Nehemia 9:14 - The Holy Bible In Alur (Lur) Revised Orthography

¹⁴ man iketho ging’eyo sabatu peri ma leng’, man ing’i olo igi lembang’ola, ku ng’ol, man cik, ku cing’ Musa ma jatic peri,

Nehemia 9:14 ပူးပေါင်းရင်းမြစ်များ

Thangambere 2:3

Man Mungu mio mugisa wi ceng’ mir abirone, man edwoke leng’; kum eyom i ie ni tic pare ceke ma Mungu cwio man etimo.

Nehemia 1:8

Poi, akwei, pi lembe m’ing’olo ni jatic peri Musa, m’iwacu kumae, Tek wukier, abilaluwu mba mba i kind kodhidhanu:

Nehemia 10:32

Watimo lembapoka iwa bende, kara wang’ol iwa giwa ku ba rundi ku ba rundi kum cekel mir adege pi tic mi ot pa Mungu mwa;

Ai 16:23

Man ewacu igi kumae, Maeni gin ma Yehova yero, Urwo en e yom mi rwo, en e sabatu ma leng’ ni Yehova: wuthol ma wubitholo, man wuted ma wubitedo; man donge m’udong’ ceke wukan iwu agwoka cil kugweno.

Ai 16:29

Wunen, kum Yehova mio iwu sabatu ka kumeno emio iwu kwen mi ceng’ ario i ceng’ mir abusiende; wubed kubeng’wu kubeng’wu ng’atuman i kakare, ng’atu moko kud uwek kakare i ceng’ mir abirone.

Ai 24:12

Man Yehova wacu ni Musa kumae, Idh malu i bang’a wi got, man ibed keca: man abimio iri bankidi, ku cik man lembang’ola, m’a goro, kara iponjgi.

Ezekiel 20:11

Man amio igi cik para, anyutho igi lembapoka para de, ma tek dhanu timo, ebibedo kwo ni kumgi.

Ezekiel 20:12

Mange ke amio ceng’ sabatu para bende igi, kara ubed ni giranyutha i kindwa wakugi, kara ging’ei nia an a Yehova m’udwokogi leng’.

Ezekiel 20:20

man wudwok ceng’ sabatu para leng’; e gibibedo ni giranyutha i kindwa wakudu, kara wung’ei nia an a Yehova Mungu mu.

Lembe Mi Julawi 19:3

Kubeng’wu kubeng’wu ng’atuman ulwor min mire, ku won mire; man wugwok ceng’ sabatu para: an a Yehova Mungu mu.

Lembe Mi Julawi 27:34

Maeni lembang’ola, ma Yehova ng’olo ni Musa ni nyithindho mir Israel kum got Sinai.

Yohana 1:17

Kum cik umire ni kum Musa; bero ku lemandha bino ni kum Yesu Kristu.

Poi Mi Cik 4:45

maeni lembatuca, ku cik, man lembapoka, ma Musa yero ni nyithindho mir Israel, kinde ma giai i Misiri,

Poi Mi Cik 4:5

Nen aponjowu ku cik man lembapoka, cil calu Yehova Mungu para ng’olo ira, kara wutim kumeno i kind ng’om ka ma wumondo i ie kara wumwonye.

Poi Mi Cik 5:31

Ento in, icung keni i bang’a, man abiyero iri lembang’ola ceke, ku cik, man lembapoka, m’ibiponjo kogi, kara gitimgi i ng’om m’abimio igi kara gimwonye.