Kitabu Mir Ang’wende Pa Musa Wel 15:29 - The Holy Bible In Alur (Lur) Revised Orthography

²⁹ Wubibedo ku cik acel ni ng’atu m’utimo gin moko m’eng’eyo ngo, ni ng’atu ma junyolo thugi i kind nyithindho mir Israel, man ni jawirok m’ubedo ni umondo i kindgi.

Kitabu Mir Ang’wende Pa Musa Wel 15:29 ပူးပေါင်းရင်းမြစ်များ

1 Ubimo 8:41

Mange ke pi jawirok, ma en e mi dhanu peri Israel ungo, kinde m’ebiai kud i ng’om ma bor pi nyingi

Ai 12:49

Cik acel bibedo ni ng’atu m’anyola, man ni jawirok m’ubedo ni umondo i kindwu.

Lembe Mi Julawi 16:29

Man ebibedo ni cik mi nja iwu: i dwi mir abirone, i ceng’ mir apaje mi dwije, wubidieng’o cwinywu, e wubitimo tic moko ngo, dhanu m’anyola, kadi umondo m’ubedo i kindwu:

Lembe Mi Julawi 17:15

Man ku ba ng’eyong’ec ceke m’ucamu gin m’utho kende, kadi gin ma yedi yeco, tek ebedo ng’atu m’anyola kadi umondo, ebilwoko kendi pare, man ebijom gire i pi, e ebibedo m’ecido cil uthieno: e ebilund bedo leng’.

Lembe Mi Julawi 4:2

Yer ni nyithindho mir Israel, wac kumae, Tek ng’atu moko bidubo m’aka ngo, i gin moko ma Yehova ng’olo ya ku jutim, man ebitimo kindgi acel:

Kitabu Mir Ang’wende Pa Musa Wel 15:15

Cik acel bibedo iwu mi cokri, man ni jawirok m’ubedo ni umondo i beng’wu, en e cik ma nja cil ni dhanum’utuk mu: calu wubedo, umondo bibedo kumeca i wang’ Yehova.

Kitabu Mir Ang’wende Pa Musa Wel 15:28

Man jalam bitimo adunya ni ng’eyong’ec maeno m’ukier, kinde m’edubo m’eng’eyo ngo, i wang’ Yehova, kara etim adunya pire: e jubiweko dubo pare woko.

Kitabu Mir Ang’wende Pa Musa Wel 15:30

Ento ng’eyong’ec m’utimo gin moko aka, tek junyole thugi kadi en e umondo, ng’atuno cido Yehova; e jubikabu ng’eyong’ec maeno woko ku ba juthugi.

Kitabu Mir Ang’wende Pa Musa Wel 9:14

Man tek jawirok bibedo ni umondo i kindwu, man eyenyo ekwir kadhukuwijo ni Yehova; calku cik mi kadhukuwijo, man calku lembapokane, ebitimo kumeca: wubibedo ku cik acel, ni umondo, man ni ng’atu ma junyolo i ng’om.

Luka 12:48

ento ng’atu m’ung’eyo ngo, man etimo gin m’uromo ku goc de, jubigoye ku goc ma nok. Man ng’atu ma tek jumio ire dupa, jubilwong’o dupa i bang’e: man ng’atu ma tek juketho gin ma dit i kore, e jubikwayu ma sagu i bang’e.

Yocuwa 8:33

E Israel ceke, ku judongo migi ku jego, man jupoklembe migi, gicungo i ng’et sanduk kucel man i ng’ete kucel i wang’ julam ma Julawi, m’uyeyo sanduk mi lembariba pa Yehova, en e jabedo calu ng’atu ma junyolo thugi; ng’etgi kurucel i nyim got Gerizim, man ng’etgi kurucel i wang’ got Ebal; calu Musa ma jatic pa Yehova ng’olo ku kwong’a, nia gimi mugisa ni nyithindho mir Israel.