Kitabu Mir Ang’wende Pa Musa Wel 18:20 - The Holy Bible In Alur (Lur) Revised Orthography

²⁰ Man Yehova wacu ni Harun kumae, Ibibedo kud aba ngo i ng’om migi, kadok makapiny moko m’i kindgi de ibibedo ko ngo: an a makapiny peri man aba peri i kind nyithindho mir Israel.

Kitabu Mir Ang’wende Pa Musa Wel 18:20 ပူးပေါင်းရင်းမြစ်များ

Thangambere 15:1

Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila.

Zaburi 142:5

Aywak i beng’i E Yehova; Awacu kumae, In i kapondo para, In i makapiny para i ng’om mi ju ma kwo.

Zaburi 16:5

Yehova en e makapiny mir aba para man mi kikombe para: Igwoko gagi m’upodho i wia.

Zaburi 73:26

Ring’kuma kud adundena gijwik; Ento Mungu en e tego mir adundena man makapiny para mi nja.

Ywak 3:24

Yehova en e makapiny para, ng’eyong’ec para wacu; ka kumeno abigeno gen ni kume.

Ezekiel 44:28

Man gibibedo kud aba: an a aba migi; man wubimio igi piny ungo i kind Israel; an a piny migi.

Kitabu Mir Ang’wende Pa Musa Wel 18:7

Man in wuku woti karacelo kudi wubigwoko lamulam mu pi gin ceke mi pemblam, man pi maeno ma yo i kusikabongu; e wubitimo giratima: amio lamulam iwu calu giratima mi giramia: e jawirok m’ucoro ceng’ni jubinege.

Kitabu Mir Ang’wende Pa Musa Wel 26:62

Man ju m’i kindgi ma jukwanugi gi rubanga pier ario wi adek, co kubang’gi kubang’gi ugambre kum mi dwi acel ku ma sagu: kum jukwanugi ngo i kind nyithindho mir Israel, kum aba mbe ma jumio igi i kind nyithindho mir Israel.

Poi Mi Cik 10:9

Kum kumeno Lawi bedo ku makapiny ungo kadi aba de ungo i kind utumin mire; Yehova en e aba pare, calu Yehova Mungu peri yero ire.)

Poi Mi Cik 12:12

Man anyong’a negwu i wang’ Yehova Mungu mu, wun, ku wotwu, ku nyigwu, man jumiru mu, ku bong’ mu, man Jalawi ma ni i dhugang’ mu, kum makapiny pare mbe kadok aba de mbe karacelo kudu.

Poi Mi Cik 14:27

Man Jalawi ma ni yo i dhugang’ peri, kud ikune; kum makapiny pare kadi aba de mbe karacelo kudi.

Poi Mi Cik 14:29

man Jalawi, kum makapiny pare kadi aba pare de mbe karacelo kudi, man umondo, ku kic, man dhaku ma cware tho, ma gini yo i dhugang’ peri, gibibino, man gibicamu gibiyeng’ de; kara Yehova Mungu peri mi mugisa iri i tic ceke mi cingi m’itimo.

Yocuwa 13:14

Ndhu ni suru pa Lawi emio aba moko ngo; girathiera pa Yehova, Mungu mir Israel, ma jutimo ku mac gin gi aba pare, calu eyero ire.

Yocuwa 13:33

Ento Musa mio aba moko ngo ni suru pa Lawi: Yehova, Mungu mir Israel, en e aba migi, calu eyero igi.

Yocuwa 14:3

Kum Musa mio aba mi suru ario ku ng’et suru loka Yordan: ento ni Julawi emio aba ngo i kindgi.

Yocuwa 18:7

Kum Julawi gibedo ku makapiny migi ngo i kindwu; kum lamulam pa Yehova en e aba migi: man Gad ku Ruben ku ng’et suru pa Manase gidaru maku aba migi loka Yordan yo nyangu, ma Musa ma jatic pa Yehova mio igi.

Lembanyutha 21:3

Man awinjo dwal ma dit uai i komker uwacu kumae, Nen, hema pa Mungu ni karacelo ku dhanu, man ebibedo kugi, man gibibedo dhanu pare man Mungu ku kite bibedo karacelo kugi, ni Mungu migi: