Kitabu Mir Ang’wende Pa Musa Wel 19:13 - The Holy Bible In Alur (Lur) Revised Orthography

¹³ Ku ba dhanu ceke ng’atu ma tek umulo avu dhanu, kum dhanu m’utho, man edwokre gire leng’ ungo, ecido hema pa Yehova; man iig’eyong’ec maeno jubikabu woko ku bang’ Israel: kum jukiro pi mi cilo i kume ngo, ebibedo m’ecido; cilo pare fodi ni i kume.

Kitabu Mir Ang’wende Pa Musa Wel 19:13 ပူးပေါင်းရင်းမြစ်များ

Ai 30:33

Ng’atu ma tek ujebo moko calu maeni, kadi ng’atu ma tek ukonjo kume moko wi jawirok, jubikabe woko ku ba juthugi.

Lembrieko 14:32

Jujwigo jadubo ni kum timorac pare; Ento ju ma pwe kapondo migi nuti kinde m’etho.

Ezekiel 44:26

Man yo ng’ei dwokrileng’ pare, gibikwanu ire ceng’ abiro,

Lembe Mi Julawi 15:31

Wubikoyo nyithindho mir Israel kumeni ni cilo migi, kara ku githo i cilo migi, kinde ma gicido hema para ma ni i kindgi.

Lembe Mi Julawi 20:3

An bende abiketho wang’a kum ng’atuca, man abikabe woko ku kind juthugi; kum emio kind nyikwaye ni Molek, kara ecid kamaleng’ para, man kara ecid nyinga ma leng’.

Lembe Mi Julawi 22:3

Wac igi kumae, Ng’atu ma tek en e mi nyikweyu ceke cil kum dhanum’utuk mu m’ucoro ceng’ni ba gin ma leng’, ma nyithindho mir Israel udwoko leng’ ni Yehova, m’ebedo ku cilo pare i kume, jubikabu ng’eyong’ec maeno woko kud i wang’a: an a Yehova.

Lembe Mi Julawi 22:4

Ng’atu ma tek en e kodhi Harun m’e won joi, kadi ma won kasinono; kud ecam kum gin ma leng’, cil m’edoko ko leng’. Man ng’atu m’umulo gin moko m’ucido kum avu, kadi ng’atu ma dya wok i kume;

Lembe Mi Julawi 5:17

Man tek ng’atu moko dubo man etimo gin moko ma Yehova ng’olo ya ku jutim; kadok eng’eyo ngo, ento lembe ni i wie, man ebiyeyo dubo pare.

Lembe Mi Julawi 5:3

Kadi tek emulo gin m’ucido mi co, cilo pare ceke m’ecido kudo, man emungre ire; kinde m’eng’eyo pire, ebilund bedo ma lembe ni i wie.

Lembe Mi Julawi 5:6

man ebikelo lam pare mi kadhukuwicik ni Yehova kum dubo pare m’edubo, vong’ ku kind udul rombe, nyathi rombo kadi nyathi diel, ni lam mi dubo; e jalam bitimo adunya ire pi dubo pare.

Lembe Mi Julawi 7:20

ento ng’eyong’ec m’ucamu ring’o mi lam mi kwiocwiny, ma pa Yehova, ma cilo pare ni i kume, e jubikabu ng’eyong’ecne woko ku ba juthugi.

Lembe Mi Julawi 7:21

Man kinde ma ng’atu moko bimulo gin m’ucido, cilo mi dhanu kadi yedi ma leng’ ungo, kadi ginmajudagu moko ma leng’ ungo, man ecamu ring’o mi lam mi girathiera mi kwiocwiny, ma pa Yehova, jubikabu ng’atu maeno woko.

Kitabu Mir Ang’wende Pa Musa Wel 15:30

Ento ng’eyong’ec m’utimo gin moko aka, tek junyole thugi kadi en e umondo, ng’atuno cido Yehova; e jubikabu ng’eyong’ec maeno woko ku ba juthugi.

Kitabu Mir Ang’wende Pa Musa Wel 19:14

Maeni cik kinde ma dhanu tho i hema: ku ba dhanu ku ba dhanu m’umondo i hema, man ku ba dhanu ku ba dhanu ma ni i hemane, bibedo m’ecido ceng’ abiro.

Kitabu Mir Ang’wende Pa Musa Wel 19:18

man ng’atu ma leng’ bigamu alagi man ebiluthe i pige, man ebikire wi hema, man wi agulu ceke, man wi dhanu ma ni keca, man wi ng’atu m’umulo cogo, kadi ju ma junego, kadi avu, kadi liel:

Kitabu Mir Ang’wende Pa Musa Wel 19:19

e ng’atu ma leng’ bikiro wi ng’atu m’ucido i ceng’ mir adege, man i ceng’ mir abirone: man i ceng’ mir abirone ebidwoke leng’; man ebilwoko kendi pare man ebijombre gire ku pi, e ebibedo leng’ uthieno.

Kitabu Mir Ang’wende Pa Musa Wel 19:20

Ento ng’atu ma bicido, man ebidwokre gire leng’ ungo, jubikabu ng’eyong’ec maeno woko kud i kind cokri, kum ecido kamaleng’ pa Yehova: jukiro pi mi cilo i wie ngo; ecido.

Kitabu Mir Ang’wende Pa Musa Wel 19:9

Man ng’atu ma leng’ bicoko vuru mi rwaya, man ebikethe malu yo ng’ei kagonjo i kamaleng’; man jubigwoko vurune ni udul mi nyithindho mir Israel ni pi mi cilo: en e lam mi dubo.

Kitabu Mir Ang’wende Pa Musa Wel 8:7

Man ibitimo kumeni i kumgi, kara idwokgi leng’: kir pi mi dwokrileng’ i kumgi, man wek gigwar kumgi ceke ku riedi, man gilwok kendi migi, e gidwokri leng’.

Kitabu Mir Ang’wende Pa Musa Wel 9:13

Ento dhanu m’ubedo leng’, m’ubedo i woth ungo, man eweko kwiro kadhukuwijo, jubikabu ng’eyong’ec maeno woko ku ba juthugi; kum ethiero girathiera pa Yehova ngo i nindo ma jung’olo, ng’atu maeno biyeyo dubo pare.

Yohana 8:24

Ketho awacu iwu nia wubitho i dubo mu: kum tek wuyio ngo nia an a en, wubitho i dubo mu.

Juebrania 10:29

e iwu wacu ya masendi ma jubing’olo ya urom ng’atu m’unyono Wod Mungu the tiende, m’ekwanu rimb lembariba m’edoko kudo leng’ de ni gin ma leng’ ungo, m’ecayu Tipo mi bero bende, bisagu dit ungo?

Juebrania 9:10

ma gi, (giracama man giramadha man giralwoka ma tung’ tung’) lembapoka mi kum, ma juketho cil i nindo mi yikolembe.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 22:11

Wek ng’atu m’ugondre, utim gin m’ugondre asu: ng’atu m’ucido de, wek juketh ecid asu: man ng’atu ma pwe, wek etim bedopwe asu: man ng’atu maleng’, wek juketh ebed leng’ asu.

Lembanyutha 22:15

Yo woko gwogi, man weg jogi, ku weg tarwang’, ku juneg nek, ku ju ma lamu ayi gin m’acwia, ku kwai dhanu ceke m’umaru ndra m’utimo de.