Kitabu Mir Ang’wende Pa Musa Wel 16:13 - The Holy Bible In Alur (Lur) Revised Orthography

¹³ en e gin ma nok nia iwodhowa kud i ng’om ma molo cak ku kici, kara inegwa i langa, ento idong’ idodri gin bende ni jaditmawijo i wiwa?

Kitabu Mir Ang’wende Pa Musa Wel 16:13 ပူးပေါင်းရင်းမြစ်များ

Ai 1:11

Ka kumeno giketho juwitic i wigi kara usendgi ku ter migi. Man gigomo adhura mi kanupiny Pithom ku Ramses, ni Farao.

Ai 1:22

Man Farao ng’olo ni dhanu pare ceke, ewacu kumae, Ku ba nyithindho ma co ceke ma junyolo wubibologi i kulo, man ku ba nyithindho ma nyir ceke wubiweko gibedo kwo.

Ai 16:3

man nyithindho mir Israel uwacu igi kumae, Esagu tek watho i cing’ Yehova i ng’om Misiri, kinde ma wabedo dhu agulu mi ring’o, kinde ma wacamu kwen wayeng’; kum wukelowa i langa maeni, kara wuneg cokri maeni ceke ku kec.

Ai 17:3

E rieu pi nego dhanu keca; e dhanune ging’ur kum Musa, man giwacu kumae, Pirang’o iwodhowa ku i Misiri, kara inegwa ku nyithindho mwa ku lim mwa ku rieu pi?

Ai 2:14

Man ewacu kumae, Ng’a m’ukethi ni jaditmawijo man japoklembe i wiwa? iyenyo inega calu inego Jamisiri? Man lworo nego Musa, man ewacu kumae, Andha lembe maeni ng’eire.

Ai 2:23

Man etimbre yo ng’ei nindo maeno dupa, nia ubimo mi Misiri tho: e nyithindho mir Israel gigamu cwinygi kum ng’eca, man giywak, man ywak migi idho malu ba Mungu ni kum ng’ecane.

Ezekiel 34:18

Ebedo iwu ni gin ma noki ya w’ucamu i kakwac ma ber, ento w’ukow’unyono piny be ku tiendwu dong’ kakwac m’udong’i? man ya wumadhu pi ma terere, ento wukowunyotho donge m’udong’ be ku tiendwu?

Kitabu Mir Ang’wende Pa Musa Wel 11:20

ento dwi dho, cil m’ewok woko kud i odiumwu, man ebedo ni ginmajudagu iwu; kum wukwero Yehova ma ni i kindwu, man wuywak i wang’e, wuwacu kumae, Nedi waai woko kud i Misiri?

Kitabu Mir Ang’wende Pa Musa Wel 11:4

Man udul dhanu m’ujebre ma ni i kindgi awanya negogi apila: e nyithindho mir Israel bende giywak kendo, giwacu kumae, Ng’a ma bimio iwa ring’o wacami?

Kitabu Mir Ang’wende Pa Musa Wel 11:5

Wapoi kum rec, ma wacamu i Misiri mananu; kud ukuju, man ukondo, ku matungulu m’i thim, man matungulu, ku matungulu ma lake tek:

Kitabu Mir Ang’wende Pa Musa Wel 13:27

Man giyero ire, giwacu kumae, Watundo ba ng’om ka m’ioro ie wa; emolo cak ku kic andha; man maeni en e nying’ pinje.

Kitabu Mir Ang’wende Pa Musa Wel 14:2

E nyithindho mir Israel ceke ging’ur kum Musa man kum Harun: man udul ceke giwacu igi kumae, Maku watho i ng’om Misiri! kadi maku watho i langa maeni!

Kitabu Mir Ang’wende Pa Musa Wel 14:3

Man Yehova kelowa i ng’om maeni mir ang’o, kara wapodh ku palamularu? Mondwa ku nyithindhwa ma thindho gibibedo ni ayeki: e ber iwa ma sagu ngo ya wadok i Misiri?

Kitabu Mir Ang’wende Pa Musa Wel 16:12

E Musa oro jucijulwong’ Dathan gikud Abiram, ma gi wot Eliab; e giwacu kumae, Wabiidho ngo:

Luka 19:14

Ento dhanu pare gidage, gioro kwenda i toke, m’uwacu kumae, Wayenyo ngo nia ng’atu maeni bim wiwa.

Tic Mi Jukwenda 7:35

Musa maeni ma gikwere, giwacu kumae, Ng’a m’uketho idok jabim ku japoklembe de? e en nini e ma Mungu ore nibedo jabim ku jalar bende ku cing’ malaika m’uwok i bang’e i yen m’udinyo.