Kitabu Mir Ang’wende Pa Musa Wel 18:16 - The Holy Bible In Alur (Lur) Revised Orthography

¹⁶ Man maeno ma jubiwaru m’i kindgi ugambre kum ma dwije acel ibiwaru, calku wel m’iketho, mi sente mi cekel abic, calku cekel mi kamaleng’ (ma en e gera pier ario).

Kitabu Mir Ang’wende Pa Musa Wel 18:16 ပူးပေါင်းရင်းမြစ်များ

Ai 30:13

Ku ba dhanu ceke m’ukadhu i kind ju ma jukwanugi, gibimio maeni: ng’et cekel calu cekel mi kamaleng’ (cekel en e gera pier ario), ng’et cekel ni girathiera ni Yehova.

Ai 38:24

Mola ma kwar ceke ma jutimo ko tije i tic ceke mi kamaleng’, cil mola ma kwar ma juthiero, en e talanto pier ario wi abung’wen, man cekel dak abiro ku pier adek, calku cekel mi kamaleng’.

Ezekiel 45:12

Man cekel bibedo gera pier ario; cekel pier ario, cekel pier ario wi abic, cekel apar wi abic, bibedo sente mu.

Lembe Mi Julawi 27:25

Man kwanuwel peri ceke bibedo calku cekel mi kamaleng’: cekel bibedo gera pier ario.

Kitabu Mir Ang’wende Pa Musa Wel 18:15

Gin ceke m’uyabu ic, mi ring’o ceke ma gibithiero ni Yehova, kadok mi dhanu kadi mi lim de bibedo peri: ento kayu mi dhanu ibiwaru andha, man kayu mi lim ma leng’ ungo ibiwaru.

Kitabu Mir Ang’wende Pa Musa Wel 18:17

Ento kayu mi dhiang’, kadi kayu mi rombo, kadi kayu mi diel, ibiwaru ngo; gin gi leng’: ibikixo rimbgi wi pemblam, man ibiwang’u mio migi ni lam ma jutimo ku mac, ni ng’wic mido ma ng’ar ni Yehova.

Kitabu Mir Ang’wende Pa Musa Wel 3:46

Man pi war mi kayu mi nyithindho mir Israel dak ario ku pier abiro wi adek ma gikadhu wel mi Julawi,

Kitabu Mir Ang’wende Pa Musa Wel 3:47

ibigamu cekel abic i bang’gi ku ba wie ku ba wie; calku cekel mi kamaleng’ ibigamugi (cekel acel en e gera pier ario):