Nehemia 9:32 - The Holy Bible In Alur (Lur) Revised Orthography

³² Ka kumeno kawono, Mungu mwa, ma dwong’, ma jatego, Mungu mi ndiri de, m’ugwoko lembariba ku mer mi bero, kud iyi can ceke nen nok i weng’i, m’uwok i kumwa, i kum ubimo mwa, i kum judongomawijo mwa, man i kum julam mwa, man i kum jubila mwa, man i kum wegwa, man i kum dhanu peri ceke, ugambre i nindo p’ubimo mir Ascur cil tin.

Nehemia 9:32 ပူးပေါင်းရင်းမြစ်များ

1 Ubimo 8:23

man ewacu kumae, E Yehova, Mungu mir Israel, Mungu moko mbe ma calu in, malu i polo, kadi piny i ng’om; m’ugwoko lembariba ku mer mi bero Jeu jutic peri, m’uwotho i weng’i kud adundegi ceke;

2 Ubimo 15:19

Pul m’ubimo mir Ascur ubino kum ng’ombe; man Menahem umio talanto mi mola ma tar rubanga acel ni Pul, kara cinge bed kude m’uketh ker udok tek i cinge.

2 Ubimo 15:29

I nindo pa Peka m’ubimo mir Israel, Tiglat-pileser m’ubimo mir Ascur ubino, man emaku Ijon, kud Abelbeth-maka, man Yanoa, man Kedec, ku Hazor, man Gilead ku Galilaya, man ng’om ceke pa Naftali; e eyakugi ni ng’eca i Ascur.

2 Ubimo 17:23

cil ma Yehova kabu ko Israel kud i wang’e, calu eyero ku dhu jutic pare ceke ma jubila. Kum kumeno juyaku Israel kud i ng’om migi ma dhe juterogi i Ascur cil i ceng’ ma tin.

2 Ubimo 17:3

Calmaneser m’ubimo mir Ascur ubino malu i kume; man Hoceya doko jatic pare, man ekelo ajok ire.

2 Ubimo 17:6

I rundi mir abung’wende pa Hoceya m’ubimo mir Ascur umaku Samaria, man eyaku Israel etero i Ascur, man ekethogi i Hala, man wi Habor, ma kulo mi Gozan, man i adhura mi Jumedi.

2 Ubimo 23:29

I nindo pare Farao-neko m’ubimo mi Misiri idho malu kum ubimo mir Ascur kum kulo Frati: e ubimo Yosia cidho i kume; man Farao-neko nege i Megido, kinde m’enene.

2 Ubimo 25:7

Man ginego wot Zedekia i wang’e, man giloyo wang’ Zedekia, gitwie de ku nyoro, man gitere i Babeli.

Ezra 4:10

ku dong’ thek ma Osnapar ma dit ku ma dwong’ ukelo lokani, uketho de i adhura mi Samaria, man i dong’ ng’om ma loka Kulo, ku ma kumeno.

Ezra 4:2

gilund gicoro ceng’ni Zerubabel, man ba wi udi pa wego, man giwacu igi kumae, Dong’ wagomu wakudu; kum wabeyenyo Mungu mu, calu wutimo; man wamio lam ire ugambre i ceng’ pa Ezarhadon m’ubimo mir Ascur, m’ukelowa keni.

Ezra 9:13

Man yo ng’ei gin ceke m’uwok i wiwa kum tic mwa ma rac, man kum dubo mwa ma dit, kum in i Mungu mwa isendowa nok ka jupore ku gin m’uromo ku dubo mwa, man imio iwa donge ma kumeni,

Nehemia 1:5

man awacu kumae, Akwei, E Yehova, Mungu m’i polo, Mungu ma dwong’ ma jang’oi ndiri, ma gwoko lembariba man mer mi bero ku ju m’umare m’uworo lembariba pare:

Zaburi 47:2

Kum Yehova ma Malu Ngbir en e ung’oindiri; En e Ubimo ma dit wi ng’om ngung’.

Zaburi 66:3

Wuwac ni Mungu kumae, Tic peri gin ung’oindiri mire ma! Ni kum tego peri ma dit judegi peri bimondo gigi i beng’i.

Zaburi 66:5

Wubin, man wunen tic pa Mungu; En e ung’oindiri i tim pare yo ba nyithi dhanu.

Ai 18:8

E Musa yero ni jalkwaru mire gin ceke ma Yehova timo kum Farao man kum Jumisiri pir Israel, ku masendi ceke m’uwok i kumgi i yo, man maram Yehova bodho kogi.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Daniel 9:4

Man a rwo ni Yehova Mungu para, man atimo lembatuca, awacu de kumae, A, Rwoth, Mungu ma dwong’ ma jang’oindiri, m’ugwoko lembariba man mer mi bero ku ju m’umare m’uworo lembang’ola pare de,

Daniel 9:6

kadok awinja wawinjo jutic peri ma jubila de ngo, m’uyero ku nyingi bang’ ubimo mwa, ku judongo mwa, man ku kwaruwa, man ni dhanu ceke m’i ng’om.

Daniel 9:8

E Rwoth, lewic mi wang’ ubedo iwa, ni ubimo mwa, ni judongomawijo mwa, man ni kwaruwa, kum wadubo iri.

Lembe Mi Julawi 26:18

Man tek wubiwinjo dwanda ngo asu kum gin maeni, abilund ponjowu wang’ abiro kendo pi dubo mu.

Lembe Mi Julawi 26:21

Man tek wuwotho ku co ira, man wubiwinjo dwanda ngo, abikelo masendi wang’ abiro kendo i kumwu calku dubo mu.

Lembe Mi Julawi 26:24

e an bende abilund wotho ku co iwu; man abigoyowu, en e an, wang’ abiro pi dubo mu.

Lembe Mi Julawi 26:28

abilund wotho ku co iwu ku kwinyo; man an bende abiponjowu wang’ abiro pi dubo mu.

Poi Mi Cik 7:12

Man ebitimbre, kum wuwinjo ba lembapoka maeni, man wugwokogi wutimogi de, nia Yehova Mungu peri bigwoko lembariba ku mer mi bero kudi m’ekwong’o ni kwaru:

Poi Mi Cik 7:13

man ebimeri, ebimio mugisa iri de, man ebimedi; ebimio mugisa bende kum kodhi m’i ii ku nying’ piny m’i ng’om peri, en e cam peri ku pigulok peri ma nyasa man mo peri, ku nyai mi lim peri man nyithindh udul rombe peri, i ng’om m’ekwong’o ni kwaru y a emi iri.

Poi Mi Cik 7:21

Lworo kud unegi i kumgi; kum Yehova Mungu peri ni i krndi, Mungu ma dwong’ ma jang’oindiri de.

Poi Mi Cik 7:9

Ka kumeno ng’ei nia Yehova Mungu peri, en e Mungu, Mungu mandha, ma gwoko lembariba ku mer mi bero ni ju m’umare man ma gwoko lembang’ola pare cil kum dhanum’ utuk rubanga,