Kitabu Mir Ang’wende Pa Musa Wel 13:20 - The Holy Bible In Alur (Lur) Revised Orthography

²⁰ man maram ng’ombe bedo ko, tek etop kadi e tek, tek yen ni i ie, kadi umbe. Man wubed ku tegocwiny ma ber, e wukel kum nying yen m’i ng’ombe. Nie en e nindo mi landu mi mwoka mi nyingulok.

Kitabu Mir Ang’wende Pa Musa Wel 13:20 ပူးပေါင်းရင်းမြစ်များ

I Lemkei 22:11

Kawono, woda, Yehova bed kudi; man lembe bed iri miero, man igom ot pa Yehova Mungu peri, calu eyero piri.

Nehemia 9:25

E gimaku adhura ma tek, ku ng’om ma mio, man gidoko weg udi m’uong’ ku gin ma ber ceke, ku pi ma juroo, ku podho mir ulok, man podho mir ulam, ku yen ma cego nyinge dupa: ka kumeno gicamu, e giyeng’, man gicwe, ginyayu anyong’a i igi de kum bero peri ma dit.

Nehemia 9:35

Kum gitimo iri ngo i ker migi, man i bero peri ma dit m’imio igi, man i ng’om m’ulwar ma mio de m’imio i wang’gi, kadok aloka de gilokri ngo kum tic mi dubo migi.

Ezekiel 34:14

Abikakugi ku kakwae ma ber; man dwol migi bibedo wi gudi mi ka m’utingre mir Israel: gibivuto kuca i dwol ma ber; man gibicamu i kakwac ma mio wi gudi mir Israel.

Daniel 11:24

I nindo ma museme ebibino cil wi ka ma mio mi ng’etker; man ebitimo gin ma kwaru pare timo ngo, kadi kwaru mi kwaru mire de; ebiketho i kindgi jambavoci, kud ayeki, man lonyo: eyo, ebiporo lembapora pare kum ka ma tek, cil mi nindo.

Mika 7:1

Can i wia mire! kum an a calu kinde ma gicoko nying’ cwir, man calu girabeka mi nyingulok mi mwoka: wicne moko mbe ma jucam; ng’eyong’ec para yenyo ubolo m’ular ucek.

Kitabu Mir Ang’wende Pa Musa Wel 13:19

man maram ng’ombe bedo ko ma gibedo i ie, tek e ber kadi rac; man maram adhura ma gibedo i ie bedo ko, kadok kagonjo, kadi ka ma tek;

Poi Mi Cik 1:24

e gilokri man giidho i ng’om gudi, man giwok i poga Eckol, e gilibe.

Poi Mi Cik 1:25

Man gigamu kum nying’ piny m’i ng’ombe i cing’gi, e gikele piny i bang’wa, man gidwoko lembe iwa kendo, giwacu de kumae, En e ng’om ma ber ma Yehova Mungu mwa mio iwa.

Poi Mi Cik 31:23

Man emio km ni Yocuwa ma wod Nun, ewacu de kumae, Bed jakero man ku tegocwiny ma ber; kum ibitero nyithindho finir Israel i ng’om m’akwong’o igi: e wabibedo wakudi.

Juebrania 13:6

Kum kumeno wawacu ku tegocwiny kumae, Rwoth en e jakonyna; abilworo ngo: Dhanu bitima nedi?

Yocuwa 1:6

Bed tek man ku tegocwiny ma ber; kum ibiketho dhanu maeni gicam pacu mi ng’om m’akwong’o ni kwaru gi nia abimio igi.

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Yocuwa 2:1

Man Yocuwa ma wod Nun uoro dhanu ario kud i Citim ling’ ni julib, ewacu kumae, Wucidhi, wunen ng’ombe, ku Yeriko. Man gicidho, e gimondo i ot pa won asara ma nyinge Rahab, man givuto keca.

Yocuwa 2:3

E ubimo m’i Yeriko oro kwenda ba Rahab, ewacu kumae, Wodh dhanu m’ubino i beng’i woko, m’umondo i ot peri; kum gibino nilibo ng’om maeni ceke.