Kitabu Mir Ang’wende Pa Musa Wel 14:43 - The Holy Bible In Alur (Lur) Revised Orthography

⁴³ Kum Jaameleki ku Jakanani ni kuca i weng’wu, man wubipodho ku palamularu: kum wulokru cen ku lubo Yehova, ka kumeno Yehova bibedo karacelo kudu ngo.

Kitabu Mir Ang’wende Pa Musa Wel 14:43 ပူးပေါင်းရင်းမြစ်များ

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

2 Lemkei 15:2

man ewok woko kara eromb kud Asa, man ewacu ire kumae, Koiwinja, Asa ku Yuda ceke man Benyamin: Yehova ni kudu, kinde ma wuni kude; man tek wuyenye, ebinwangre iwu; ento tek wuweke, ebiwekowu.

Zaburi 44:10

Iketho waloko ng’eiwa ni jasend: Man ju m’udaguwa biyaku ayeki igi gigi.

Isaya 63:10

Ento gijai, man ginyayu can i Tipo pare ma leng’: ka kumeno elokre ni jadegi migi, man en gire ekiedo i kumgi.

Hoseya 9:12

Kadok gitungo nyithindhgi, ento abimayugi, ketho nia ng’atu moko mbe ma bidong’; eyo, can i wigi bende kinde m’awekogi!

Lembe Mi Julawi 26:17

Man abiketho wang’a i kumwu, jubigoyowu de i wang’ judegiwu: ju m’udaguwu bibimo wiwu; e wubiringo ma ng’atu moko mbe m’uriemowu.

Kitabu Mir Ang’wende Pa Musa Wel 13:29

Amalek ubedo i ng’om ma yor ariwa ma piny: man Jahiti, ku Jayebusi, man Jaamori, gibedo i ng’om gudi; man Jakanani bedo ceng’ni dhu nam, man i ng’et Yordan.

Kitabu Mir Ang’wende Pa Musa Wel 14:25

Nie Jaamaleki ku Jakanani gibedo i poga: urwo wulokru, man wucidh i langa ku yo ba Nam Makwar.

Kitabu Mir Ang’wende Pa Musa Wel 14:42

Kud wuidhi, kum Yehova ni i kindwu ngo; kara kud wugoiru piny i wang’ judegi mu.

Kitabu Mir Ang’wende Pa Musa Wel 14:44

Ento gijai giidho malu wi usimbru got: ento sanduk mi lembariba pa Yehova, man Musa, giai i kagonjo ngo,

Poi Mi Cik 28:25

Yehova biketho jugoi i wang’ judegi peri; ibiwok i yo acel i wigi, man ibiringo i yo abiro i wang’gi: man jubikethi kun ku kun i kind thek ceke mi ng’om.

Yocuwa 22:15

E gibino ba nyithindho pa Ruben, man ba nyithindho pa Gad, man ba ng’et suru pa Manase, i ng’om Gilead, e giyero igi, giwacu kumae,

Yocuwa 7:12

Ka kumeno nyithindho mir Israel ucopo cungo ngo i wang’ judegi migi; giloko ng’eigi i wang’ judegi migi, kum gidoko ju ma kwong’ ni i wigi: wabibedo wakudu kendo ngo, tek wunyotho gin m’akwong’a ngo kud i kindwu.

Jupoklembe 16:20

Man ewacu kumae, Jufilisti ni i wii, Samson. Man eceu ku wang’ nindo pare, man ewacu kumae, Abicidho woko calu nindo mange, man abigonjra gira. Ento eng’eyo ngo nia Yehova ai kud i bang’e.