Kitabu Mir Ang’wende Pa Musa Wel 16:28 - The Holy Bible In Alur (Lur) Revised Orthography

²⁸ E Musa wacu kumae, Ni kum maeni wubing’eyo nia Yehova ora nitimo tic maeni ceke: kum atimogi ngo ku pidoia gira.

Kitabu Mir Ang’wende Pa Musa Wel 16:28 ပူးပေါင်းရင်းမြစ်များ

1 Ubimo 18:36

Man etimbre i nindo mi thiero girathiera mir uthieno, nia Elia ma jabila bino ceng’ni, man ewacu kumae, E Yehova, Mungu pa Ibrahim, pa Isak, man pa Israel wek jung’ei i ceng’ maeni nia in i Mungu i kind Israel, man nia an a jatic peri, man nia atimo gin maeni ceke kum lembe peri.

Ai 3:12

Man ewacu kumae, Wabibedo wakudi andha; man maeni bibedo giranyutha iri, nia aori: kinde m’iwodho dhanu woko kud i Misiri, wubitimo ni Mungu wi got maeni.

Ai 4:12

Ka kumeno kawono cidhi, man abibedo ku dhogi, e abiponji ku gin m’ibiyero.

Ai 4:15

E ibiyero ire, man ibiketho lembe i dhoge: man abibedo ku dhogi, man ku dhoge, man abiponjowu ku gin ma wubitimo.

Ai 7:9

Kinde ma Farao biweco i beng’wu, ebiwacu kumae, Wunyuth musana piwu; ibilund wacu ni Harun kumae, Ting’ uluth peri, man ibole piny i wang’ Farao, kara edok ni thwol.

Yeremia 23:16

Yehova mir udul uwacu kumae, Kud wuwinj lembe mi jubila m’uewo iwu: giponjowu ku gin ma ie nanu; giyero ginmawokiwang’ mir adundegi gigi, man kud i dhu Yehova ngo.

Ezekiel 13:17

Man in, wod dhanu, keth weng’i kum nyig dhanu peri, ma giewo ma i adundegi gigi; man ieu lembe i kumgi,

Zekaria 2:9

Kum, nen, abiyengo cinga i wigi, e gibibedo ni ayeki ni ju m’utimo igi; e wubing’eyo nia Yehova mir udul uora.

Zekaria 4:9

Cing’ Zerubabel uketho thepiny mi ot maeni; cinge bende bidare; man ibing’eyo nia Yehova mir udul uora i beng’wu.

Kitabu Mir Ang’wende Pa Musa Wel 24:13

Kadok Balak mi ira ot pare pong’ ku mola ma tar ku mola ma kwar, acopo kadhu ku wi lembe pa Yehova ngo, m’atim ko ber kadi rac ku pidoia gira; gin ma Yehova yero, maeca e m’abiyero?

Yohana 11:42

Man ang’eyo nia iwinja thiri thiri: ento kum udul dhanu m’ucungo i vuta ayero, kara giyi nia iora.

Yohana 14:11

Wuyia nia ani i Wego, Wego de ni i ia: kadi wuyia ni kum tic m’atimo.

Yohana 5:30

Acopo timo gin moko gira ngo: calu awinjo, e apoko lembe: man pokolembe para de pwe; kum asayu yeny ma ia yenyo ngo, ento yeny ma i ng’atu m’uora yenyo re.

Yohana 5:36

Ento nyutholembe m’abedo ko e dit ma sagu Yohana; kum tic ma Wego mio ira adar, tic maeni m’atimo enyutho pira, nia Wego ora.

Yohana 6:38

Kum aloro kud i polo piny, nitimo yeny ma ia yenyo an ungo, ento yeny ma i ng’atu m’uora yenyo re.

Poi Mi Cik 18:22

kinde ma jabila yero ku nying’ Yehova, tek ginde lubo ng’eye ngo, kadi etimbre ngo, maeno gin ma Yehova yero ngo: jabilane yere ku ng’oc, lworo binegi i kume ngo.