Kitabu Mir Ang’wende Pa Musa Wel 16:41 - The Holy Bible In Alur (Lur) Revised Orthography

⁴¹ Ento urwone udul ceke mi nyithindho mir Israel, ging’ur kum Musa man kum Harun, giwacu kumae, Wunego dhanu pa Yehova.

Kitabu Mir Ang’wende Pa Musa Wel 16:41 ပူးပေါင်းရင်းမြစ်များ

1 Ubimo 18:17

Man etimbre, kinde ma Ahab uneno Elia, nia Ahab uwacu ire kumae, En e in, in i jasend Israeli?

Zaburi 106:13

Wigi wil pio kum tic pare; Gikuro lembapora pare ngo,

Zaburi 106:23

Ka kumeno ewacu nia ebinyothogi, Tek Musa m’egoyo wie kucungo i wang’e i ka m’umor ungo, Kara elok kwinyo pare cen, kara kud enyothgi.

Isaya 26:11

Yehova, cingi tingre malu ento gineno ngo: ento gibineno ngiri peri ma pi dhanu, e lewic bimakugi; eyo, mac bicamu jusend peri.

Yeremia 38:4

Judongomawijo lund uwacu ni ubimo kumae, Wakwei, wek juneg ng’atu maeni; kum ekwio cing’ dhanu mir ali m’udong’ i adhura maeni, ku cing’ dhanu ceke, ku yero wadi lembe maeni igi: kum ng’atu maeni yenyo bedober mi dhanu maeni ngo, endre lem ma rac.

Yeremia 43:3

ento Baruc ma wod Neria piko lembe ii i kumwa, kara emiwa i cing’ Jukaldayo, kara ginegwa, man giyakwa ni ng’eca i Babeli.

Amos 7:10

Amazia ma jalam mi Beth-el ulund uoro kwenda ba Yeroboam m’ubimo mir Israel, ewacu kumae, Amos uthubo ali i kumi i kind ot mir Israel: ng’om copo ciro lembe pare ceke ngo.

Kitabu Mir Ang’wende Pa Musa Wel 14:2

E nyithindho mir Israel ceke ging’ur kum Musa man kum Harun: man udul ceke giwacu igi kumae, Maku watho i ng’om Misiri! kadi maku watho i langa maeni!

Matayo 5:11

Mugisa iwu ka dhanu bicayuwu, man gibinyayu ragedo i kumwu, man gibiyero gin ma rac ma kwonde tung’ tung’ i kumwu ma en e ndra, ni kuma.

Tic Mi Jukwenda 21:28

gikok kumae, Dhanu mir Israel, wukonywa: Janduni en e ng’atu m’uponjo dhanu ceke ku kaka ceke kum dhanu, kum cik de kum ka maeni bende; man ke ekelo dhanu mi Yunani de i hekalu, man ecido kamaleng’ maeni.

Tic Mi Jukwenda 5:28

ewacu kumae, Wang’olo iwu ma tek ya kud wuponj ku nying’ maeni: nen, wuromo Yerusalem ceke ku ponji mu, wuyenyo wukel rimb ng’atuno i wiwa de.

1 Jukorinto 10:10

Kadi kud wung’ur calu jumoko m’i kindgi ging’ur, man githo ni janyoth piny.

2 Jukorinto 6:8

ku dwong’ man umbe yung, ku rwonglembe ma rac man rwonglembe ma ber; calu jubombi, e karaman andha;

Yuda 1:16

Joni gi jung’ur, gi jupir, ma gilubo tok awanya migi ma rac (ma dhoggi yero lembe ma dit ma yenyo) ma dhanu bedo tung’ tung’ i wang’gi ni kum kuloka.