Nehemia 9:21 - The Holy Bible In Alur (Lur) Revised Orthography

²¹ Eyo, rundi pier ang’wen igwokogi i langa, e gin moko mbe m’urem igi; bongu migi de ti ngo, tiendgi de kwot ungo.

Nehemia 9:21 ပူးပေါင်းရင်းမြစ်များ

Zaburi 34:10

Nyithindh umvor giyeng’ ungo, man kec unegogi; Ento ju m’uyenyo Yehova re gin moko ma ber umbe ma cande binegogi.

Ai 16:35

E nyithindho mir Israel ucamu mana rundi pier ang’wen, cil ma gitundo ko i ng’om ma dhanu ni i ie; gicamu mana, cil ma gibino ko ba kieu mi ng’om Kanan.

Amos 5:25

Wukelo lam man lam mi mogo i bang’a i langa rundi pier ang’wen, E ot mir Israel?

Tic Mi Jukwenda 13:18

E i nindo ma yenyo romo pier ang’wen etwio cwinye kum tic migi ma i yamba.

Poi Mi Cik 2:7

Kum Yehova Mungu peri mio mugisa iri i tic ceke mi cingi; eng’eyo woth peri kud i langa maeni ma dit: rundi pier ang’wen maeni Yehova Mungu peri bedo kudi: gin moko mbe m’urem iri.

Poi Mi Cik 29:5

Man atelo wiwu rundi pier ang’wen i langa: kendi mu ti i kumwu ngo, wara peri de ti ngo i tiendi.

Poi Mi Cik 8:2

Man ipoi kum yo ceke ma Yehova Mungu peri telo ie wii rundi pier ang’wen maeni i langa, kara ejwigi, emul ko ii, kara eng’ei gin ma ni i adundeni, tek ibigwoko lembang’ola pare, kadi ungo.

Poi Mi Cik 8:4

Kendi peri ti ngo i kumi, kadok tiendi de kwot ungo, rundi pier ang’wen maeni.