Kitabu Mir Ang’wende Pa Musa Wel 11:25 - The Holy Bible In Alur (Lur) Revised Orthography

²⁵ E Yehova loro piny i afuru, man giweco kude, man egamu kum Tipo ma ni i wie, man ekethe wi judongo pier abiro: man etimbre, nia, kinde ma Tipo bedo i wigi, giewo, ento gitimo kumeca kendo ngo.

Kitabu Mir Ang’wende Pa Musa Wel 11:25 ပူးပေါင်းရင်းမြစ်များ

2 Ubimo 2:15

Man kinde ma wot jubila ma gini i Yeriko ma yor i bang’e ginene, giwacu kumae, Tipo pa Elia udong’ wi Elica. E gibino rombo kude, man girum i wang’e arieba wang’gi.

Nehemia 9:20

Imio Tipo peri ma ber bende kara uponjgi, man itwonogi ku mana peri ngo i dhoggi, man imio igi pi ni rieu migi.

Zaburi 99:7

Eweco i bang’gi kud i mbegi mir afuru: Giworo lembatuca pare, Man cik m’emio igi.

Ai 32:32

Ento kawono, tek ibiweko dubo migi woko — man tek ungo, akwei, kaba woko kud i kitabu peri m’igoro.

Ai 34:5

E Yehova loro ku i afuru, man ecungo kude karacelo kuca, man eyero nying’ Yehova.

Ai 40:38

Kum afuru pa Yehova ni wi hema ku dieceng’, man mac ni i ie ku diewor, i wang’ juot mir Israel ceke, cil i woth migi ceke.

Isaya 63:11

Elund epoi kum nindo ma con, pi Musa ku dhanu pare, ewacu kumae, Ng’atu m’uwodhogi woko kud i nam karacelo ku jukwac mir udul rombe pare ni kani? ng’atu m’uketho Tipo pare ma leng’ i kindgi ni kani?

Ezekiel 8:11

Man dhanu pier abiro ma kind judongo mi ot mir Israel ucungo keca i wang’gi; man Yazania ma wod Cafan ni i kindgi, ku ba dhanu ku ba dhanu ng’atuman tabu pare mir udok ma ng’wice ng’ar ni i cinge; man ng’wic afuru mir udok ma ng’wice ng’ame ucidho malu.

Kitabu Mir Ang’wende Pa Musa Wel 11:17

E abiloro piny man wabiweco kudi kuca: man abigamu kum Tipo ma ni i wii, e abikethe i wigi; man gibiyeyo ter mi dhanu karacelo kudi, kara kud iyeye giri i kendi.

Kitabu Mir Ang’wende Pa Musa Wel 12:5

E Yehova loro piny i mbegi mir afuru, man ecungo i dhugola mi Hema, e elwong’o Harun giku Miriem; e gin ario giwok woko.

Kitabu Mir Ang’wende Pa Musa Wel 16:25

E Musa ai malu man ecidho ba Dathan kud Abiram; man judongo mir Israel gilubo toke.

Kitabu Mir Ang’wende Pa Musa Wel 24:2

E Balam uting’o wang’e, man eneno Israel ubedo calku suru migi; e Tipo pa Mungu bino i wie.

Kitabu Mir Ang’wende Pa Musa Wel 27:18

E Yehova wacu ni Musa kumae, Gam Yocuwa ma wod Nun, ng’atu ma Tipo ni i ie, man iketh cingi i wie;

Tic Mi Jukwenda 11:28

Ng’atu acel m’i kindgi ma nyinge Agabu ai malu, man eewo ku Tipo nia ndru ma dit bipodho i ng’om ngung’: etimbre de i ceng’ pa Klaudio.

1 Jukorinto 14:32

man cwiny mi jubila gibedo wor ni jubila;

Yakobo 1:17

Giramia ceke ma ber kubang’gi kubang’gi man giramia ceke ma ndhu cu kubang’gi kubang’gi, uai malu, uloro piny ku ba Wego mi der, ma lokri rr umbe kude, kadok tipopiny ma podho kum lokri rr.

2 Petro 1:21

Kum lembila moko mbe ma fodubino ku yeny ma dhanu yenyo: ento dhanu yero lembe m’uai ba Mungu, ma Tipo Maleng’ ucung’o kogi en.

Jupoklembe 3:10

E Tipo pa Yehova bino i wie, man epoko lembe mir Israel; man ecidho woko ni lwiny, man Yehova ketho Kucan-ricathaim m’ubimo mi Mesopotamia i cinge: man cinge voyo Kucan-ricathaim.

1 Samwil 10:10

E kinde ma gitundo kuca bang’ ungulu got, nen, udul jubila rombo kude; man Tipo pa Mungu bino i wie ku tego, e eewo i kindgi.