Kitabu Mir Ang’wende Pa Musa Wel 18:5 - The Holy Bible In Alur (Lur) Revised Orthography

⁵ E wubigwoko kur mi kamaleng’, man kur mi pemblam; kara kwinyo kud ubed kendo Wi nyithindho mir Israel.

Kitabu Mir Ang’wende Pa Musa Wel 18:5 ပူးပေါင်းရင်းမြစ်များ

I Lemkei 23:24

Maeni gi wot Lawi calku udi pa weggi, en e wi udi pa wego mi jumaeni ma jukwanu, i wel mi nying’ wic ku ba wic migi, m’utimo tic mi timotim mi ot pa Yehova, ugambre kum ma rundine pier ario man m’usagu.

I Lemkei 23:32

man kara gigwok lembang’ola mi hema mi cokri, man lembang’ola mi kamaleng’, man lembang’ola mi wot Harun ma utumeggi, pi timotim mi ot pa Yehova.

I Lemkei 24:5

Jupokogi ku gagi kumeni, juman ku juwagi juman ku juwagi; kum judongomawijo mi kamaleng’, man judongomawijo pa Mungu ginuti, mi wot Eleazar, man mi wot Ithamar bende.

I Lemkei 9:19

Man Calum ma wod Kore, ma wod Ebiasaf, ma wod Kora, man utumin mire, mi ot pa won, Jukorathi, gibedo wi tic mi giratima, ma gi jukur kamondo mi hema: man naka weggi bedo wi gonjo pa Yehova, gi jukur mi kamondo.

I Lemkei 9:23

Kum kumeno gin ku nyithindho migi gikuro dhugang’ mi ot pa Yehova, en e ot mi hema, ku ba kur.

I Lemkei 9:33

Man maeni gi juwer, gi wi udi pa weggi mi Julawi, m’ubedo i kusika man m’ubedo agonya ni tic mange; kum tic migi romogi dieceng’ ku diewor.

Ai 27:21

I hema mi cokri, yo woko mi kusikabongu ma ni i wang’ lembatuca, Harun giku wote gibiyike gambre uthieno cil kugweno i wang’ Yehova: ebibedo ni cik mi nja i kind dhanum’utuk migi pi nyithindho mir Israel.

Yeremia 23:15

Ka kumeno Yehova mir udul uwacu kumae pi jubila: Nen, abikakugi ku yendadra, man abiketho gimadhu pigulecu; kum gin ma ayi Mungu mbe i kume ai ba jubila mi Yerusalem ucidho i ng’om ceke.

Ezekiel 44:15

Ento julam ma julawi, ma wot Zadok, ma gwoko kur mi kamaleng’ para kinde ma nyithindho mir Israel ukier kud i bang’a, gibibino ceng’ni an nitimo ira; man gibicungo i wang’a kara githier ira mio ku rimo, Rwoth Yehova wacu:

Ezekiel 44:16

Gibimondo i kamaleng’ para, man gibibino ceng’ni mesa para, kara gitim ira, man gibigwoko kur para.

Lembe Mi Julawi 10:6

E Musa wacu ni Haran, man ni Eleazar, man ni Ithamar, ma wote kumae, Kud wukab girauma mi wiwu, kadok kendi mu de kud wuyeci; kara kud wutho, man kara kwinyo kud unege kum udul ceke: ento wek utumegwu, ma ot mir Israel dho, giywag wang’uwang’ ma Yehova cwinyo.

Lembe Mi Julawi 24:3

Yo woko ni kusikabongu mi lembatuca, i hema mi cokri, Harun bigwoke gambre uthieno cil kugweno i wang’ Yehova thiri thiri: ebibedo ni cik mi nja cil kum dhanum’utuk mu.

Zekaria 10:3

Ng’ecwiny para bogre kum jukwac, man abimio masendi ba nyogi diegi; kum Yehova mir udul uliewo udul rombe pare, en e ot mi Yuda, man ebikethogi calu riuni pare ma ber i lwiny.

Kitabu Mir Ang’wende Pa Musa Wel 1:50

ento iketh Julawi wi hema mi lembatuca, man wi jamnine ceke, man wi gin ceke ma jamnine: gibiyeyo hema, ku jamnine ceke; man gibitimo tim i kume, e gibigonjo i ng’et hema gbur.

Kitabu Mir Ang’wende Pa Musa Wel 1:53

Ento Julawi bigonjo i ng’et hema mi lembatuca gbur, kara kwinyo kud ubed wi udul mi nyithindho mir Israel: man Julawi bigwoko kur mi hema mi lembatuca.

Kitabu Mir Ang’wende Pa Musa Wel 16:46

Man Musa wacu ni Harun kumae, Gam tabu peri, man iketh mac i ie ku ba pemblam, man iketh udok ma ng’wice ng’ar i wie, man itere pio bang’ udul, e itim adunya pigi: kum kwinyo ai ba Yehova; thong’om uthekre.

Kitabu Mir Ang’wende Pa Musa Wel 18:4

E gibiribri karacelo kudi, man gibigwoko kur mi hema mi cokri, mi giratima ceke mi Hema: man jawirok bibino ceng’ni wun ungo.

Kitabu Mir Ang’wende Pa Musa Wel 4:18

Kud wukab suru mi wat mi Jukohathi ku kind Julawi;

Kitabu Mir Ang’wende Pa Musa Wel 8:19

Man amio Julawi calu giramia ni Harun man ni wote kud i kind nyithindho mir Israel, kara gitim giratima ni nyithindho mir Israel i hema mi cokri, man kara gitim adunya ni nyithindho mir Israel; kara thong’om moko kud ubed i kind nyithindho rair Israel, kinde ma nyithindho mir Israel gibino ceng’ni ba kamaleng’.

Kitabu Mir Ang’wende Pa Musa Wel 8:2

Yer ni Harun, man iwac ire kumae, Kinde m’icwinyo thala, thala abiro birieny i wang’ thethala.

1 Timoteo 1:18

Lembang’ola maeni ajengo i kori, nyathin para Timoteo, calku bila m’uyero piri, kara ikied lwiny ma ber kum lembe maeni;

1 Timoteo 3:15

ento tek agalu hai, kara ing’ei maram maku jutim i ot pa Mungu, ma en e kanisa pa Mungu ma kwo, mbegi ku tiend ot mi lemandha.

1 Timoteo 5:21

Ang’olo iri i wang’ Mungu, ku Kristu Yesu, ku malaika ma jugoyo nying’gi, ya iwor gin maeni ma fodi ikung’olo pire ngo, ma k’itimo gin moko ngo ni kum mer m’imaru ko jumoko.

1 Timoteo 6:20

E Timoteo, gwok maeno ma juketho i kori no, m’uoko ko ng’ei kum wec mananu mir acidi ku piem mi ng’eyong’ec ma en e ng’eyong’ec mi ndra;