Kitabu Mir Ang’wende Pa Musa Wel 10:29 - The Holy Bible In Alur (Lur) Revised Orthography

²⁹ E Musa wacu ni Hobab, ma wod Reuel ma Jamidiani, ma jalkwaru Musa kumae, Wabecidho i ka ma Yehova wacu pire kumae, Abimie iwu: bin wacidhu wakudu, man wabitimi ber; kum Yehova yero ber pir Israel.

Kitabu Mir Ang’wende Pa Musa Wel 10:29 ပူးပေါင်းရင်းမြစ်များ

Thangambere 12:7

Man Yehova nyuthre ni Abram, ewacu de kumae, Abimio ng’om maeni ni nyikwei: e eguro pemblam keca ni Yehova, m’unyuthre ire.

Thangambere 13:15

kum ng’om ceke m’ineno, abimie iri, man ni nyikwei mi nja.

Thangambere 15:18

I ceng’ maeca Yehova timo lembariba kud Abram, ewacu kumae, Amio ng’om maeni ni kodhini, ugambre kulo mi Misiri cik kum kulo ma dit, ma en e kulo Frati:

Thangambere 17:8

Man abimio iri ng’om mir umondo peri, ma en e ng’om Kanan ceke, ni piny mi nja, man ni kodhini yo ng’eii; man abibedo Mungu migi.

Thangambere 32:12

E iwacu kumae, Abitimi ber andha, man abiketho kodhini calu kwio ma dhu nam, ma copo kwandre ngo ni udulne.

Zaburi 100:1

Wutim badwal mir anyong’a ni Yehova, wu ng’om ngung’.

Zaburi 34:8

A wubil wunen de ya Yehova e ber: Mugisa ni ng’atu m’upondo i bang’e.

Zaburi 95:1

A wubin, waweru ni Yehova; Wek watimu badwal mir anyong’a ni cana mi both mwa.

Ai 18:1

Nie Yethro, ma jalam mi Midian ma jalkwaru Musa, winjo gin ceke ma Mungu timo ni Musa, man ni Israel ma dhanu pare, maram Yehova wodho ko Israel kud i Misiri.

Ai 18:12

Man Yethro, ma jalkwaru Musa, ugamu lam m’awang’a ku lam ni Mungu: e Harun ubino, ku judongo ceke mir Israel, kara gicam kwen karacelo ku jalkwaru Musa i wang’ Mungu.

Ai 18:27

E Musa weko jalkwaru mire cidhi; e ecidho i yo pare i ng’om pare ma dhe.

Ai 2:18

Man ka gibino ba Reuel ma weggi, ewacu kumae, Tin wudwogo con nedi?

Ai 2:21

E Musa yio ebed ku ng’atuca: man emio Zipora ma nyare ni Musa.

Ai 3:1

Nwang’u Musa bekwayu udul rombe pa Yethro ma jalkwaru mire, ma jalam mi Midian: man etelo wi udul rombe yo ng’ei langa, man ewok kum got pa Mungu, kum Horeb.

Ai 3:8

man aloro piny kara alargi kud i cing’ Jumisiri, man kara awodhgi woko kud i ng’om maeno atergi i ng’om ma ber ma lac de, ba ng’om ma molo cak ku kic; i ka Jakanani, man Jahiti, man Jaamori, man Japerizi, man Jahivi, ku Jayebusi.

Ai 6:4

Man aketho lembariba para cungo kugi, ya ami igi ng’om Kanan, ng’om mir umondo migi, ma gibedo ni umondo i ie.

Isaya 2:3

Man kodhidhanu dupa bicidho man gibiwacu kumae, Wubin, man wek waidhu ba got pa Yehova, ba ot pa Mungu pa Yakobo; e ebiponjowa ku yo pare, man wabiwotho i yo pare: kum cik biwok kud i Sayuni, man lembe pa Yehova kud i Yerusalem.

Yeremia 50:5

Gibipenjo pi Sayuni ku wang’gi ma yor i bang’e kumae, Wubin, man wuribru giwu kum Yehova i lembariba mi nja ma wijo biwil ungo pire.

Kitabu Mir Ang’wende Pa Musa Wel 10:28

Woth mi nyithindho mir Israel ubedo kumeni calkud udul migi; e gitugo woth.

Kitabu Mir Ang’wende Pa Musa Wel 23:19

Mungu en e dhanu ngo, ma nia ecwayu ndra, Kadok wod dhanu de, ma nia eloko cwinye: Ewacu, man ebitime ngo? Kadi eyero, man ebiketho etundo kakare ngo?

Tic Mi Jukwenda 7:5

man emio ire aba i ie ngo, ungo, ma romo tiende de ngo: man eng’olo ya ebimie ire ni jupiny pare, ni nyikwaye de yo ku ng’eye, ma fodi nyathin pare de mbe.

Poi Mi Cik 30:5

e Yehova Mungu peri biteri i ng’om ma kwaru mwonyo, e ibimwonye; man ebitimi ber, e ebimedi ma sagu kwaru.

Poi Mi Cik 4:40

Man igwok cik pare, ku lembang’ola pare, m’ang’olo iri tin, kara ibed ber, ku nyithindho peri yo ng’ei, man kara nindo peri ton hai i ng’om, ma Yehova Mungu peri mio iri, mi nja.

Tito 1:2

i genogen mi kwo ma rondo ku rondo, ma Mungu, ma kucop cwayu ndra ngo, ung’olo por yang’ con;

Juebrania 6:18

kara ni kum gin ario ma lokre ngo, ma i maeni cwayu ndra copre ngo ni Mungu, wabed ku juk ma tek, wan ma waringo wayenyo ko kaboth kara wamak genogen ma juketho i wang’wa;

Lembanyutha 22:17

Man Tipo ku mugole giwacu, Bin. Man ng’atu m’uwinjo, dong’ ewac, Bin. Man ng’atu ma rieupi nege, dong’ ebin: man ng’atu m’uyenyo, dong’ egam pi mi kwo k’abamba.

Jupoklembe 1:16

Man nyithindho pa Jakeni, ma Jalkwaru Musa, uidho malu ku i adhura mi thith karacelo ku nyithindho pa Yuda i yamba pa Yuda, ma en e yor ariwa ma piny ni Arad; e gicidho gibedo karacelo ku dhanu.

Jupoklembe 4:11

Nie Heber ma Jakeni ekoire gire ku Jukeni, cil ku nyithindho pa Hobab ma jalkwaru Musa, man eguro hema pare bor calu ka mi yen ma i Zananim, ma ceng’ni Kedec.

1 Samwil 15:6

Man Saul uwacu ni Jukeni kumae, Wucidhi, wuai, wulor piny ku kind Juamaleki, amaru nyothowu karacelo kugi; kum wunyutho bero ni nyithindho mir Israel ceke, kinde ma giai woko kud i Misiri. Kum kumeno Jukeni giai ku kind Juamaleki.