Kitabu Mir Ang’wende Pa Musa Wel 16:46 - The Holy Bible In Alur (Lur) Revised Orthography

⁴⁶ Man Musa wacu ni Harun kumae, Gam tabu peri, man iketh mac i ie ku ba pemblam, man iketh udok ma ng’wice ng’ar i wie, man itere pio bang’ udul, e itim adunya pigi: kum kwinyo ai ba Yehova; thong’om uthekre.

Kitabu Mir Ang’wende Pa Musa Wel 16:46 ပူးပေါင်းရင်းမြစ်များ

I Lemkei 27:24

Yoab ma wod Zeruia maku kwanu, ento edaru ngo; man kwinyo wok wi Israel kum maeni; kadi welgi de juketho ngo i wel mi lemkei pa Daudi m’ubimo.

Zaburi 106:29

Kumeno ginyayu ng’ecwiny i ie ku giratima migi; Man thong’om upodho i wigi.

Zaburi 141:2

Wek rwo para idh i weng’i calu udok ma ng’wice ng’ar: Ting’ocing’ para de calu lam mir uthieno,

Lembe Mi Julawi 10:6

E Musa wacu ni Haran, man ni Eleazar, man ni Ithamar, ma wote kumae, Kud wukab girauma mi wiwu, kadok kendi mu de kud wuyeci; kara kud wutho, man kara kwinyo kud unege kum udul ceke: ento wek utumegwu, ma ot mir Israel dho, giywag wang’uwang’ ma Yehova cwinyo.

Lembe Mi Julawi 9:24

E mac uai i wang’ Yehova, man ewang’u lam m’awang’a wi pemblam ku mio: e kinde ma dhanu ceke neno maeni, gikok, man gipodho arieba wang’gi.

Habakuk 3:5

Thong’om cidho i wang’e, Guk m’uwang’ uai ku ba tiende.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Kitabu Mir Ang’wende Pa Musa Wel 1:53

Ento Julawi bigonjo i ng’et hema mi lembatuca gbur, kara kwinyo kud ubed wi udul mi nyithindho mir Israel: man Julawi bigwoko kur mi hema mi lembatuca.

Kitabu Mir Ang’wende Pa Musa Wel 11:33

Kinde ma ring’o fodi ni i kind lakgi, ma fodi gikunyame ngo, ng’ecwiny pa Yehova opo kum dhanu, man Yehova goyo dhanu ku thong’om ma dit apila.

Kitabu Mir Ang’wende Pa Musa Wel 18:5

E wubigwoko kur mi kamaleng’, man kur mi pemblam; kara kwinyo kud ubed kendo Wi nyithindho mir Israel.

Kitabu Mir Ang’wende Pa Musa Wel 25:13

man ebibedo ire, man ni nyikwaye yo ng’eye, lembariba mi lamu lam mi nja; kum nyeko time pi Mungu pare, man etimo adunya pi nyithindho mir Israel.

Kitabu Mir Ang’wende Pa Musa Wel 25:8

man elubo tok Jaisraeli i hema, man ecobogi plu gin ario, ng’atu ma Jaisraeli giku dhakune de ecobogi plu. Kum kumeno thong’om ucok i kum nyithindho mir Israel.

Kitabu Mir Ang’wende Pa Musa Wel 8:19

Man amio Julawi calu giramia ni Harun man ni wote kud i kind nyithindho mir Israel, kara gitim giratima ni nyithindho mir Israel i hema mi cokri, man kara gitim adunya ni nyithindho mir Israel; kara thong’om moko kud ubed i kind nyithindho rair Israel, kinde ma nyithindho mir Israel gibino ceng’ni ba kamaleng’.

Poi Mi Cik 9:22

Man i Tabera, i Masa de, man i Kibroth-hatava, wunyayu kwinyo i Yehova.