Nehemia 9:26 - The Holy Bible In Alur (Lur) Revised Orthography

²⁶ Ento giwor ungo, man gijai iri, gibayu Cik peri de i ng’eigi, man ginego jubila peri m’utuco wigi kara gilokgi i beng’i kendo, man gitimo gin ma dit ma nyayu ng’ecwiny.

Nehemia 9:26 ပူးပေါင်းရင်းမြစ်များ

1 Ubimo 14:9

ento itimo dubo ma sagu dhanu ceke m’ular uwok iri, man icidho itimo iri mungu mange, kud ayi giracwia m’atwaga, kara unyai ng’ecwiny i ia, man ibaya i ng’ei:

1 Ubimo 18:13

Juyero ni rwoth para ngo gin m’atimo kinde ma Yezebel unego jubila pa Yehova, maram akanu ko dhanu dak acel ma kind jubila pa Yehova pier abic pier abic i odng’om, man amio igi kwen ku pi gicami?

1 Ubimo 18:4

kum ebedo kumeno, kinde ma Yezebel ukabu jubila pa Yehova woko, nia Obadia gamu jubila dak acel, man ekanugi pier abic pier abic i odng’om, man emio igi kwen ku pi.)

1 Ubimo 19:10

E ewacu kumae, Ngiri nega dit pi Yehova, Mungu mir udul; kum nyithindho mir Israel giweko lembariba peri, gimugo pemblam peri piny, man ginego jubila peri ku palamularu: man an, ndhu an a kenda e m’udong’; e gibeyenyo kwo para, kara gikabe woko.

2 Ubimo 21:10

Man Yehova yero ku dhu jutic pare ma jubila, ewacu kumae,

2 Ubimo 21:11

Kum Manase m’ubimo mi Yuda timo ginmajudagu maeni, man edubo ma sagu gin ceke ma Juamori timo, ma gilar giwok ire, man eketho Yuda bende dubo ku mungu m’araga pare;

2 Lemkei 36:16

ento gicayu jukwenda pa Mungu, man gipiemo lembe pare, gitimo co de ni jubila pare, cil ma kwinyo pa Yehova wok ko kum dhanu pare, maram ma kabothne mbe.

Nehemia 9:18

Eyo, ka gitimo igi nyathi dhiang’ m’atwaga, e giwacu kumae, Maeni mungu peri m’uwodhi kud i Misiri, man gitimo gin dupa ma nyayu ng’ecwiny;

Nehemia 9:29

man ituco wigi, kara ikelgi kendo ba cik peri. Ento gitimo ku kuhaya, man giwinjo lembang’ola peri ngo, ento gidubo kum lembapoka peri (ma tek ng’atu moko timo, ebibedo ni kumgi), man giwodho gok, e giciko ng’utgi, man giyenyo ngo giwinji.

Nehemia 9:30

Ento rundi dupa itwio cwinyi i kumgi, man itiico wigi ku Tipo peri ni kum jubila peri: ento giyenyo ngo ya gicik ithgi: kum kumeno imiogi i cing’ dhanu m’i ng’om.

Zaburi 50:17

Ma nwang’u idagu ponji, Man ibayu lembe para i ng’ei?

Yeremia 16:11

ilund iwac igi kumae, Kum kwaruwu giweka, Yehova wacu, man giwotho tok mungu mange, man gitimo igi, girwo igi de, man giweka, gitimo cik para de ngo;

Yeremia 2:30

Agoyo nyithindho mu kwe; gijolo ponji ngo: palamularu mu ma dhe daru jubila mu, calu umvor m’ubenyotho anyotha.

Yeremia 2:7

Man akelowu i ng’om ma cam ciit i ie, kara wucam nyinge ku gin ma berne; ento kinde ma wumondo, wucido ng’om para, man wudwoko aba para ni ginmajudagu.

Yeremia 32:23

e gimondo, man gibedo i ie; ento giworo dwendi ngo, kadok i cik peri de giwotho ngo; gitimo gin moko ngo mi gin ceke m’ing’olo igi ya gitim: ka kumeno iketho lem ma rac maeni ceke wok i kumgi.

Yeremia 42:19

Yehova yero piwu kumae, E dong’ dhanu m’udong’ mi Yuda, Kud wumond i Misiri: wung’ei andha nia atuco iwu i ceng’ maeni.

Ywak 3:42

Wakadhu ku wi cik man wajai; iweko woko ngo.

Ezekiel 20:21

Ento nyithindho gijai ira; giwotho ngo i cik para, kadi giworo lembapoka para de ngo ya gitimgi, ma tek dhanu timo, ebikwo ni kumgi; gicido ceng’ sabatu para. Alund awacu nia abikonjo kwinyo para i wigi, kara adar ng’ecwiny para m’i kumgi i langa.

Matayo 21:35

E jutipodho gimaku jumiru pare, gifodo ng’atu acel, mange ke ginego, mange ke gicanyu ku kidi.

Tic Mi Jukwenda 7:52

Jubila makani ma yang’ kwaruwu gikunyayu ragedo i kumgi ngo? man ginego ju ma gilar ginyutho kabino pa Ng’atu ma Pwe; ng’atu ma kawono wudoko jucibne ku junekne;

Poi Mi Cik 32:14

Mo mi dhok, man cak mir udul rombe, Ku mio mi nyithi rombe, Man nyogi rombe ma kit mi Bacan, ku diegi, Karacelo ku mo mi mok nganu; Man imadhu pigulok kum rimo mi nyingulok.

Poi Mi Cik 32:15

Ento Yecurun uewe, man egweyo: Icwe, kumi fung’ni, kumi leny; Elund eweko Mungu m’ucwie, Man eparu pi Cana mi both pare ngo.

Jupoklembe 10:6

E nyithindho mir Israel utimo gin ma rac kendo i wang’ Yehova, man gitimo ni Balim, ku Actaroth, man mungu mi Cami, man mungu mi Sidon, ku mungu mi Moab, man mungu mi nyithindho mir Amon, man mungu mi Jufilisti; e giweko Yehova, man gitimo ire ngo.