Kitabu Mir Ang’wende Pa Musa Wel 10:10 - The Holy Bible In Alur (Lur) Revised Orthography

¹⁰ I nindo mi mutoro mu bende, man i agba mu ma juketho, man i thekri mi dwi mu, wubikudho agwara wi lam m’awang’a mu, man wi lam mi girathiera mi kwiocwiny mu; e gibibedo iwu ni poi i wang’ Mungu mu; an a Yehova Mungu mu.

Kitabu Mir Ang’wende Pa Musa Wel 10:10 ပူးပေါင်းရင်းမြစ်များ

2 Ubimo 4:23

E ewacu kumae, Pirang’o ibicidho i bang’e tini? en e dwi m’upor ungo kadi ceng’ sabatu de ngo. E ewacu kumae, Ebibedo dre.

I Lemkei 15:24

Man Cebania, man Yocafat, man Nethanel, man Amasai, man Zekaria, man Benaya, man Eliezer, ma julam, gikudho agwara wang’ sanduk pa Mungu; man Obed-edom ku Yehia gi jukur dhugola mi sanduk.

I Lemkei 15:28

E kumeno Israel ceke kelo sanduk mi lembariba pa Yehova malu ku muzira, man ku badwal mir agwara, man kud agwara ma tung’, man kud umbukulumbu m’uwinjre dit, kud adungu man nanga.

I Lemkei 16:42

man karacelo kugi Heman ku Yeduthun kud agwara man umbukulumbu pi ju ma biyeke ma tek, man ku jambwer pi wer pa Mungu; man wot Yeduthun gibed dhugang’.

2 Lemkei 29:26

Man Julawi gicungo ku jambwer pa Daudi, man julam kud agwara.

2 Lemkei 29:28

E cokri ceke girwo, man juwer giwero, man jukudhagwara gikudho, maeni ceke bedo asu cil ma lam m’awang’a thum ko.

2 Lemkei 7:6

E julam gicungo, calku tic migi; Julawi bende ku jambwer mi badwal pa Yehova, ma Daudi m’ubimo timo kara umi foc ni Yehova (kum mer mi bero pare bedo mi nja), kinde ma Daudi paku pak ku timotim migi: e julam gikudho agwara i wang’gi; man Israel ceke cungo.

Ezra 3:10

Man ka jugom giguro the hekalu pa Yehova, giketho julam ukendo kendi migi man gibedo kud agwara, man Julawi ma wot Asaf kud umbukulumbu, kara gipak Yehova, calu Daudi m’ubimo mir Israel uketho.

Nehemia 12:35

man wot julam moko kud agwara: Zekaria ma wod Yonathan, ma wod Cemaya, ma wod Matania, ma wod Mikiya, ma wod Zakur, ma wod Asaf;

Zaburi 150:3

Wupake ku badwal mir agwara: Wupake ku nanga man adungu.

Zaburi 81:3

Wukudh agwara mi lakdwi, Ceng’ mi dwi ma dit, ceng’ mir agba mwa.

Zaburi 81:4

Kum en e cik mir Israel, Lembapoka pa Mungu pa Yakobo.

Zaburi 89:15

Mugisa ni dhanu m’ung’eyo badwal mir anyong’a: E Yehova, giwotho i der mi weng’i.

Ai 28:29

Man Harun biyeyo nying’ nyithindho mir Israel wi jambkor mi pokolembe wi adundene, kinde m’emondo i kamaleng’, ni jambpoi i wang’ Yehova thiri thiri.

Ai 30:16

Man igam sente mir adunya ku ba nyithindho mir Israel, man ikethe mi timotim i hema mi cokri; kara ebed ni poi ni nyithindho mir Israel i wang’ Yehova, kara utim adunya pi ng’eyong’ec mu.

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Lembe Mi Julawi 23:24

Yer ni nyithindho mir Israel, wac kumae, I dwi mir abirone, i ceng’ ma kwong’ane mi dwije, bibedo yom ma cu iwu, en e lempoi mi kudho agwara, en e cokri ma leng’.

Kitabu Mir Ang’wende Pa Musa Wel 10:9

Man kinde ma wucidho ba lwiny i ng’om mu wi jadegi ma sendowu, wubilund kudho girapoya kud agwara; e jubipoi piwu i wang’ Yehova Mungu mu, e wubiboth ni judegi mu.

Kitabu Mir Ang’wende Pa Musa Wel 28:11

Man i thekri mi dwi mu wubithiero lam m’awang’a ni Yehova: thwoni dhiang’ m’aradu ario, man nyog rombo acel, ku nyithi nyogi rombe abiro ma rundigi acel acel ma mulima mbe i kumgi;

Kitabu Mir Ang’wende Pa Musa Wel 29:1

Man i dwi mir abirone, i ceng’ ma kwong’ane mi dwije, wubibedo ku cokri ma leng’; wubitimo tic moko ma jumuli ko ngo: en e ceng’ mi kudho agwara iwu.

Matayo 11:28

Wubin i bang’a, kewu ceke ma wumulu ku tic ma ter ma pek unurowu, man abimio iwu yom.

Tic Mi Jukwenda 10:4

En de, kan enene tel, e lworo make, ewacu kumae, Girang’o, Rwoth? Man ewacu ire kumae, Rwo peri ku giramia peri giidho malu gibedo ni poi i wang’ Mungu.

1 Jukorinto 15:52

nyapil calu goyo wang’, kinde ma agwara ywak macen: kum agwara biywak, man ju m’utho bicer m’umbe nyothri, e wan de jubilokowa.

1 Jutesaloniki 4:16

Kum Rwoth ku kite biai i polo biloro piny, ku kok ma dit, ku dwand malaika ma dit de, man kud agwara pa Mungu bende: e ju m’utho i Kristu gibilar cer;

1 Jutesaloniki 4:18

Kum kumeno dong’ wujukru ku lembe maeni.

Yocuwa 4:7

wubilund wacu igi kumae, Kum pi mi Yordan ung’ol woko i wang’ sanduk mi lembariba pa Yehova; kinde m’ekadhu ku wi Yordan, pi mi Yordan ung’ol: man kidi maeni bibedo ni lembapoya ni nyithindho mir Israel mi nja.

Yocuwa 6:4

Man julam abiro biting’o agwara abiro mi tung rombe i wang’ sanduk: e i ceng’ mir abirone wubitieko adhurane wang’ abiro, e julam gibikudho agwara.

Lembanyutha 22:17

Man Tipo ku mugole giwacu, Bin. Man ng’atu m’uwinjo, dong’ ewac, Bin. Man ng’atu ma rieupi nege, dong’ ebin: man ng’atu m’uyenyo, dong’ egam pi mi kwo k’abamba.

1 Samwil 20:5

Man Daudi wacu ni Yonathan kumae, Nen, urwo dwi bipor, man maku kud akwer bedo kud ubimo dhu cemo: ento wek acidhi, kara apond i podho cil i ceng’ mir adege uthieno.