Nehemia 9:27 - The Holy Bible In Alur (Lur) Revised Orthography

²⁷ Ka kumeno imiogi i cing’ jusendgi, m’usendogi: man i nindo mi can migi, ka giywak i beng’i, iwinjo kud i polo; man calkud udul kisa peri imio igi jular m’ubodhogi kud i cing’ jusend migi.

Nehemia 9:27 ပူးပေါင်းရင်းမြစ်များ

2 Ubimo 13:5

(E Yehova mio jalar ni Israel, ketho nia giai woko ku the cing’ Jucami; e nyithindho mir Israel gibedo i hema migi calu ma naka.

2 Ubimo 14:27

E Yehova wacu ngo nia ebikabu nying Israel woko ku the polo; ento elarugi ku cing’ Yeroboam ma wod Yoac.

2 Ubimo 17:20

E Yehova kwero kodhi ceke mir Israel, man esendogi, e emiogi i cing’ junyoth, cil m’ebayugi ko kud i wang’e.

2 Ubimo 17:39

ento wulwor Yehova Mungu mu; e ebibodhowu kud i cing’ judegi mu ceke.

2 Lemkei 36:17

Ka kumeno ekelo ubimo mi Jukaldayo i wigi, m’unego awobi migi ku palamularu i ot mi kamaleng’ migi, man ngisi pare mbe kum jalawobi kadi nyaku ma sumba, dhanu m’uti kadi ng’atu ma wie ju lwar: emiogi ceke i cinge.

Nehemia 9:19

ento in i udul kisa peri ikunogi ngo i langa: mbegi mir afuru ai kud i wigi ngo ku dieceng’, kara: utel wigi i gengi; kadok mbegi mi mac ku diewor, kara unyuth igi der, ku yo ma maku giwoth i ie.

Zaburi 136:24

Man m’ubodhowa ni jusend mwa; Kum mer mi bero pare bedo mi nja;

Lembe Mi Julawi 26:17

Man abiketho wang’a i kumwu, jubigoyowu de i wang’ judegiwu: ju m’udaguwu bibimo wiwu; e wubiringo ma ng’atu moko mbe m’uriemowu.

Obadia 1:21

Man jubodh biidho malu wi got Sayuni kara gipok lembe mi got mir Esau; e ker bibedo pa Yehova.

Jupoklembe 2:18

Man ka Yehova ting’o igi jupoklembe, e kinde maeca Yehova bedo karacelo ku japoklembene, man ebodhogi kud i cing’ judegi migi i nindo pa japoklembene ceke: kum kisa nego Yehova kum cur migi ma gicur ko kum ju m’usendogi m’ung’abu cwinygi de.