu kayu ywak ba Musa; e Musa kwayu Yehova, man mac ujik.

Matayo 27:4

ewacu kumae, Adubo kum acibo rimo m’umbe dubo. Ento giwacu kumae, En e ang’o iwa? cung i dhoge.

Tic Mi Jukwenda 8:24

E Simon udwoko lembe ewacu kumae, Wurwo pira ba Rwoth, kara gin ma wuwacu no moko kud uwok i kuma.

Jurumi 10:1

Umego, yeny mir adundena man kwayukwac para ma ba Mungu en e pigi, ya gibothi.

Poi Mi Cik 9:20

Man ng’ecwiny unego Yehova dit i kum Harun ya enyothe: e akwayu pi Harun bende i nindo maeca.

Yakobo 5:16

Ka kumeno dong’ wutuc dubo mu ng’atuman utuc ni wadi man ni wadi, man wurwo ma ng’atuman urwo pi wadi man pi wadi, kara kumwu kei. Kwac pa ng’atu ma pwe yire dit i ticne.

1 Samwil 15:24

Man Saul uwacu ni Samwil kumae, Adubo; kum akadhu ku wi lembang’ola pa Yehova, man lembe peri, kum alworo dhanu, man aworo dwandgi.

1 Samwil 15:30

Elund ewacu kumae, Adubo: ento mi ira yung kawono, akwei, iwang’ judongo mi dhanu para, man i wang’ Israel, man ilokri kendo i bang’a, kara arwo ni Yehova Mungu peri.