Kitabu Mir Ang’wende Pa Musa Wel 21:34 - The Holy Bible In Alur (Lur) Revised Orthography

³⁴ Man Yehova wacu ni Musa kumae, Kud ilwore: kum amie i cingi, ku dhanu pare ceke, man ng’om pare; e ibitimo i bang’e calu itimo kum Sihon m’ubimo mi Juamori, m’ubedo i Hecbon.

Kitabu Mir Ang’wende Pa Musa Wel 21:34 ပူးပေါင်းရင်းမြစ်များ

2 Samwil 5:19

Man Daudi penjo ba Yehova, ewacu kumae, Abiidho malu kum Jufilisti? ibimiogi i cinga? E Yehova wacu ni Daudi kumae, Idh malu; kum abimio Jufilisti i cingi andha.

1 Ubimo 20:13

Man, nen, jabila moko bino ceng’ni bang’ Ahab m’ubimo mir Israel, man ewacu kumae, Yehova wacu kumae, Ineno udul ma dit maeni ceke? nen, abimie i cingi tin; e ibing’eyo nia an a Yehova.

1 Ubimo 20:28

Man dhanu pa Mungu bino ceng’ni eyero de ni ubimo mir Israel, man ewacu kumae, Yehova wacu kumae, Kum Jucami wacu kumae, Yehova en e mungu mir ungulu gudi, ento en e mungu mi poga ngo; ka kumeno abimio udul ma dit maeni ceke i cingi, man wubing’eyo nia an a Yehova.

2 Ubimo 3:18

Man maeni en e gin ma tek ungo i wang’ Yehova: man abimio Jumoabi bende i cingwu.

Isaya 41:13

Kum an, Yehova, Mungu peri, abimaku cingi ma yor acwic, m’awacu ko iri kumae, Lworo kud unegi; abikonyi.

Kitabu Mir Ang’wende Pa Musa Wel 14:9

Ento kud wujai ni Yehova, kadok dhanu m’i ng’ombe de kud wulworgi; kum gi kwen iwa: man tipo migi kabre woko kud i wigi, man Yehova ni karacelo kudwa: kud wulworgi.

Kitabu Mir Ang’wende Pa Musa Wel 32:4

en e ng’om ma Yehova goyo i wang’ udul mir Israel, en e ng’om mi lim; man jutic peri gi weg lim.

Poi Mi Cik 2:30

Ento Sihon m’ubimo mi Hecbon uyio ngo wakadh ku yor i bang’e; kum Yehova Mungu peri dwoko cwinye tek, man edwoko adundene tek kara emie i cingi, calu i ceng’ ma tin.

Poi Mi Cik 20:3

man ebiwacu igi kumae, Wuwinji, E Israel, wucoro ceng’ni tin dhu lwiny kum judegiwu: cwinywu kud ung’oi ndiri; lworo kud unegwu, kumwu de kud umiel, kadok ndiri de kud unegwu i kumgi;

Poi Mi Cik 3:1

Walund walokra, man waidho yo mi Bacan: e Og m’ubimo mi Bacan uwok woko i kumwa, en ku dhanu pare ceke, ni lwiny i Edrei.

Poi Mi Cik 3:11

(Kum Og m’ubimo mi Bacan kende e m’udong’ mi dong’ Jurefai; nen, kavuto pare en e kavuto mi nyunyu; en e i Raba mi nyithindho mir Amon ungo? kaborne bot abung’wen, man kalacne bot ang’wen, calku bot dhanu.)

Poi Mi Cik 31:6

Bed ku kero man ku tegocwiny ma ber, lworo kud unegi, kadi ndiri de kud unegi i kumgi: kum Yehova Mungu peri, en e ng’atu ma wucidho wukugi; ebirem iri ngo, kadi ebikuni de ngo.

Poi Mi Cik 7:17

Tek ibiwacu i adundeni kumae, Thek maeni dit ma sagu an; acopo yakugi nenedi?

Poi Mi Cik 7:18

kud ilworgi: poi cu kum gin ma Yehova Mungu peri timo kum Farao, man kum Misiri ceke;

Poi Mi Cik 7:21

Lworo kud unegi i kumgi; kum Yehova Mungu peri ni i krndi, Mungu ma dwong’ ma jang’oindiri de.

Poi Mi Cik 7:24

Man ebimio ubimo migi i cingi, e ibiketho nying’gi rwinyo ku the polo: ng’atu moko mbe ma bicopo cungo i weng’i, cil m’inyotho kogi.

Yocuwa 10:25

Man Yocuwa wacu igi kumae, Kud wulwor, kadi cwinywu kud ung’abre: wubed tek man cwinywu bed tek: kum Yehova bitimo kumeni kum jukwojwu ceke ma wukiedo wukugi.

Yocuwa 10:8

E Yehova wacu ni Yocuwa kumae, Kud ilworgi: kum amiogi i cingi: ng’atu moko mbe m’i kindgi ma bicungo i weng’i.

Yocuwa 8:7

e wubiai malu ku ka ma wukanu ie adhi, man wubimwonyo adhurane: kum Yehova Mungu mu bimie i cingwu.

Jupoklembe 11:30

Man Yeftha ung’olo lembang’ola ni Yehova, man ewacu kumae, Tek ibiketho nyithindho mir Amon i cinga andha,

1 Samwil 23:4

Daudi lund upenjo Yehova kendo. E Yehova loko ire lembe, man ewacu kumae, Ai, lor piny ba Keila; kum abimio Jufilisti i cingi.