Kitabu Mir Ang’wende Pa Musa Wel 11:23 - The Holy Bible In Alur (Lur) Revised Orthography

²³ E Yehova wacu ni Musa kumae, Cing Yehova jiki? kawono ibineno tek lembe para bitimbre iri kadi ungo.

Kitabu Mir Ang’wende Pa Musa Wel 11:23 ပူးပေါင်းရင်းမြစ်များ

Thangambere 18:14

Gin moko nuti ma voyo Yehova? Abidwogo i beng’i i nindo ma jung’olo, i karunyoni ma cen, man Sara bibedo ku nyathin ma nico.

2 Ubimo 4:43

E jatic pare wacu kumae, Ha, aketh maeni i wang’ dhanu daki? Ento ewacu kumae, Mi ni dhanu, kara gicam; kum Yehova wacu kumae, Gibicamu, man gibiweko donge.

2 Ubimo 7:2

Jego m’ubimo jeng’ i cinge ulund uloko lembe ni dhanu pa Mungu, man ewacu kumae, Nen, tek Yehova timo wang’ot i polo, e maeni copo bedo? Man ewacu kumae, Nen, ibinene ku weng’i, ento ibicamu kume ngo.

Zaburi 78:41

Man gilokri kendo gibidho Mungu de, Man ginyayu ng’ecwiny i Ng’atu Maleng’ mir Israel.

Ai 6:1

Man Yehova wacu ni Musa kumae, Kawono ibineno gin m’abitimo kum Farao; kum ebiweko gicidho ni kum cing’ ma tek, man ebixiemogi woko kud i ng’om pare ni kum cing’ ma tek.

Isaya 50:2

Pirang’o, kinde m’abino, ng’atu moko mbe? kinde m’alwong’o, ng’atu moko mbe m’uyi? Cinga jik ajika, ma nia ecopo waru ngo? kadi tegona mbe m’abodh ko? Nen, ni kum juk para adwono nam, man adwoko kulo ma dit ni langa: rec migi ng’wi, kum pi mbe, man githo ni rieu.

Isaya 59:1

Nen, cing’ Yehova jik ungo, ma nia ecopo bodho ngo; kadok ithe de pek ungo, ma nia ecopo winjo ngo:

Yeremia 14:9

Nedi ibedo calu dhanu ma lworo nege, calu dhanu ma jatego ma copo bodho ngo? Ento in, E Yehova, ini i kindwa, man walwongra ku nyingi; kud iwekwa.

Yeremia 32:17

A Rwoth Yehova! nen, icwio polo ku ng’om ku tego peri ma dit man ku boti m’arieya; gin moko mbe ma tek ma segi,

Yeremia 32:27

Nen, an a Yehova, Mungu mi weg kum ceke: gin moko nuti ma tek ma voya?

Ezekiel 12:25

Kum an a Yehova; abiyero, man lembe m’abiyero bitimbre; jubicore cen kendo ngo: kum i nindo mu, E ot mi jai, abiyero lembene, man abitime, Rwoth Yehova wacu.

Ezekiel 24:14

An, an a Yehova, ayero maeni: ebitimbre kakare, man abitimo maeni; abidok cen ungo, kadi kisa de binega ngo, kadi abilokra de ngo; calku yo peri, man calku giratima peri, gibipoko lembe i wii, Rwoth Yehova wacu.

Daniel 6:20

Man kan etundo ceng’ni odumvome ba Daniel, ekok ku dwande mi can; ubimo yero man eweco ni Daniel kumae, E Daniel, jatic pa Mungu ma kwo, Mungu peri, m’itimo ire thiri thiri, ecopo bodhi ni umvori?

Mika 2:7

E ot pa Yakobo, ebiwacre kumae, Lembe bedo tek ni Tipo pa Yehova? maeni giratima pare? Lembe para timo ber ni ng’atu m’uwotho atira ngo?

Kitabu Mir Ang’wende Pa Musa Wel 11:22

Jubinego udul rombe ku dhok dhiang’ igi, kara uromgi? kadi jubicoko rec ceke m’i nam karacelo igi, kara uromgi?

Kitabu Mir Ang’wende Pa Musa Wel 23:19

Mungu en e dhanu ngo, ma nia ecwayu ndra, Kadok wod dhanu de, ma nia eloko cwinye: Ewacu, man ebitime ngo? Kadi eyero, man ebiketho etundo kakare ngo?

Matayo 19:26

Yesu neno bang’gi ewacu igi kumae, Maeni copre ngo ku dhanu; ento gin ceke copre ku Mungu.

Matayo 24:35

Polo ku ng’om bikadhu woko, ento lembe para bikadhu woko ngo.

Luka 1:37

Kum lembe moko mbe ma ai ba Mungu ma bibedo umbe tego.