Nehemia 9:30 - The Holy Bible In Alur (Lur) Revised Orthography

³⁰ Ento rundi dupa itwio cwinyi i kumgi, man itiico wigi ku Tipo peri ni kum jubila peri: ento giyenyo ngo ya gicik ithgi: kum kumeno imiogi i cing’ dhanu m’i ng’om.

Nehemia 9:30 ပူးပေါင်းရင်းမြစ်များ

2 Ubimo 18:11

Man ubimo mir Ascur uyaku Israel uterogi i Ascur, man ekethogi i Hala, man wi Habor, ma kulo mi Gozan, man i adhura mi Jumedi,

2 Ubimo 21:10

Man Yehova yero ku dhu jutic pare ma jubila, ewacu kumae,

2 Lemkei 24:19

Ento eoro jubila i bang’gi, kara ukelgi kendo ba Yehova; man gituco lembe i kumgi: ento gikwero winjo.

Ezra 9:10

Man kawono, E Mungu mwa, yo ng’ei maeni wabiwacu ang’o? kum waweko lembang’ola peri,

Nehemia 9:20

Imio Tipo peri ma ber bende kara uponjgi, man itwonogi ku mana peri ngo i dhoggi, man imio igi pi ni rieu migi.

Nehemia 9:26

Ento giwor ungo, man gijai iri, gibayu Cik peri de i ng’eigi, man ginego jubila peri m’utuco wigi kara gilokgi i beng’i kendo, man gitimo gin ma dit ma nyayu ng’ecwiny.

Nehemia 9:29

man ituco wigi, kara ikelgi kendo ba cik peri. Ento gitimo ku kuhaya, man giwinjo lembang’ola peri ngo, ento gidubo kum lembapoka peri (ma tek ng’atu moko timo, ebibedo ni kumgi), man giwodho gok, e giciko ng’utgi, man giyenyo ngo giwinji.

Zaburi 86:15

Ento in, E Rwoth, in i Mungu mi kisa man mi bero, Ibedo yo ni ng’ecwiny, man dit i mer mi bero ku lemandha.

Zaburi 95:10

Can unega kum dhanum’utuk maeca rundi pier ang’wen, Man awacu kumae, Gi dhanu m’ukier i adundegi, Man ging’eyo yo para ngo:

Isaya 28:10

Kum en e lemponji wi lemponji, lemponji wi lemponji; wang’lembe wi wang’lembe, wang’lembe wi wang’lembe; keni nyanok, keca nyanok.

Isaya 42:24

Ng’a m’umio Yakobo mir ayeki, man Israel ni weg ayeki? Yehova timo en ungo? en e ng’atu ma wadubo ire, man ng’atu ma gikwero wotho i yo pare, kadok cik pare de giworo ngo.

Isaya 48:9

Kum abikoweko ng’ecwiny para tundu pi nyinga, man abicera piri pi pak para, kara kud akebi woko.

Isaya 63:10

Ento gijai, man ginyayu can i Tipo pare ma leng’: ka kumeno elokre ni jadegi migi, man en gire ekiedo i kumgi.

Yeremia 25:4

Man Yehova oro jutic pare ceke ma jubila i beng’wu, m’eai pir man eorogi (ento wuwinjo ngo, kadi ithwu de wuciko ngo mi winjo),

Yeremia 44:22

ketho nia Yehova copo ciro kendo ngo, kum lem ma rac mi giratima mu, man kum ginmajudagu ma wutimo; ka kumeno ng’om mu doko ni uvuru, ku wang’uic, man kwong’, ma ng’atu moko mbe m’ubedo i ie, calu ebedo tin.

Yeremia 44:4

Ento aoro jutic para ma jubila ceke i beng’wu, m’aai ko pir aorogi de, awacu kumae, A, kud wutim ginmajudagu maeni m’adagu.

Yeremia 44:5

Ento giwinjo ngo, kadi giciko ithgi de ngo ya gilokri kud i dubo migi, ya ku giwang’ udok ma ng’wice ng’ar moko ni mungu mange.

Yeremia 7:25

Ugambre i ceng’ ma kwaruwu wok ie woko kud i ng’om Misiri cil i ceng’ ma tin, aoro jutic para ceke ma jubila i beng’wu, m’aai pir aorogi de ku ba rupiny ku ba rupiny:

Ywak 2:17

Yehova timo maeno m’ekeco; etimo lembe pare kakare m’eng’olo i nindo ma con; Eredho piny, man ngisi nege ngo: Man eketho anyong’a nego jadegi i kumi; eyungo tung pa jusend peri.

Daniel 9:6

kadok awinja wawinjo jutic peri ma jubila de ngo, m’uyero ku nyingi bang’ ubimo mwa, ku judongo mwa, man ku kwaruwa, man ni dhanu ceke m’i ng’om.

Zekaria 7:12

Eyo, giketho adundegi calu kidi ma tek, kara ku giwinj cik, ku lembe ma Yehova mir udul uoro ku Tipo pare ni kum jubila ma kwong’a: ka kumeno kwinyo ma dit uai ba Yehova mir udul.

Zekaria 7:13

Man etimbre, kan elwong’o, man gikwero winjo, e gibilwong’o kumeca, man abiwinjo ngo, Yehova mir udul uwacu;

Kitabu Mir Ang’wende Pa Musa Wel 11:26

Ento dhanu ario dong’ i kagonjo, nying’ ng’atu acel Eldad, man nying’ ng’atu mucelo Medad: e Tipo bedo i wigi; man gin gi kind ju ma jugoro, ento giwok woko ba hema ngo; e giewo ku i kagonjo.

Tic Mi Jukwenda 13:18

E i nindo ma yenyo romo pier ang’wen etwio cwinye kum tic migi ma i yamba.

Tic Mi Jukwenda 28:25

E ka cwinygi ripo ngo i kindgi gigi, giai yo ng’ei lembe acel ma Paolo yero kumae, Tipo Maleng’ yang’ uyero dre ni wegwu ku dhu Isaya ma jabila,

Tic Mi Jukwenda 7:51

Wun ma ng’utwu cikre ma wukutimo yaa ngo kum adundewu kum ithwu de, wucero Tipo Maleng’ thiri thiri: calu ma yang’ kwaruwu gibegitimo, e wun bende wutimo kumeca.

Jurumi 2:4

Kadi icayu lonyo mi bero pare ku twiocwiny pare man mwonyolembe pare m’emwonyo hai, m’ing’eyo ko ngo nia bero Mungu unyebi kum lokocwinyi?

1 Petro 1:11

ma giyenyo ko kanindo kadi karambnindo ma Tipo Kristu ma ni i igi nyutho pire, kan elar etuco pi sendri pa Kristu, ku dwong’ ma bilubo toke.

2 Petro 1:21

Kum lembila moko mbe ma fodubino ku yeny ma dhanu yenyo: ento dhanu yero lembe m’uai ba Mungu, ma Tipo Maleng’ ucung’o kogi en.

2 Petro 3:9

Rwoth galu ngo kum lembang’ola pare, calu jumoko kwanu galu; ento emwonyo lembe hai iwu, kum eyenyo ngo nia ng’atu moko rwiny, ento nia dhanu ceke gitund ba lokocwiny.