Kitabu Mir Ang’wende Pa Musa Wel 15:25 - The Holy Bible In Alur (Lur) Revised Orthography

²⁵ Man jalam bitimo adunya ni udul ceke mi nyithindho mir Israel, e jubiweko dubo migi; kum en e kier, man gikelo girathiera migi, lam ma jutimo ku mac ni Yehova, man lam migi mi dubo i wang’ Yehova, mi kier migi:

Kitabu Mir Ang’wende Pa Musa Wel 15:25 ပူးပေါင်းရင်းမြစ်များ

Eklizia 5:6

Kud iyi dhogi keth kumi dubi; kadok i wang’ jamalaika de kud iwac nia en e kier: pirang’o ng’ecwiny uneg Mungu kum dwendi, man enyoth tic m’i cingi?

Lembe Mi Julawi 15:15

e jalam bithierogi, acel ni lam mi dubo, man mucelo ni lam m’awang’a; e jalam bitimo adunya pire i wang’ Yehova ni kasinono pare.

Lembe Mi Julawi 4:20

Ebitimo kumeni kum thwon; calu etimo kum thwon mi lam mi dubo, ebitimo kumeca kum maeni de; e jalam bitimo adunya pigi, man jubiweko lembe migi woko.

Lembe Mi Julawi 4:26

Man ebiwang’u mione ceke wi pemblam, calu mio mi lam mi girathiera mi kwiocwiny; e jalam bitimo adunya ire kum dubo pare, man jubiweko pire woko.

Lembe Mi Julawi 4:31

Man mione ceke ebikabu cen, calu jukabu mio woko ku kum lam mi girathiera mi kwiocwiny; e jalam biwang’e wi pemblam ni ng’wic mido ma ng’ar ni Yehova; man jalam bitimo adunya pire, e jubiweko pire woko.

Lembe Mi Julawi 4:35

Man ebikabu mione ceke cen, calu jukabu mio mi nyathi rombo cen ku kum lam mi girathiera mi kwiocwiny; e jalam biwang’ugi wi pemblam, wi lam pa Yehova ma jutimo ku mac; e jalam bitimo adunya pire kum dubo pare m’edubo, e jubiweko pire woko.

Luka 23:34

E Yesu wacu kumae, Vwa, wek lem migi rwiny; kum ging’eyo ngo gin ma gitimo. Man gipoko kendi pare i kindgi, gigoyo ku jara.

Tic Mi Jukwenda 13:39

man ku ba dhanu ceke ma giyio, lembe m’i wigi gonjre ni gin ceke, ma jucopo gonyo kowu ngo ku cik pa Musa.

Jurumi 3:25

ma Mungu ketho ebed ni lam, ni kum yioyic, i rimo pare, kara enyuth bedopwe pare kum wekodubo m’ular utimbre, i twiocwiny pa Mungu;

Poi Mi Cik 21:21

E dhanu ceke mir adhura ma thugi bicanye ku Iddi m’etho ko: kab dubo cen kud i kindi kumeni; e Israel ceke biwinjo, man lworo binegogi.

Juebrania 2:17

Kum kumeno emake ya juketh ebed calu utumin i gin ceke, kara edok ni jalam ma dit, ma won kisa mandha de i gin pa Mungu, kara eduny pi dubo mi dhanu.

Juebrania 9:7

ento jalam ma dit kende e ma mondo i mir arionde, wang’ acel pii i rundi acel, ma rimo mbe kude ngo, m’ewodho pire gire, man pi kier mi dhanu,

1 Yohana 2:2

man en e lam mi dubo mwa: mi mwa kende ngo, ento mi ng’om ngung’ bende.