Kitabu Mir Ang’wende Pa Musa Wel 18:1 - The Holy Bible In Alur (Lur) Revised Orthography

¹ Man Yehova wacu ni Harun kumae, In wuku woti man ot pa wuru karacelo kudi wubiyeyo kier mi kamaleng’: man in wuku woti karacelo kudi wubiyeyo kier mi lamulam mu.

Kitabu Mir Ang’wende Pa Musa Wel 18:1 ပူးပေါင်းရင်းမြစ်များ

Ai 28:38

Man ebibedo wi ter nyim Harun, man Harun biyeyo kier mi gin ma leng’, ma nyithindho mir Israel bidwokogi leng’ i giramia migi ceke ma leng’; man ebibedo i ter nyime thiri thiri, kara jujolgi i wang’ Yehova.

Isaya 53:11

Ebineno sendri mi ng’eyong’ec pare, e cwinye bikwio: ni kum ng’eyong’ec pare gire jatic para ma pwe bigonyo lembe ma wi dhanu dupa; man ebiyeyo kier migi.

Isaya 53:6

Kawa ceke wakier calu rombe; wakier kubang’wa kubang’wa ng’atuman i yoje gire man i yoje gire; man Yehova ketho kier mwa ceke i wie.

Ezekiel 4:4

Mange ke ivut wi ng’eti ma yor acam, man iketh kier mi ot mir Israel i wie; ibiyeyo kier migi, calu wel ceng’ m’ibivuto ieiwie.

Lembe Mi Julawi 10:17

Pirang’o wukwero camu lam mi dubo i ka mi kamaleng’, kum en e leng’ m’usagu, man emie iwu kara ukab dubo mir udul woko, kara utim adunya pigi i wang’ Yehova?

Lembe Mi Julawi 22:16

e giyei kier m’ukelo dubo kumeni, kinde ma gicamu gin ma leng’ migi: kum an a Yehova m’udwokogi leng’.

Lembe Mi Julawi 22:9

Ka kumeno gibigwoko kur para, gimaru yeyo dubo pire, man githo i ie, tek gicide: an a Yehova m’udwokogi leng’.

Kitabu Mir Ang’wende Pa Musa Wel 14:34

Calku wel mi ceng’ ma wiilibo ie ng’ombe en e ceng’ pier ang’wen, ku ba ceng’ ceke kubang’gi kubang’gi en e rundi acel acel, wubiyeyo kier mu, en e rundi pier ang’wen, e wubing’eyo loko lembang’ola para.

Kitabu Mir Ang’wende Pa Musa Wel 16:10

man nia ecori ceng’ni, ku utumeru ceke ma wot Lawi karacelo kudi? man wuyenyo lamulam bende?

Kitabu Mir Ang’wende Pa Musa Wel 17:13

Ku ba dhanu ceke m’ucoro ceng’ni, m’ubino ceng’ni ba hema pa Yehova, etho: kubang’wa ceke wabitho?

Kitabu Mir Ang’wende Pa Musa Wel 17:3

Man ibigoro nying’ Harun wi dul pa Lawi; kum dul bibedo acel mi wi udi pa weggi kubang’gi kubang’gi.

Kitabu Mir Ang’wende Pa Musa Wel 17:7

Man Musa ketho dul malu i wang’ Yehova i hema mi lembatuca.

Kitabu Mir Ang’wende Pa Musa Wel 18:11

Man maeni peri: lam m’ating’a mi giramia migi, en e lam m’awira ceke mi nyithindho mir Israel; amiogi iri, man ni woti man ni nyigi karacelo kudi, calu makapiny mi nja; ku ba dhanu ceke m’i ot peri m’ubedo leng’ gibicamu kume.

Kitabu Mir Ang’wende Pa Musa Wel 3:6

Kel suru pa Lawi ceng’ni, man ikethgi i wang’ Harun ma jalam, kara gitim ire.

Poi Mi Cik 10:8

I nindo maeca Yehova koyo suru pa Lawi, karauyei sanduk mi lembariba pa Yehova kara ucung i wang’ Yehova nitimo tim ire, man nimio mugisa ku nyinge, cil tin.

Juebrania 13:17

Wuwor ju ma gibimo wiwu, wumond igi de: kum gikuro kum ng’eyong’ec mu calu ju ma biwodho wel; kara gitim maeni ku mutoro, ku can re ngo: kum maeni kuloka ngo iwu.

Juebrania 4:15

Kum wakubedo ku jalam ma dit ungo ma can kunege ngo kum ng’ic ma wa ng’ic ko; endre ng’atu ma jubidhe kum gin ceke ma calu jubidho kowa, ere ma dubo mbe.

1 Petro 2:24

ma en gire eyeyo dubo mwa i kume wi yen, kara wan, ma watho ni dubo, wabed kwo ni bedopwe; ku goc pare wun wucangu.

Jupoklembe 17:12

Man Mika thiero Jalawi, e jalawobine doko jalam pare, man ebedo i ot pa Mika.