Nehemia 9:6 - The Holy Bible In Alur (Lur) Revised Orthography

⁶ In i Yehova, in i kendi; itimo polo, polo m’i polo, kud udul migi ceke, ng’om de ku gin ceke ma ni i wie, ku nam man gin ceke ma ni i igi, e igwokogi ceke; man udul m’i polo berwo iri.

Nehemia 9:6 ပူးပေါင်းရင်းမြစ်များ

Thangambere 1:1

Ku kwong’a Mungu cwio polo ku ng’om.

Thangambere 1:9

Man Mungu wacu kumae, Dong’ pi ma ni the polo cok dhoge i kar acel, man dong’ ng’om m’uthwo woki: e ebedo kumeca.

Thangambere 2:1

Man polo ku ng’om gidaru timbri, kud udul pinje ceke.

Thangambere 32:2

Man ka Yakobo nenogi ewacu kumae, Maeni udul pa Mungu: man elwong’o nying’ kakeca Mahanaim.

1 Ubimo 22:19

Man Mikaya wacu kumae, Ka kumeno winj lembe pa Yehova: Aneno Yehova bedo wi komker pare, man udul m’i polo ceke gicungo i ng’ete yo ku cinge ma yor acwic ku ma yor acam de.

1 Ubimo 8:27

Ento Mungu bibedo wi ng’om andha? nen, polo man polo m’i polo copo romi ngo; e ka ot maeni m’agomo biromi nenedi!

2 Ubimo 19:15

E Hezekia rwo i wang’ Yehova, man ewacu kumae, E Yehova, Mungu mir Israel, m’ubedo wi kerubi, in i Mungu, in i kendi, mi ker ceke m’i ng’om; itimo polo ku ng’om.

2 Ubimo 19:19

Ka kumeno kawono, E Yehova Mungu mwa, bodhwa, wakwei, kud i cinge, kara ker ceke m’i ng’om ung’ei nia in i Yehova in i Mungu i kendi.

Nehemia 9:5

Julawi, en e Yecuwa, man Kadmiel, ku Bani, man Hacabneya, ku Kerebia, man Hodia, ku Cebania, man Pethahia, gilund giwacu kumae, Wucungi man wumi mugisa ni Yehova Mungu mu m’ugambre nja cil nja; e mugisa bed kum nyingi mi dwong’, m’edodre malu wi mugisa ku pak ceke.

Zaburi 102:25

Itheko thepiny mi ng’om con; Man polo en e tic mi cingi.

Zaburi 103:21

Wumi mugisa ni Yehova, wun udul pare ceke, Wu jutim pare, ma wutimo yeny ma ie yenyo.

Zaburi 115:15

Wun wu jumugisa pa Yehova, M’utimo polo ku ng’om.

Zaburi 124:8

Kony mwa ni i nying’ Yehova, M’ucwio polo ku ng’om.

Zaburi 146:6

M’ucwio polo ku ng’om, Nam, ku gin ceke ma ni i igi de; M’ugwoko lemandha mi nja;

Zaburi 24:10

Ng’a m’Ubimo mi dwong’ maeni? Yehova mir udul, En e Ubimo mi dwong’. [Sela.

Zaburi 33:6

Jucwio polo ni kum lembe pa Yehova. Man udulgi ceke ni kum lietho mi dhoge.

Zaburi 36:6

Bedopwe peri calu gudi pa Mungu; Lembapoka peri gi nam ma dit: E Yehova, igwoko dhanu ku yedi.

Zaburi 86:10

Kum in i dwong’, man itimo gin ma wang’u ijo: In i Mungu i kendi.

Isaya 37:16

E Yehova mir udul, Mungu mir Israel, m’ujany malu wi kerubi, in i Mungu, i kendi, mi thek ceke m’i ng’om; icwio polo ku ng’om.

Isaya 37:20

Ka kumeno kawono, E Yehova Mungu mwa, larwa ni cinge, kara thek ceke m’i ng’om ung’ei nia in i Yehova, ndhu in i kendi.

Isaya 43:10

Wun wu jumulembe para, Yehova wacu, man jatic para m’agoyo wie; kara wung’ei man wuyia, man wung’ei nia an a en: Mungu moko mbe ma jular jucwio ira, kadi ma bibedo nuti yo ng’eya.

Isaya 44:6

Yehova, m’Ubimo mir Israel, man Jawar pare, Yehova mir udul, uwacu kumae: An a ma kwong’a, man kajik; man Mungu moko mbe m’umeda.

Isaya 44:8

Lworo kud unegwu, bebe de kud utimwu: ayero iri ugambre con ungo, man anyuthe? man wun wu jumulembe para. Mungu moko nuti m’umeda? eyo, Cana moko mbe; ang’eyo moko ngo.

Isaya 45:12

Atimo ng’om, man acwio dhanu i wie: an, en e cinga, m’uluko polo; man ang’olo lembe ni udul migi ceke.

Yeremia 32:17

A Rwoth Yehova! nen, icwio polo ku ng’om ku tego peri ma dit man ku boti m’arieya; gin moko mbe ma tek ma segi,

Ezekiel 20:11

Man amio igi cik para, anyutho igi lembapoka para de, ma tek dhanu timo, ebibedo kwo ni kumgi.

Yona 1:9

E ewacu igi kumae, An a Jaebrania; man alworo Yehova, Mungu m’i polo, m’ucwio nam ku ng’om m’uthwo.

Yohana 10:30

An waku Vwa wan acel.

Tic Mi Jukwenda 4:24

Gin de, ka giwinjo maeni, giting’o dwandgi malu ba Mungu ku cwinygi m’uripo acel, man giwacu kumae, E Rwoth, in m’icwio polo ku ng’om ngi ku nam de, ku gin ceke ma ni i igi bende:

Poi Mi Cik 10:14

Nen, polo man polo m’i polo, ku ng’om, ku gin ceke ma ni i ie, en e pa Yehova Mungu peri.

Poi Mi Cik 32:39

Nen kawono nia an, cil an, an a en, Man mungu moko mbe ma wakude: Anego, man aketho cer; Atong’o lero, man acangu: Man ng’atu moko mbe ma copo bodho kud i cinga.

Poi Mi Cik 6:4

Winj, E Israel: Yehova Mungu mwa en e Yehova acel:

Juebrania 1:3

en m’e car m’ucare mi dwong’ pare, man en e ayi mi kit kume, man gin ceke thiere ni kum lembe mi tego pare, kan etimo lwok mi dubo, ejany piny yo ku cing’ ma yor acwic mi Dwong’ ka ma malu;

Juebrania 1:6

Man kan ekelo kayu kendo i ng’om ewacu kumae, E dong’ malaika pa Mungu ceke girwo ire.

Lembanyutha 14:7

man ewacu ku dwal ma dit, Wulwor Mungu, man wumie dwong’: kum saa mi pokolembe pare wok: man wurwo ni ng’atu m’ucwio polo ku ng’om ku nam ku kulo ma dhenyni bende.

Lembanyutha 4:11

Eromo kudi, Rwoth mwa man Mungu mwa, ya igam dwong’ man yung ku tego: kum icwio gin ceke, man gibedo nuti ni kum yeny m’iyenyo, gicwiri de.