Kitabu Mir Ang’wende Pa Musa Wel 13:27 - The Holy Bible In Alur (Lur) Revised Orthography

²⁷ Man giyero ire, giwacu kumae, Watundo ba ng’om ka m’ioro ie wa; emolo cak ku kic andha; man maeni en e nying’ pinje.

Kitabu Mir Ang’wende Pa Musa Wel 13:27 ပူးပေါင်းရင်းမြစ်များ

Nehemia 9:25

E gimaku adhura ma tek, ku ng’om ma mio, man gidoko weg udi m’uong’ ku gin ma ber ceke, ku pi ma juroo, ku podho mir ulok, man podho mir ulam, ku yen ma cego nyinge dupa: ka kumeno gicamu, e giyeng’, man gicwe, ginyayu anyong’a i igi de kum bero peri ma dit.

Ai 13:5

Man ebibedo, kinde ma Yehova biterowu i ng’om pa Jakanani, man Jahiti, man Jaamori, man Jahivi, man Jayebusi, m’ekwong’o ni kwaru peri nia ebimio iri, ng’om ma molo cak ku kic, nia ibiworo timotim maeni i dwi maeni.

Ai 3:17

man awacu kumae, Abiwodhowu woko kud i masendi mi Misiri man abiterowu i ng’om pa Jakanani, man Jahiti, ku Jaamori, ku Japerizi, man Jahivi, ku Jayebusi, i ng’om ma molo cak ku kic.

Ai 3:8

man aloro piny kara alargi kud i cing’ Jumisiri, man kara awodhgi woko kud i ng’om maeno atergi i ng’om ma ber ma lac de, ba ng’om ma molo cak ku kic; i ka Jakanani, man Jahiti, man Jaamori, man Japerizi, man Jahivi, ku Jayebusi.

Ai 33:3

ba ng’om ma molo cak ku kic: kum abiidho malu i dieri ngo; kum in i dhanu ma ng’uti tek; amaru jigo wii i gengi.

Yeremia 11:5

kara aketh kwong’ m’akwong’o ni kwaruwu cungi, kara ami igi ng’om ma molo cak ku kic, calu i ceng’ ma tin. Alund aloko lembe, man awacu kumae, Amen, E Yehova.

Yeremia 32:22

e imio ng’om maeni igi, m’ikwong’o ni kwarugi ya imi igi, ng’om ma molo cak ku kic;

Ezekiel 20:15

Mange ke akwong’o igi i langa bende, nia abikelogi i ng’om m’amio igi ngo, ma molo cak ku kic, ma en e dwong’ mi ng’om ceke;

Ezekiel 20:6

i nindo maeca akwong’o igi, ya akelgi woko kud i ng’om Misiri i ng’om m’ayenyo igi, ma molo cak man kic, ma en e dwong’ mi ng’om ceke.

Lembe Mi Julawi 20:24

Ento awacu iwu kumae, Wubigamu ng’om migi ni aba, man abimie iwu kara wumwonye, en e ng’om ma molo cak ku kic: an a Yehova Mungu mu, m’ukoyowu ni kodhidhanu.

Kitabu Mir Ang’wende Pa Musa Wel 14:7

man giyero ni udul ceke mi nyithindho mir Israel, giwacu kumae, Ng’om, ma wakadhu kud i ie nilibe, en e ng’om ma ber apila.

Kitabu Mir Ang’wende Pa Musa Wel 14:8

Tek anyong’a nego Yehova i kumwa, ebilund terowa i ng’om maeca, ebimie iwa de; ng’om ma molo cak ku kic.

Kitabu Mir Ang’wende Pa Musa Wel 16:13

en e gin ma nok nia iwodhowa kud i ng’om ma molo cak ku kici, kara inegwa i langa, ento idong’ idodri gin bende ni jaditmawijo i wiwa?

Kitabu Mir Ang’wende Pa Musa Wel 16:14

Man kendo iterowa i ng’om ma molo cak ku kic ungo, kadi imio iwa aba mi pothi ku pothi mir ulok de ngo: e iyenyo ineg wang’ dhanu maeni? wabiidho malu ngo.

Poi Mi Cik 11:9

man kara wuketh nindo mu ton hai i ng’om, ma Yehova kwong’o ni kwaruwu ya emi igi man ni kodhigi, ng’om ma molo cak ku kic.

Poi Mi Cik 26:9

e ekelo wa i ka maeni, man emio iwa ng’om maeni, en e ng’om ma molo cak man kic.

Poi Mi Cik 27:3

e ibigoro lembe ceke mi cik maeni i wie, kinde m’ikadhu lokaca: kara imond i ng’om ma Yehova Mungu peri mio iri, en e ng’om ma molo cak ku kic, calu Yehova, Mungu pa kwaru, ung’olo iri.

Poi Mi Cik 31:20

Kum kinde m’akelogi i ng’om m’akwong’o ni kwarugi, ma molo cak ku kic, man ka gidaru camu giyeng’ de, man gicwe; e gibilund lokri ba mungu mange, e gibitimo igi, man gibicaya, gibituro lembariba para de.

Poi Mi Cik 6:3

Ka kumeno winj, E Israel, man inen kara itime; kara ibed ber, man kara wumedru dit ku tego, calu Yehova, Mungu pa kwaru, ung’olo iri, i ng’om ma molo cak ku kic.

Yocuwa 5:6

Kum nyithindho mir Israel giwotho rundi pier ang’wen i yamba, rama thek dho, ma gi dhanu mir ali m’uai i Misiri, ginyothri ko, kum giwinjo dwand Yehova ngo: ma Yehova kwong’o igi nia ebiweko ngo ginen ng’om ma Yehova kwong’o ni kwarugi ya ebimio iwa, ng’om ma molo cak ku kic.