Kitabu Mir Ang’wende Pa Musa Wel 13:29 - The Holy Bible In Alur (Lur) Revised Orthography

²⁹ Amalek ubedo i ng’om ma yor ariwa ma piny: man Jahiti, ku Jayebusi, man Jaamori, gibedo i ng’om gudi; man Jakanani bedo ceng’ni dhu nam, man i ng’et Yordan.

Kitabu Mir Ang’wende Pa Musa Wel 13:29 ပူးပေါင်းရင်းမြစ်များ

Thangambere 14:7

Man gidwogo, gibino de ba En-micpat (ma en e Kadec), man gigoyo ng’om ceke mi Juamaleki, ku Juamori bende, m’ubedo i Hazazon-tamar.

Nehemia 9:8

e inwang’u adundene mandha i weng’i, man itimo lembariba kude ya imi ng’om pa Jakanani, ku Jahiti, man Jaamori, ku Japerizi, man Jayebusi, ku Jagirgaci, ya imie ni kodhi pare, e itimo lembe peri kakare; kum in i pwe.

Zaburi 83:7

Gebal, man Amon, man Amalek; Filistia ku ju m’ubedo i Turo;

Ai 3:17

man awacu kumae, Abiwodhowu woko kud i masendi mi Misiri man abiterowu i ng’om pa Jakanani, man Jahiti, ku Jaamori, ku Japerizi, man Jahivi, ku Jayebusi, i ng’om ma molo cak ku kic.

Ai 3:8

man aloro piny kara alargi kud i cing’ Jumisiri, man kara awodhgi woko kud i ng’om maeno atergi i ng’om ma ber ma lac de, ba ng’om ma molo cak ku kic; i ka Jakanani, man Jahiti, man Jaamori, man Japerizi, man Jahivi, ku Jayebusi.

Kitabu Mir Ang’wende Pa Musa Wel 13:17

E Musa orogi gici gilib ng’om Kanan, man ewacu igi kumae, Wuidh malu i yo maeni yor ariwa ma piny, e wuidh i ng’om gudi:

Kitabu Mir Ang’wende Pa Musa Wel 13:30

E Kaleb ujuko dhanu gi ling’ i wang’ Musa, man ewacu kumae, Wek waidhu kawono, man wagame iwa: kum wacopo sage andha.

Kitabu Mir Ang’wende Pa Musa Wel 14:25

Nie Jaamaleki ku Jakanani gibedo i poga: urwo wulokru, man wucidh i langa ku yo ba Nam Makwar.

Kitabu Mir Ang’wende Pa Musa Wel 14:43

Kum Jaameleki ku Jakanani ni kuca i weng’wu, man wubipodho ku palamularu: kum wulokru cen ku lubo Yehova, ka kumeno Yehova bibedo karacelo kudu ngo.

Kitabu Mir Ang’wende Pa Musa Wel 14:45

Jaameleki lund uloro piny, ku Jakanani m’ubedo wi got maeca, man gigoyogi gifodogi piny de, cil kum Horma.

Kitabu Mir Ang’wende Pa Musa Wel 24:20

Man eneno wi Amalek, e eting’o lembabola pare, man ewacu kumae, Naka Amalek en e ma kwong’a mi thek: Ento kajikne ma cen biwok i nyoth.

Poi Mi Cik 20:17

ento inyothgi pet: Jahiti man Jaamori, ku Jakanani, ku Japerizi, man Jahivi, ku Jayebusi; calu Yehova Mungu peri ng’olo iri;

Poi Mi Cik 7:1

Kinde ma Yehova Mungu peri biroi i ng’om ka m’icidho i ie nimwonye, man ebiriemo thek dupa woko i weng’i, Jahiti, man Jagirgari, man Jaamori, man Jakanani, man Japerizi, man Jahivi, ku Jayebusi, thek abiro ma dit ma tek de ma saguin;

Yocuwa 10:5

Ka kumeno ubimo abic mi Juamori, gin ubimo mi Yerusalem, man ubimo mi Hebron, man ubimo mi Yarmuth, man ubimo mi Lakic, kud ubimo mi Eglon, gicokri gigi karacelo, man giidho malu, gin kud udul migi ceke, man gigonjo kum Gibeon, e gitimo ali i kume.

Yocuwa 10:6

E dhanu mi Gibeon gioro kwenda ba Yocuwa ba kagonjo i Gilgal, giwacu kumae, Kud idol cingi ni jutic peri; idh malu i bang’wa pio, ilarwa de, ikonywa; kum ju m’ubimo mi Juamori ceke m’ubedo i ng’om gudi gicokri karacelo i wiwa.

Yocuwa 3:10

Man Yocuwa wacu kumae, Wubing’eyo nia Mungu ma kwo ni i kindwu ni kum maeni, man nia ebiweko riemo Jakanani, man Jahiti, ku Japerizi, man Jagirgaci, ku Jaamori, man Jayebusi woko kud i weng’wu ngo.

Yocuwa 5:1

Man etimbre, kinde m’ubimo ceke mi Juamori, ma gini loka Yordan yo reto, kud ubimo ceke mi Jukanani, ma gini dhu nam, giwinjo maram Yehova dwono ko pi mi Yordan kud i wang’ nyithindho mir Israel, maram wakadhu ko lokaca, nia adundegi ng’oi ndiri, kadok cwinygi de mbe i igi kendo, kum nyithindho mir Israel.

Yocuwa 9:1

Man etimbre, kinde ma ubimo ceke ma gini loka Yordan, i ng’om gudi, man i poga, man ma ni dhu wath ceke mi nam ma dit i nyim Lebanon, en e Jahiti, ku Jaamori, man Jakanani, ku Japerizi, man Jahivi, ku Jayebusi, giwinjo pi maeni;

Jupoklembe 3:5

E nyithindho mir Israel gibedo i kind Jukanani, ku Juhiti, man Juamori, man Juperizi, man Juhivi, ku Jujebusi:

Jupoklembe 6:3

Man ebedo kumeno, kinde ma Israel ucoyo cam, nia Jumidiani giidho malu, ku Juamaleki, ma nyithindho ma yo nyangu; giidho malu i kumgi;

1 Samwil 14:48

Man etimo ku kero, egoyo Juamaleki de, man ebodho Israel kud i cing’ ju m’uyakugi.

1 Samwil 27:8

E Daudi ku dhanu pare giidho malu, githero lwiny kum Jugecuri, man Jugirzi, ku Juamaleki; kum thek maeno gi ju m’ubedo i ng’ombe, ma ginuti con, kan icidho i Cur, cil ba ng’om Misiri.

1 Samwil 30:1

Man etimbre, kinde ma Daudi ku dhanu pare gidok giwok Ziklag i ceng’ mir adege, nia Juamaleki giting’o lwiny kum ng’et ng’om ma yor ariwa ma piny, man kum Ziklag, man gigoyo Ziklag, giwang’e de ku mac,

1 Samwil 7:14

Man adhura ma Jufilisti mwonyo bang’ Israel judwoko bang’ Israel, ugambre Ekron cil kum Gath; man kieune de Israel ubodho kud i cing’ Jufilisti. Man kwiocwiny ni kind Israel ku Juamori.