Kitabu Mir Ang’wende Pa Musa Wel 14:18 - The Holy Bible In Alur (Lur) Revised Orthography

¹⁸ Yehova bedo yo ni ng’ecwiny, man e dit ku mer mi bero, m’eweko ko kier ku dubo; m’ebiweko dubo de ki ngo, m’eketho ko kier mi wego wi nyithindho, wi dhanum’utuk mir adege ku wi mir ang’wende.

Kitabu Mir Ang’wende Pa Musa Wel 14:18 ပူးပေါင်းရင်းမြစ်များ

Nehemia 9:17

e gikwero woro, kadok musana peri m’itimo i kindgi de giparu pire ngo, ento giciko ng’utgi, man i jai migi giketho jego kara gidok i ng’eca migi. Ento in i Mungu m’ibedo ayika mi weko dubo, m’i won, bero ku kisa, yo ni ng’ecwiny, man mer mi beroni dit, e ikunogi ngo.

Kitabu Pa Yob 21:19

Wuwacu kumae, Mungu kanu kier pare malu ni nyithindhe. Wek ecule ire gire, kara eng’eye:

Zaburi 103:8

Yehova en e won kisa ku bero, Ng’ecwiny make pio ngo, man e dit i mer mi bero.

Zaburi 108:4

Kum mer mi bero peri e dit ma sagu polo; Man lemandha peri tundo kum polo.

Zaburi 109:14

Wek Yehova poi kum kier pa kwaru mire; Man kud iwek dubo pa min urucre woko.

Zaburi 145:8

Yehova e won bero, man won kisa; Ng’ecwiny nege pio ngo, man e dit ku mer mi bero.

Zaburi 78:38

Ento en, ma kisa nege, eweko kier migi woko, man enyothogi ngo, Eyo, eloko ng’ecwiny pare cen nindo dupa, Man etugo kwinyo pare ceke ngo.

Zaburi 86:15

Ento in, E Rwoth, in i Mungu mi kisa man mi bero, Ibedo yo ni ng’ecwiny, man dit i mer mi bero ku lemandha.

Ai 20:5

kud irum piny i bang’gi, kadi kud itim igi; kum an a Yehova ma Mungu peri a Mungu ma janyeko, m’aketho dubo mi wego wi nyithindho, wi dhanum’utuk mir adege ku mir ang’wende mi ju m’udaga,

Ai 20:6

m’anyutho kisa ni rubanga mi ju m’umara m’uworo lembang’ola para.

Yeremia 23:2

Ka kumeno Yehova, Mungu mir Israel, uwacu kumae, kum jukwac m’ukaku dhanu para ku cam: Wulalu udul rombe para, man wuriemogi woko, man wuliewogi ngo; nen, abiliewo lem ma rac mi giratima mu i kumwu, Yehova wacu.

Yeremia 32:18

m’inyutho mer mi bero ni dhanu rubanga, man m’iculo kier mi wego i kor nyithindhgi yo ng’eigi; Mungu ma dwong’, ma Jatego, nyingi Yehova mir udul;

Ywak 5:7

Kwaruwa dubo, e gimbe: E wayeyo kier migi.

Yona 4:2

Man erwo ni Yehova, e ewacu kumae, Akwei, E Yehova, awacu kumeni ngo, ka fodi ani i ng’om ma thuwa? Ka kumeno atimo pio kara apiei i Tarcic; kum ang’eyo nia in i Mungu ma won bero, man ipong’ ku kisa, ibedo yo ni ng’ecwiny, man isegri i mer mi bero, iloko cwinyi de kum gin ma rac.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Kitabu Mir Ang’wende Pa Musa Wel 14:17

Man kawono, akwei, wek tego pa Rwoth ubed dit, calu m’iyero, m’iwacu kumae,

Kitabu Mir Ang’wende Pa Musa Wel 23:21

Eneno dubo i Yakobo ngo; Kadok kier de eneno ngo i Israel: Yehova Mungu pare ni karacelo kude, Man kok mir ubimo ni i kindgi.

Jurumi 5:21

kara, calu dubo bimo bim i tho, cil kumeno bero ubim bim ni kum bedopwe ni kwo ma rondo ku rondo ni kum Yesu Kristu Rwoth mwa.

Poi Mi Cik 5:10

m’anyutho kisa de ni dhanum’utuk rubanga ni ju m’umara man m’ugwoko cik para.

Poi Mi Cik 5:9

kud irumbri i bang’gi, katii kud itim igi; kum an, an a Yehova Mungu peri, an a Mungu ma won nyeko, m’aketho dubo mi wego wi nyithindho, man wi dhanum’utuk mir adege man mir ang’wende mi ju m’udaga;

Poi Mi Cik 7:10

man ma culo ni ju m’udage i wang’gi, kara unyothgi: ebigalu ngo ni ng’atu m’udage, ebiculo ire i wang’e.

Poi Mi Cik 7:9

Ka kumeno ng’ei nia Yehova Mungu peri, en e Mungu, Mungu mandha, ma gwoko lembariba ku mer mi bero ni ju m’umare man ma gwoko lembang’ola pare cil kum dhanum’ utuk rubanga,