Kitabu Mir Ang’wende Pa Musa Wel 12:6 - The Holy Bible In Alur (Lur) Revised Orthography

⁶ Man ewacu kumae, Dong’ wuwinj lembe para: tek jabila ni i kindwu, an a Yehova abiketho wang’eira kude i ginmawokiwang’, wabiweco wakude de ku wang’ lek.

Kitabu Mir Ang’wende Pa Musa Wel 12:6 ပူးပေါင်းရင်းမြစ်များ

Thangambere 15:1

Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila.

Thangambere 20:7

Ka kumeno kawono dwok ci ng’atuno; kum en e jabila, man ebirwo piri, e ibibedo kwo: man tek idwoke ngo, e ing’ei nia ibitho andha, in, man ceke ma peri.

Thangambere 28:12

Man eleko; man, nen, raidh juting’o ecungo wi ng’om, man wie tundo i polo; man, nen, malaika pa Mungu beidho man ubeloro kud i kume.

Thangambere 28:16

E Yakobo ceu ku wang’ nindo pare, man ewacu kumae, Andha Yehova ni i ka maeni: man ang’eye ngo.

Thangambere 37:5

E Yusuf uleko lek, man eyero lekne ni utumin mire: man gidage kendo m’usagu.

Thangambere 37:9

Man eleko lek mange kendo, e eyere ni utumin mire, man ewacu kumae, Nen, aleko lek kendo; man, nen, ceng’ ku dwi man cero apar wi acel girwo ira.

Thangambere 46:2

Man Mungu yero ni Israel ku ginmawokiwang’ mi diewor, man ewacu kumae, Yakobo, Yakobo. Man ewacu kumae, Anuti.

2 Samwil 7:4

Man etimbre diewor nica nia lembe pa Yehova bino ba Nathan, m’uwacu kumae,

1 Ubimo 3:15

E Suleman uceu; man, nen, en e lek: man ebino Yerusalem, e ecungo i wang’ sanduk mi lembariba pa Yehova, man ethiero lam m’wang’a, man ethiero lam mi kwiocwiny, man etimo agba ni jutic pare ceke.

1 Ubimo 3:5

Mungu nyuthre ni Suleman ku wang’ lek ku diewor: e Mungu wacu kumae, Penj gin m’abimio iri.

Kitabu Pa Yob 33:15

I lek, i ginmawokiwang’ mi diewor, Kinde ma nindo ma pek upodho wi dhanu, Ku wang’ nindo wi kavuto;

Kitabu Pa Yob 4:13

I pidoic m’uai i ginmawokiwang’ ku diewor, Kinde ma nindo ma pek upodho wi dhanu,

Zaburi 105:15

Ewacu kumae, Kud wumul kum jupara m’awiro, Man kud wutim rac kum jubila para.

Zaburi 89:19

Ilund iweco i ginmawokiwang’ mi jumaleng’ peri, Man iwacu kumae, Aketho ng’atu ma tek ni jakony; Adodo ng’atu ma jugoyo wie i kind dhanu.

Ai 7:1

E Yehova wacu ni Musa kumae, Nen, adwoki calu Mungu ni Farao; man Harun m’umeru bibedo jabila peri.

Yeremia 23:25

Awinjo gin ma jubila wacu, ma giewo ko ndra ku nyinga, ma giwacu kumae, Aleko lek, aleko lek.

Yeremia 23:28

Jabila m’ubedo ku lek, wek eyer lekne; man ng’atu m’ubedo ku lembe para, wek eyer lembe para kakare, Soka en e ang’o ka jupore ku nganu? Yehova wacu.

Ezekiel 1:1

Nie etimbre i rundi pier adege, i dwi mir ang’wende, i ceng’ mir abije mi dwije, kinde m’ani i kind ng’eca dhu kulo Kebar, nia polo yabre, man aneno ginmawokiwang’ pa Mungu.

Daniel 10:8

Ka kumeno juweka adong’ a kenda, man aneno ginmawokiwang’ ma dit maeni, man tego moko mbe m’udong’ i ia; kum bero para lokre i ia ni nyoth, man tego moko mbe m’udong’ i ia.

Daniel 2:19

E lembamung’ane lund unyuthre ni Daniel i ginmawokiwang’ ku diewor. Daniel ulund umio mugisa ni Mungu m’i polo.

Daniel 7:1

I rundi ma kwong’ane pa Belcazar m’ubimo mi Babeli Daniel uneno lek ku giranena m’uwok i wie wi kavuto pare: elund egoro lekne man eyero min giki maeni.

Daniel 8:2

Man aneno i ginmawokiwang’; nie ebedo kumeno, nia kan aneno, ani i Cucan ma odker, ma ni ng’etker Elam; man aneno i ginmawokiwang’, man ani dhu kulo Ulai.

Hoseya 12:11

Gilead en e kieri? gi gin mi ndra kende; i Gilgal gilamu thwoni dhiang’; eyo, pemblam migi calu udhuru mi thuthu mi podho.

Yoel 3:1

Kum, nen, i ceng’ maeca, man i nindo maeca, kan abidwoko ng’eca mi Yuda man Yerusalem

Zekaria 1:8

Aneno ku diewor, man, nen, ng’atu moko bewotho ku wi riuni ma kwar, man ecungo kind yen m’adundo the tipo; man i ng’eye riuni nuti, ma kwar, ku m’athobi, ku ma tar.

Kitabu Mir Ang’wende Pa Musa Wel 24:4

Ewacu, ng’atu m’uwinjo lembe pa Mungu, M’uneno ginm’uwokiwang’ pa Jategokpo, M’upodho piny, ma wang’e de bedo ayaba:

Matayo 1:20

Ento ka ie pido kum lembe maeni, nen, malaika pa Rwoth uwok i bang’e ku wang’ lek ewacu kumae, Yusuf, i wod Daudi, lworo kud unegi nigamu Mariamu ma dhaku peri i beng’i: kum maeno m’egamu i ie en e pa Tipo Maleng’.

Matayo 2:19

Ento ka Herode tho, nen, malaika pa Rwoth uwok ku wang’ lek ba Yusuf i Misiri, m’uwacu kumae,

Matayo 23:31

Kum kumeno wunyuthru giwu, ya wu wot ju m’unego jubila.

Matayo 23:34

Ka kumeno, nen, aoro jubila i beng’wu, ku jurieko, man jugorcik: jumoko m’i kindgi de wubinego wubigurogi de; jumoko de m’i kindgi wubifodogi i kacokri mu, man wubinyayu ragedo i kumgi ku bang’ adhura ku bang’ adhura:

Matayo 23:37

E Yerusalem, Yerusalem, m’unego jubila, m’ucanyu ju ma juorogi i bang’e de ku kidi! wang’ udul ngi ayenyo acok nyithindho peri karacelo, cil calu min gweno coko nyithindhe the bombe, e wuyenyo ngo!

Matayo 27:19

E kinde m’ebedo wi kom mi pokolembe, e cege oro lembe ire, ewacu kumae, Kud irodhri i lembe pa ng’atu ma pwe; kum asendra ku giki dupa tin ku wang’ lek i kume.

Luka 1:11

Malaika pa Rwoth uwok i bang’e ecungo yor acwic ba pemblam mir udok ma ng’wice ng’ar.

Luka 1:22

Kan ewok woko de, ecopo weco i bang’gi ngo: e ging’eyo nia eneno ginmawokiwang’ i hekalu: man enyutho igi anyutha asu, ebedo ling’ de.

Luka 20:6

Ento tek wabiwacu kumae, Uai ba dhanu; dhanu ceke bicanyuwa ku kidi: kum giyio nia Yohana en e jabila.

Tic Mi Jukwenda 10:11

man eneno polo yabre, e gin moko beloro calu bongu ma dit, ma julure ku gunde ang’wen i ng’om:

Tic Mi Jukwenda 10:17

Nie kinde ma Petro ie pido dit pi ginmawokiwang’ nia nyo thelembene nik ang’o, nen, dhanu ma Kornelio oro, ma gipenjo ka ot pa Simon, gicungo dhugang’,

Juefeso 4:11

Man emio jumoko ya gibed jukwenda; jumoko ke, jubila; jumoko ke, juyer lembanyong’a ma juboth ko; jumoko ke, jugwok kanisa man juponji;

Poi Mi Cik 18:15

Yehova Mungu peri biting’o jabila iri kud i kindi, mi utumeru, ma calu an; wubiwinjo dwande;

Poi Mi Cik 18:18

Abiting’o jabila igi i kind uturneggi, ma calu in; man abiketho lembe para i dhoge, e ebiyero igi lembe ceke m’abing’olo ire.

Juebrania 1:1

Mungu, ma yang’ ubeduyero kwond lembe ni wego ku yo ma tung’ tung’ de ni kum jubila,

Lembanyutha 11:10

Man ju m’ubedo wi ng’om anyong’a negogi i kumgi, man giketho mutoro; man gibioro giramia man ni wadi man ni wadi; kum jubila ario maeni gimio ndiba ni ju m’ubedo wi ng’om.

Lembanyutha 11:3

Man abimio ni jumulembe para ario, man gibiewo ceng’ rubanga acel ku dak ario ku pier abusiel, ma gikendo gonia.

1 Samwil 28:6

Man ka Saul upenjo ba Yehova, Yehova loko ire lembe ngo, kadok ku lek, kadi kud Urim, kadi ku jubila.

1 Samwil 3:15

Man Samwil uvuto cil kugweno, man eyabu dhugola mi ot pa Yehova. E lworo nego Samwil ni nyutho ginmawokiwang’ ni Eli.

1 Samwil 3:21

E Yehova nyuthre kendo i Cilo; kum Yehova nyuthre gire ni Samwil i Cilo ku lembe pa Yehova.