Nehemia 9:19 - The Holy Bible In Alur (Lur) Revised Orthography

¹⁹ ento in i udul kisa peri ikunogi ngo i langa: mbegi mir afuru ai kud i wigi ngo ku dieceng’, kara: utel wigi i gengi; kadok mbegi mi mac ku diewor, kara unyuth igi der, ku yo ma maku giwoth i ie.

Nehemia 9:19 ပူးပေါင်းရင်းမြစ်များ

Nehemia 9:12

Man ke itelo wigi ku dieceng’ ku mbegi mir afuru; man ku mbegi mi mac ku diewor, kara umi igi der i yo ma maku giwoth i ie.

Nehemia 9:27

Ka kumeno imiogi i cing’ jusendgi, m’usendogi: man i nindo mi can migi, ka giywak i beng’i, iwinjo kud i polo; man calkud udul kisa peri imio igi jular m’ubodhogi kud i cing’ jusend migi.

Nehemia 9:31

Ento i udul kisa peri idarugi kpo ngo, kadi ikunogi de ngo; kum in i Mungu ma jabero ma jakisa de.

Zaburi 106:45

Man epoi kum lembariba pare pigi, Man elokre calkud udul mer mi bero pare.

Zaburi 136:16

Ire m’etelo wi dhanu pare kud i langa; Kum mer mi bero pare bedo mi nja:

Ai 40:36

E kinde ma afuru tingre ku wi hema nyithindho mir Israel giwotho, cil i woth migi ceke:

Ai 40:38

Kum afuru pa Yehova ni wi hema ku dieceng’, man mac ni i ie ku diewor, i wang’ juot mir Israel ceke, cil i woth migi ceke.

Isaya 44:21

Wupoi kum gin maeni, E Yakobo, kud Israel; kum in i jatic para: acwii; in i jatic para: E Israel, wia biwil piri ngo.

Ywak 3:22

En e kum mer mi bero pa Yehova nia ku wathum, kum ngisi pare rem ungo.

Ezekiel 20:14

Ento atimo pi nyinga, kara kud ecidre i wang’ thek, m’awodhogi woko i wang’gi.

Ezekiel 20:17

Ento wang’a wekogi, man anyothogi ngo, kadi ajigogi i langa ma gwei ngo.

Ezekiel 20:22

Ento adolo cinga, man atimo pi nyinga, kara kud ecidre i wang’ thek, m’awodhogi woko i wang’gi.

Daniel 9:18

E Mungu para, leng’ ithi, man iwinji; yab weng’i, man inen uvuru mwa, kud adhura m’ulwongre ku nyingi: kum wa wodho kwac mwa ngo i weng’i ni kum bedopwe mwa, ento ni kum kisa peri ma dwong’.

Daniel 9:9

Kisa ku wekodubo en e pa Rwoth Mungu mwa; kum wajai i kume;

Malaki 3:6

Kum an, an a Yehova, alokra ngo; ka kumeno wun, E wot Yakobo wunyothru ngo.

Kitabu Mir Ang’wende Pa Musa Wel 14:14

e gibiyero maeni ni ju m’ubedo i ng’om maeni. Giwinjo nia ini Yehova ini i kind dhanu maeni; kum in i Yehova juneni wang’ ku wang’, man afuru peri cungo i wigi, man icidho i wang’gi, i mbegi mir afuru ku dieceng’, man i mbegi mi mac ku diewor.

Poi Mi Cik 8:2

Man ipoi kum yo ceke ma Yehova Mungu peri telo ie wii rundi pier ang’wen maeni i langa, kara ejwigi, emul ko ii, kara eng’ei gin ma ni i adundeni, tek ibigwoko lembang’ola pare, kadi ungo.

1 Samwil 12:22

Kum Yehova biweko dhanu pare ngo kum nyinge ma dwong’, kum enyayu mutoro i Yehova ya edwokwu ni dhanu ire gire.