Kitabu Mir Ang’wende Pa Musa Wel 10:1 - The Holy Bible In Alur (Lur) Revised Orthography

¹ Man Yehova yero ni Musa, ewacu kumae,

Kitabu Mir Ang’wende Pa Musa Wel 10:1 ပူးပေါင်းရင်းမြစ်များ

Thangambere 42:13

Man giwacu kumae, Wan wa jutic peri wa utumego apar wi ario, wa wot ng’atu acel i ng’om Kanan; man, nen, ma cogo ni ba wegwa i ceng’ maeni, man acel umbe.

Thangambere 46:15

Maeni gi wot Leya, m’enyolo ni Yakobo i Padan-aram, man nyare ma Dina: ng’eyong’ec ceke mi wote ku nyige gi pier adek wi adek.

2 Samwil 6:15

Kum kumeno Daudi ku ot mir Israel ceke gikelo sanduk pa Yehova malu ku muzira, man ku bang’ agwara.

2 Ubimo 11:14

e eneno, man, nen, ubimo cungo ba mbegi, calu kuragi, ku jego man agwara i vut ubimo; e dhanu ceke m’i ng’om anyong’a negogi, man gikudho agwara. Athalia lund uyeco kendi pare, man ekok kumae, Lembapora ma rac! lembapora ma rac!

2 Lemkei 23:13

e eneno, man, nen, ubimo cungo ba mbegi pare i kamondo, man jego kud agwara ni bang’ ubimone, man dhanu ceke m’i ng’om anyong’a negogi, e gikudho agwara; juwer bende gigoyo jambwer mi badwal, man gitelo wi wer mi pak. Athalia lund uyeco kendi pare, man ewacu kumae, Lembapora ma rac! lembapora ma rac!

2 Lemkei 5:12

Julawi bende ma gi juwer, kagi ceke, cil Asaf man Heman, man Yeduthun, ku wotgi man utumeggi, ma gironjri ku bongu ma nwang’ ma ber, kud umbukulumbu man nanga kud adungu, gicungo ng’et pemblam ma yo nyangu, man julam dak acel ku pier ario ma gibekudho agwara ni karacelo kugi);

2 Lemkei 7:6

E julam gicungo, calku tic migi; Julawi bende ku jambwer mi badwal pa Yehova, ma Daudi m’ubimo timo kara umi foc ni Yehova (kum mer mi bero pare bedo mi nja), kinde ma Daudi paku pak ku timotim migi: e julam gikudho agwara i wang’gi; man Israel ceke cungo.

Ezra 3:10

Man ka jugom giguro the hekalu pa Yehova, giketho julam ukendo kendi migi man gibedo kud agwara, man Julawi ma wot Asaf kud umbukulumbu, kara gipak Yehova, calu Daudi m’ubimo mir Israel uketho.

Zaburi 47:5

Mungu idho malu ku kok, Yehova ku badwal mir agwara.

Zaburi 81:3

Wukudh agwara mi lakdwi, Ceng’ mi dwi ma dit, ceng’ mir agba mwa.

Zaburi 98:6

Kud agwara man badwal mir agwara ma tung’ Wutim badwal mir anyong’a i wang’ Ubimo, Yehova.

Kitabu Mir Ang’wende Pa Musa Wel 1:52

E nyithindho mir Israel gibiguro hema migi, ku ba dhanu ku ba dhanu ng’atuman ba gonjo pare gire, man ku ba dhanu ku ba dhanu ng’atuman bang’ abera pare gire, calkud udul migi.

Kitabu Mir Ang’wende Pa Musa Wel 10:2

Tim agwara ario iri mi mola ma tar; timgi ku tic m’afoda: man ibilwong’o kudo udul, man mi woth mi gonjo.

Kitabu Mir Ang’wende Pa Musa Wel 29:1

Man i dwi mir abirone, i ceng’ ma kwong’ane mi dwije, wubibedo ku cokri ma leng’; wubitimo tic moko ma jumuli ko ngo: en e ceng’ mi kudho agwara iwu.

Kitabu Mir Ang’wende Pa Musa Wel 7:2

nia judongomawijo mir Israel, ma wi udi pa weggi, githiero. Maeni gi judongomawijo mi suru, maeni gi ju ma ni wi ju ma jukwanugi:

Kitabu Mir Ang’wende Pa Musa Wel 9:23

Gigonjo ni kum lembang’ola pa Yehova, man giwotho ni kum lembang’ola pa Yehova: gigwoko kur pa Yehova, ni kum lembang’ola pa Yehova ni kum Musa.

Matayo 24:31

Man ebioro malaika pare ku dwand agwara ma dit, e gibicoko ju ma jugoyo nying’gi karacelo kud i the yamu ang’wen, kud i tung polo kun ku kun de.

Yocuwa 6:4

Man julam abiro biting’o agwara abiro mi tung rombe i wang’ sanduk: e i ceng’ mir abirone wubitieko adhurane wang’ abiro, e julam gibikudho agwara.

Lembanyutha 8:2

Man aneno malaika abiro m’ucungo wang’ Mungu; man jumio igi agwara abiro.

Jupoklembe 7:20

Man ungu dhanu adek gikudho agwara, man ginego cupa, man giting’o udok sengi i cing’gi ma yor acam, man agwara i cing’gi ma yor acwic ma gikudho kudo; man gikok kumae, Palamularu pa Yehova man pa Gideon.