Kitabu Mir Ang’wende Pa Musa Wel 1:16 - The Holy Bible In Alur (Lur) Revised Orthography

¹⁶ Maeni gi dhanu mir udul ma julwong’ogi, gi judongomawijo mi suru pa weggi; gi juwi rubanga mir Israel.

Kitabu Mir Ang’wende Pa Musa Wel 1:16 ပူးပေါင်းရင်းမြစ်များ

Ai 18:21

Man ke ibinwang’u dhanu ma cu kud i kind dhanu ceke, wadi dhanu ma julwor Mungu, dhanu mandha, m’udagu azindi; man ibiketho wadi joni i wigi, kara gibed ni jego wi rubanga, jego wi dak, jego wi pier abic, man jego mir apar:

Ai 18:25

Man Musa goyo wi dhanu ma cu ku kind Israel ceke, man ekethogi ni wie wi dhanu, jego mi rubanga, jego mi dak, jego mi pier abic, man jego mir apar.

Mika 5:2

Ento in, Beth-lehem Efratha, m’i nok m’ibedo kind rubanga mi Yuda, ng’atu moko biwok i bang’a kud ii ma bibedo jabim i Israel; ma wokwoko pare gambre con, ugambre mi nja.

Kitabu Mir Ang’wende Pa Musa Wel 1:15

Pa Naftali gi eni: Ahira ma wod Enan.

Kitabu Mir Ang’wende Pa Musa Wel 1:17

E Musa giku Harun gigamu dhanu maeni ma juweco pigi ku nying’gi:

Kitabu Mir Ang’wende Pa Musa Wel 1:4

Man ng’atu acel mi suru kubang’e kubang’e bibedo karacelo kudu; ku ba juwiudi mi weggi.

Kitabu Mir Ang’wende Pa Musa Wel 10:4

Man tek gikudho acel kende, judongomawijo, ma wi rubanga mir Israel, gibilund cokri i beng’i.

Kitabu Mir Ang’wende Pa Musa Wel 11:17

E abiloro piny man wabiweco kudi kuca: man abigamu kum Tipo ma ni i wii, e abikethe i wigi; man gibiyeyo ter mi dhanu karacelo kudi, kara kud iyeye giri i kendi.

Kitabu Mir Ang’wende Pa Musa Wel 16:2

man giai malu i wang’ Musa, karacelo ku jumoko mi nyithindho mir Israel, en e judongomawijo mir udul dak ario ku pier abic, ma julwong’ogi ba cokri, dhanu ma pigi yik;

Kitabu Mir Ang’wende Pa Musa Wel 26:9

Man wot Eliab gi eni: Nemuel, ku Dathan, man Abiram. Maeni gi Dathan man Abiram maeno, ma udul ulwong’ogi, ma gipiembri ku Musa man ku Harun i njuru dhanu pa Kora, kinde ma gipiembri ku Yehova,

Kitabu Mir Ang’wende Pa Musa Wel 30:1

E Musa yero ni wi suru mi nyithindho mir Israel, ewacu kumae, Maeni gin ma Yehova ng’olo.

Kitabu Mir Ang’wende Pa Musa Wel 7:2

nia judongomawijo mir Israel, ma wi udi pa weggi, githiero. Maeni gi judongomawijo mi suru, maeni gi ju ma ni wi ju ma jukwanugi:

Poi Mi Cik 1:15

Kum kumeno agamu judongo mi suru mu, dhanu ma riek, ma jung’eyo de, man akethogi ni judongo i wiwu, jego mi rubanga, man jego mi dak, man jego mi pier abic, man jego mir apar, man juwitic, calku suru mu.

Jupoklembe 6:15

Man ewacu ire kumae, Ei, Rwoth, abibodho Israel kud ang’o? nen, wat para gi jucan m’usagu i Manase, an de a nok m’usagu i ot pa vwa.

1 Samwil 22:7

Man Saul uwacu ni jutic pare m’ucungo i kume kumae, Wuwinj kawono, wu Jubenyamini; wod Yese bimio iwu pothi ku pothi mir ulok kubeng’wu kubeng’wu, ebiketho wun ceke ni jego mi rubanga man jego mi daki,

1 Samwil 23:23

Ka kumeno wunen, man wung’ei kapondo ceke m’epondo i ie, man wubin kendo i bang’a andha, e wabicidho wakudu: man ebitimbre, tek ebedo i ng’om, nia abiyenye i kind rubanga ceke mi Yuda.