Kitabu Mir Ang’wende Pa Musa Wel 14:14 - The Holy Bible In Alur (Lur) Revised Orthography

¹⁴ e gibiyero maeni ni ju m’ubedo i ng’om maeni. Giwinjo nia ini Yehova ini i kind dhanu maeni; kum in i Yehova juneni wang’ ku wang’, man afuru peri cungo i wigi, man icidho i wang’gi, i mbegi mir afuru ku dieceng’, man i mbegi mi mac ku diewor.

Kitabu Mir Ang’wende Pa Musa Wel 14:14 ပူးပေါင်းရင်းမြစ်များ

Thangambere 32:30

Man Yakobo Lwong’o nying’ kakeca Penuel: kum, ewacu kumae, Aneno Mungu wang’ ku wang’, man kwo para both.

Nehemia 9:12

Man ke itelo wigi ku dieceng’ ku mbegi mir afuru; man ku mbegi mi mac ku diewor, kara umi igi der i yo ma maku giwoth i ie.

Nehemia 9:19

ento in i udul kisa peri ikunogi ngo i langa: mbegi mir afuru ai kud i wigi ngo ku dieceng’, kara: utel wigi i gengi; kadok mbegi mi mac ku diewor, kara unyuth igi der, ku yo ma maku giwoth i ie.

Zaburi 105:39

Epedho afuru ni jambum, Man mac kara umi der ku diewor.

Zaburi 78:14

Dieceng’ bende etelo wigi kud afuru, Man diewor soro ku der mi mac.

Ai 15:14

Kodhidhanu winjo, kumgi miel: Ndiri maku jubedo mi Filistia.

Ai 33:11

E Yehova giweco ku Musa ma ginendri ku wang’gi, calu dhanu weco ku jarimbe. Man elokre kendo i kagonjo: ento jatic pare ma Yocuwa, ma jalawobi, ma wod Nun, eai ungo kud i Hema.

Ai 33:16

Kum jubing’eyo ni kum ang’o nia anwang’u bero i weng’i, an ku dhanu peri? en e kum wacidho karacelo kudu ngo, ketho nia wakoira, waku dhanu peri, ni dhanu ceke ma gini i wang’ ng’omi?

Ai 40:38

Kum afuru pa Yehova ni wi hema ku dieceng’, man mac ni i ie ku diewor, i wang’ juot mir Israel ceke, cil i woth migi ceke.

Kitabu Mir Ang’wende Pa Musa Wel 10:34

Man afuru pa Yehova ni i wigi ku dieceng’, kinde ma gitugo woth ma giai ko ku i kagonjo.

Kitabu Mir Ang’wende Pa Musa Wel 12:8

wabiweco wakude dhok ku dhok, cil ku lembanyutha, ku wec ma via via de ngo; man ebineno ayi Yehova: ka kumeno lworo yero lembe ma rac kum jatic para ma Musa negowu ngo?

Yohana 1:18

Ng’atu moko mbe ma foduneno Mungu nindo moko; Wode kulong’, m’eni i kor Wego, enyuthe.

Yohana 14:9

Yesu wacu ire kumae, Nindo ma wabedo wakudu ie hai ngi e, fodi ing’eya ngo, Filipo? ng’atu m’uneno an nwang’u eneno Wego; nedi iwacu kumae, Nyuth iwa Wego?

1 Jukorinto 13:12

Kum kawono wabeneno i kieu via via; ento macen wabinendra ku wang’wa: kawono ang’eyo kucel; ento macen abing’eyo cu cil calu an bende jung’eya cu.

Poi Mi Cik 1:19

Man wawotho ugambre Horeb, e wakadhu kud i langa ma dit maeca ceke ma ng’oyo ndiri ma wuneno, ku yo ba ng’om gudi mi Juamori, calu Yehova Mungu mwa ng’olo iwa; e wawok Kadecbarnea.

Poi Mi Cik 34:10

Man jabila fodi uwok ungo i kind Israel ma calu Musa, ma Yehova ng’eyo wang’ ku wang’,

Poi Mi Cik 5:24

man wuwacu kumae, Nen, Yehova Mungu mwa nyutho dwong’ pare man dit pare iwa, e wawinjo dwande ai kud i die mac: waneno tin nia Mungu weco ku dhanu, man ebedo kwo.

Poi Mi Cik 5:4

Yehova weco kudu wang’ ku wang’ wi got kud i die mac

Yocuwa 5:1

Man etimbre, kinde m’ubimo ceke mi Juamori, ma gini loka Yordan yo reto, kud ubimo ceke mi Jukanani, ma gini dhu nam, giwinjo maram Yehova dwono ko pi mi Yordan kud i wang’ nyithindho mir Israel, maram wakadhu ko lokaca, nia adundegi ng’oi ndiri, kadok cwinygi de mbe i igi kendo, kum nyithindho mir Israel.

1 Yohana 3:2

Jumer, kawono wa nyithindho pa Mungu, endre fodi enyuthre ngo nia wabibedo ni ang’o. Wang’eyo nia, tek ebinyuthre, wabibedo calkude; kum wabinene cil calu ebedo.