Nehemia 9:35 - The Holy Bible In Alur (Lur) Revised Orthography

³⁵ Kum gitimo iri ngo i ker migi, man i bero peri ma dit m’imio igi, man i ng’om m’ulwar ma mio de m’imio i wang’gi, kadok aloka de gilokri ngo kum tic mi dubo migi.

Nehemia 9:35 ပူးပေါင်းရင်းမြစ်များ

Nehemia 9:25

E gimaku adhura ma tek, ku ng’om ma mio, man gidoko weg udi m’uong’ ku gin ma ber ceke, ku pi ma juroo, ku podho mir ulok, man podho mir ulam, ku yen ma cego nyinge dupa: ka kumeno gicamu, e giyeng’, man gicwe, ginyayu anyong’a i igi de kum bero peri ma dit.

Nehemia 9:34

kadok ju m’ubimo mwa de giworo cik peri ngo, ku judongomawijo mwa, man julam mwa, kadi kwaruwa, giwinjo lembang’ola peri de ngo, ku lembatuca peri m’ituco ko wigi de ngo.

Isaya 63:7

Abiweco pi mer mi bero pa Yehova ku pak pa Yehova, calku gin ceke ma Yehova mio iwa, man bero ma dit yo ba ot mir Israel, m’emio igi calku kisa pare, man calkud udul mer mi bero pare.

Yeremia 5:19

Man ebitimbre, kinde ma wuwacu kumae, Pirang’o Yehova Mungu mwa timo gin maeni ceke i kumwa? ibilund wacu igi kumae, Calu wtiweka, man wutimo ni mungu ma wi rok i ng’om mu, wubitimo ni juwirok i ng’om ma en e mu ngo kumeca.

Ezekiel 5:6

Man ejai kum lembapoka para ku timo dubo ma sagu thek, man kum cik para ma sagu ng’om m’utieke gbur; kum gikwero lembapoka para, man pi cik para, giwotho i igi ngo.

Poi Mi Cik 28:47

Kum itimo ni Yehova Mungu peri ngo ku mutoro, man ku berocwiny, ni kum sagri mi gin ceke;

Poi Mi Cik 28:48

ka kumeno ibitimo ni judegini ma Yehova bioro i wii, ku kec, man ku rieu, man ku muneru, man ku canpiny mi gin ceke: e ebiketho mberembere mi nyunyu i ng’uti, cil m’enyothi ko.

Poi Mi Cik 31:21

E ebitimbre, kinde ma lem ma rac dupa ku can uwok i wigi, nia wer maeni bituco lembe i wang’gi calu jamulembe; kum ebirwinyo ngo ku dhu nyikwaigi: kum ang’eyo lembapora migi ma giporo tin, ma fodi akelogi ngo i ng’om m’akwong’o.