Kitabu Mir Ang’wende Pa Musa Wel 15:24 - The Holy Bible In Alur (Lur) Revised Orthography

²⁴ ebilund bedo, tek etimbre ma wung’eyo ngo, ma udul ung’eyo ngo, nia udul ceke bithiero thwon dhiang’ acel ni lam m’awang’a, ni ng’wic mido ma ng’ar ni Yehova, karacelo ku lam mi mogone, ku lam m’amadhane, calku lembapoka, man nyog diel acel ni lam mi dubo.

Kitabu Mir Ang’wende Pa Musa Wel 15:24 ပူးပေါင်းရင်းမြစ်များ

Ezra 6:17

Man i thier mi ot maeni pa Mungu gimio thwoni dhiang’ dak acel, ku nyogi rombe dak ario, man nyithi rombe dak ang’wen; man gimio nyogi diegi apar wi ario, ni lam mi dubo mir Israel ceke, calku wel suru mir Israel.

Ezra 8:35

Nyithindho mi ng’eca, ma giai i ng’eca, gimio lam m’awang’a ni Mungu mir Israel, thwoni dhiang’ apar wi ario pir Israel ceke, nyogi rombe pier abung’wen wi abusiel, nyithi rombe de pier abiro wi abiro, man nyogi diegi apar wi ario ni lam mi dubo: maeni ceke en e lam m’awang’a ni Yehova.

Lembe Mi Julawi 23:19

Man wubithiero nyog diel acel ni lam mi dubo, man nyithi nyogi rombe ario ma rundigi acel acel ni lam mi girathiera mi kwiocwiny.

Lembe Mi Julawi 4:2

Yer ni nyithindho mir Israel, wac kumae, Tek ng’atu moko bidubo m’aka ngo, i gin moko ma Yehova ng’olo ya ku jutim, man ebitimo kindgi acel:

Lembe Mi Julawi 4:22

Kinde ma jabim udubo, man etimo aka ngo acel kud i kind gin ceke ma Yehova Mungu pare ng’olo ya ku jutim, man lembe ni i wie;

Lembe Mi Julawi 4:23

tek dubo pare, m’edubo i ie, ung’eire ire, ebikelo diel ni lam pare, nyok ma mulima mbe i kume.

Lembe Mi Julawi 5:15

Tek ng’atu moko kadhu ku wi cik, man edubo aka ngo, kum gin ma leng’ pa Yehova; ebilund kelo lam pare mi kadhukuwicik ni Yehova, en e nyog rombo ma mulima mbe i kume ku kind udul rombe, calku kwanuwel peri mi mola ma tar ku cekel, calku cekel mi kamaleng’, ni lam mi kadhukuwicik:

Lembe Mi Julawi 5:18

Man ebikelo nyog rombo ma mulima mbe i kume ku kind udul rombe, calku kwanuwel peri, ni lam mi kadhukuwicik, ni jalam; e jalam bitimo adunya pire kum gin m’ekier i ie aka ngo m’eng’eyo de ngo e jubiweko pire ire.

Kitabu Mir Ang’wende Pa Musa Wel 15:23

en e gin ceke ma Yehova ng’olo iwu ni kum Musa, ugambre i ceng’ ma Yehova mio ie lembang’ola, man cil ni dhanmn’utuk mu ceke;

Kitabu Mir Ang’wende Pa Musa Wel 15:26

man jubiweko dubo mir udul ceke mi nyithindho mir Israel, man pa jawirok m’ubedo ni umondo i kindgi; kum ni dhanu ceke jutime ma jung’eyo ngo.

Kitabu Mir Ang’wende Pa Musa Wel 28:15

Man nyog diel acel ubed ni lam mi dubo ni Yehova; jubithiere umed lam m’awang’a ma thiri thiri, ku lam m’amadhane.