Nehemia 9:8 - The Holy Bible In Alur (Lur) Revised Orthography

⁸ e inwang’u adundene mandha i weng’i, man itimo lembariba kude ya imi ng’om pa Jakanani, ku Jahiti, man Jaamori, ku Japerizi, man Jayebusi, ku Jagirgaci, ya imie ni kodhi pare, e itimo lembe peri kakare; kum in i pwe.

Nehemia 9:8 ပူးပေါင်းရင်းမြစ်များ

Thangambere 12:7

Man Yehova nyuthre ni Abram, ewacu de kumae, Abimio ng’om maeni ni nyikwei: e eguro pemblam keca ni Yehova, m’unyuthre ire.

Thangambere 15:6

Man eyio Yehova; e ekwane ire ni bedopwe.

Thangambere 22:12

E ewacu kumae, Kud iketh cingi kum nyathin, kadi gin moko de kud itim i kume; kum kawono ang’eyo nia ilworo Mungu, kum ikwero wodi ngo ira, wodi kulong’.

2 Samwil 22:31

En e Mungu, yo pare ndhu cu: Lembe pa Yehova jumulo i ie; En e ban ni dhanu ceke m’upondo i ie.

I Lemkei 1:14

man Jayebusi, man Jaamori, man Jagirgaci,

I Lemkei 16:16

Lembariba m’etimo kud Ibrahim, Man kwong’ pare ni Isak,

Ezra 9:15

E Yehova, Mungu mir Israel, in i pwe; kum wan wadong’ donge m’uboth, calu ebedo ceng’ maeni: nen, wan wani weng’i i dubo mwa; kum ng’atu moko mbe ma copo cungo i weng’i kum maeni.

Nehemia 9:33

Ento in i pwe i gin ceke m’uwok i kumwa; kum itimo gin mandha, ento wan wadubo;

Zaburi 116:5

Yehova en e won bero, man pwe; Eyo, Mungu mwa e won kisa

Ai 3:17

man awacu kumae, Abiwodhowu woko kud i masendi mi Misiri man abiterowu i ng’om pa Jakanani, man Jahiti, ku Jaamori, ku Japerizi, man Jahivi, ku Jayebusi, i ng’om ma molo cak ku kic.

Ai 3:8

man aloro piny kara alargi kud i cing’ Jumisiri, man kara awodhgi woko kud i ng’om maeno atergi i ng’om ma ber ma lac de, ba ng’om ma molo cak ku kic; i ka Jakanani, man Jahiti, man Jaamori, man Japerizi, man Jahivi, ku Jayebusi.

Ezekiel 33:24

Wod dhanu, ju m’ubedo i ka mir uvuru i ng’om mir Israel giyero, giwacu kumae, Ibrahim en e acel, man emaku ng’ombe ni aba: ento wan wa dupa; ng’om bimire iwa ni aba.

Kitabu Mir Ang’wende Pa Musa Wel 13:29

Amalek ubedo i ng’om ma yor ariwa ma piny: man Jahiti, ku Jayebusi, man Jaamori, gibedo i ng’om gudi; man Jakanani bedo ceng’ni dhu nam, man i ng’et Yordan.

Kitabu Mir Ang’wende Pa Musa Wel 23:19

Mungu en e dhanu ngo, ma nia ecwayu ndra, Kadok wod dhanu de, ma nia eloko cwinye: Ewacu, man ebitime ngo? Kadi eyero, man ebiketho etundo kakare ngo?

Tic Mi Jukwenda 13:22

E kinde m’ekabe, eting’o Daudi ni ubimo migi; m’enyutho lembe pire bende ewacu kumae, Anwang’u Daudi ma wod Yese, e ng’atu ma ka cwinya, m’ebitimo ceke ma ia yenyo.

Poi Mi Cik 26:3

E ibibino ba jalam ma bibedo nuti i ceng’ maeca, man ibiwacu ire kumae, Atuco tin ni Yehova Mungu peri, nia abino i ng’om ma Yehova kwong’o ni kwaruwa ya ebimio iwa.

Poi Mi Cik 32:4

Cana, tic pare bedo ndhu cu; Kum yo pare ceke e pwe: Mungu mi lemandha man m’umbe dubo, En e pwe man atira.

Poi Mi Cik 7:1

Kinde ma Yehova Mungu peri biroi i ng’om ka m’icidho i ie nimwonye, man ebiriemo thek dupa woko i weng’i, Jahiti, man Jagirgari, man Jaamori, man Jakanani, man Japerizi, man Jahivi, ku Jayebusi, thek abiro ma dit ma tek de ma saguin;

Poi Mi Cik 9:5

Ni kum bedopwe peri ngo, kadi ni kum adundeni m’atira de ngo, ketho imondo kara imwony ng’om migi; ento kum dubo mi thek maeni Yehova Mungu peri riemogi woko kud i weng’i, kara eketh lembe cungi ma Yehova kwong’o m kwaru, ni Ibrahim, ni Isak, man ni Yakobo.

Tito 1:2

i genogen mi kwo ma rondo ku rondo, ma Mungu, ma kucop cwayu ndra ngo, ung’olo por yang’ con;

Juebrania 11:17

Ni kum yioyic, Ibrahim uwodho Isak, nwang’u jumule; eyo ng’atu m’ujolo lembang’ola kud anyong’a ewodho wode kulong’;

Juebrania 6:18

kara ni kum gin ario ma lokre ngo, ma i maeni cwayu ndra copre ngo ni Mungu, wabed ku juk ma tek, wan ma waringo wayenyo ko kaboth kara wamak genogen ma juketho i wang’wa;

Yocuwa 11:23

Kum kumeno Yocuwa maku ng’ombe ceke, calku gin ceke ma Yehova yero ni Musa; e Yocuwa mie ni Israel ni aba calku pok migi ku suru migi. E ng’ombe kwio ni lwiny.

Yocuwa 11:3

man ba Jakanani yo nyangu ku yo reto, man ba Jaamori, ku Jahiti, man Japerizi, ku Jayebusi i ng’om gudi, man Jahivi the got Hermon i ng’om mi Mizpa.

Yocuwa 23:14

Man, nen, tin abecidho i yo ma dhanu ceke m’i ng’om cidho i ie: e wung’eyo i adundewu ceke man i ng’eyong’ec mu ceke, nia gin acel de mbe m’urem mi gin ceke ma ber ma Yehova Mungu mu yero piwu; gin ceke timbre kakare iwu, gin acel de mbe i kinde m’urem.

Yocuwa 9:1

Man etimbre, kinde ma ubimo ceke ma gini loka Yordan, i ng’om gudi, man i poga, man ma ni dhu wath ceke mi nam ma dit i nyim Lebanon, en e Jahiti, ku Jaamori, man Jakanani, ku Japerizi, man Jahivi, ku Jayebusi, giwinjo pi maeni;

1 Yohana 1:9

Tek watuco dubo mwa, en e mandha man pwe mi weko dubo mwa, mi lonyowa de ni gondri ceke.