Kitabu Mir Ang’wende Pa Musa Wel 10:32 - The Holy Bible In Alur (Lur) Revised Orthography

³² Man ebibedo, tek wacidho wakudu, eyo, ebibedo, nia bero ma tek Yehova bitimo iwa, e wabitimo eca i beng’i bende.

Kitabu Mir Ang’wende Pa Musa Wel 10:32 ပူးပေါင်းရင်းမြစ်များ

Lembe Mi Julawi 19:34

Umondo m’ubedo karacelo kudu bibedo iwu calu ng’atu m’anyola i kindwu, man ibimare calu in giri; kum yang’ wubedo ni umondo i ng’om Misiri: an a Yehova Mungu mu.

Poi Mi Cik 10:18

Etimo pokolembe ni kic ku dhaku ma cware tho, man emaru umondo, ku mio cam ku kendi ire.

1 Yohana 1:3

maeno ma waneno ma wawinjo de wayero iwu bende, kara wun bende wubed ku ripocwiny wakudu; eyo, man ripocwiny mwa ni karacelo ku Wego, man ku Wode Yesu Kristu;

Jupoklembe 1:16

Man nyithindho pa Jakeni, ma Jalkwaru Musa, uidho malu ku i adhura mi thith karacelo ku nyithindho pa Yuda i yamba pa Yuda, ma en e yor ariwa ma piny ni Arad; e gicidho gibedo karacelo ku dhanu.

Jupoklembe 4:11

Nie Heber ma Jakeni ekoire gire ku Jukeni, cil ku nyithindho pa Hobab ma jalkwaru Musa, man eguro hema pare bor calu ka mi yen ma i Zananim, ma ceng’ni Kedec.

1 Samwil 14:6

Man Yonathan uwacu ni jalawobi ma yeyo jambali pare kumae, Bin, man wek waci lokaca ba ot ma tek mi ju ma jutimo yaa ngo i kumgi: kuno nyo Yehova bitimo iwa; kum gin moko mbe ma cero Yehova kubodho ku dhanu dupa kadi ku ma nok.