Kitabu Mir Ang’wende Pa Musa Wel 14:34 - The Holy Bible In Alur (Lur) Revised Orthography

³⁴ Calku wel mi ceng’ ma wiilibo ie ng’ombe en e ceng’ pier ang’wen, ku ba ceng’ ceke kubang’gi kubang’gi en e rundi acel acel, wubiyeyo kier mu, en e rundi pier ang’wen, e wubing’eyo loko lembang’ola para.

Kitabu Mir Ang’wende Pa Musa Wel 14:34 ပူးပေါင်းရင်းမြစ်များ

1 Ubimo 8:56

Mugisa ni Yehova, m’emio yom ni dhanu pare Israel, calku gin ceke m’eng’olo: lembe acel de mbe m’udong’ mi lembang’ola pare ceke ma ber, m’eng’olo ku dhu Musa ma jatic pare.

2 Lemkei 36:21

kara uketh lembe pa Yehova utimbre kakare ma ku dhu Yeremia, maram ng’om ubedo ko kud anyong’a ku sabatu pare: kum cil m’ebedo ni uvuru ekwiro sabatu, kara oro pier abiro timbre.

Zaburi 105:42

Kum epoi kum lembe pare ma leng’, Man kum Ibrahim ma jatic pare.

Zaburi 38:4

Kum kier para umo wia: Calu ter ma pek ginura.

Zaburi 77:8

Mer mi bero pare thum pet mi nja? Lembang’ola pare rem rundi ku rundi?

Zaburi 95:10

Can unega kum dhanum’utuk maeca rundi pier ang’wen, Man awacu kumae, Gi dhanu m’ukier i adundegi, Man ging’eyo yo para ngo:

Ezekiel 14:10

E gibiyeyo kier migi: e kier pa jabilane bibedo calu kier pa ng’atu m’uyenyo i bang’e;

Ezekiel 23:35

Ka kumeno Rwoth Yehova wacu kumae: Kum wii wil pira, man ibaya yor i ng’ei, ka kumeno yei tarwang’ peri bende kud asara peri.

Ezekiel 4:5

Kum aketho rundi mi kier migi ubed iri ni wel mi ceng’, en e ceng’ dak adek ku pier abung’wen: e ibiyeyo kier mi ot mir Israel kumeno.

Ezekiel 4:6

Man kendo, kinde m’idaru maeni, ibivuto wi ng’eti ma yor acwic, man ibiyeyo kier mi ot pa Yuda: ceng’ pier ang’wen, ceng’ kubang’e kubang’e mi rundi, akethe iri.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Hoseya 9:12

Kadok gitungo nyithindhgi, ento abimayugi, ketho nia ng’atu moko mbe ma bidong’; eyo, can i wigi bende kinde m’awekogi!

Lembe Mi Julawi 20:19

Man kud iyab muneru pa nyamin meru, kadi pa nyamin wuru; kum eketho wat ma ceng’ni doko muneru: gibiyeyo kier migi.

Zekaria 11:10

Man ating’o uluth para Ber, man athumo ie ario, kara atur lembariba para m’atimo ku kodhidhanu ceke.

Kitabu Mir Ang’wende Pa Musa Wel 13:25

E gidwogo ma nwang’u ceng’ pier ang’wen uthum ma gidaru libo ko ng’om.

Kitabu Mir Ang’wende Pa Musa Wel 18:23

Ento Julawi bitimo giratima mi hema mi cokri, man gibiyeyo dubo migi: ebibedo ni cik mi nja ni dhanum’utuk mu; man i kind nyithindho mir Israel gibibedo kud aba ngo.

Kitabu Mir Ang’wende Pa Musa Wel 32:13

E ng’ecwiny pa Yehova opo kum Israel, man eketho gidhokri kun ku kun i langa rundi pier ang’wen, maram dhanum’utuk ceke, m’utimo rac i wang’ Yehova, githum ko.

Tic Mi Jukwenda 13:18

E i nindo ma yenyo romo pier ang’wen etwio cwinye kum tic migi ma i yamba.

Poi Mi Cik 2:7

Kum Yehova Mungu peri mio mugisa iri i tic ceke mi cingi; eng’eyo woth peri kud i langa maeni ma dit: rundi pier ang’wen maeni Yehova Mungu peri bedo kudi: gin moko mbe m’urem iri.

Juebrania 4:1

Ka kumeno, dong’ lworo negwa, tek lembang’ola mi mondo i yom pare nuti ku jubin junwang’ ng’atu moko m’i kindwu rem pire.

Yocuwa 14:10

Man kawono, nen, Yehova ketho abedo kwo, calu eyero, rundi maeni pier ang’wen wi abic, ugambre i nindo ma Yehova yero lembe maeni ni Musa, kinde ma Israel uwotho i yamba: man kawono, nen, tinuni rundi para doko pier abora wr abic.

Lembanyutha 11:3

Man abimio ni jumulembe para ario, man gibiewo ceng’ rubanga acel ku dak ario ku pier abusiel, ma gikendo gonia.

1 Samwil 2:30

Ka kumeno Yehova, Mungu mir Israel, uwacu kumae, Awacu andha nia ot peri, ku ot pa wuru, biwotho i wang’a mi nja: ento kawono Yehova wacu kumae, Dong’ ebed bor ira; kum ju m’uyunga abiyungogi, man ju m’ucaya jubikwanugi ni gin moko ngo.