Nehemia 8:9 - The Holy Bible In Alur (Lur) Revised Orthography

⁹ E Nehemia, ma en e jabim, ku Ezra ma jalam ma jagorcik, ku Julawi ma giponjo dhanu, giwacu ni dhanu ceke kumae, Ceng’ maeni en e leng’ ni Yehova Mungu mu; can kud unegwu, kadok aywaka de. Kum dhanu ceke giywak, ka giwinjo lembe mi cik.

Nehemia 8:9 ပူးပေါင်းရင်းမြစ်များ

2 Ubimo 22:11

Man etimbre, kinde m’ubimo winjo lembe mi kitabu mi cik, nia eyeco kendi pare.

2 Ubimo 22:19

kum adundeni bedo ng’ic, man ijwigri giri i wang’ Yehova, kinde m’iwinjo gin m’ayero kum ka maeni, man kum ju m’ubedo i ie de, nia gibidoko ni uvuru man kwong’, man iyeco kendi peri, iywak de i wang’a; an bende awinji, Yehova wacu.

2 Lemkei 15:3

Nie Israel ubedo mbe Mungu mandha mi nindo ma dit, man umbe jalam ma japonji, man umbe cik:

2 Lemkei 30:22

E Hezekia yero lemjuk ni Julawi ceke ma gibedo ku ng’eyong’ec ma ber i timotim pa Yehova. Kum kumeno gicamu i agba ceke mi ceng’ abiro, ma gibethiero lam mi kwiocwiny, ma gibetuco de ni Yehova, Mungu pa kwaru migi.

2 Lemkei 34:19

Man etimbre, kinde m’ubimo winjo lembe mi cik, nia eyeco kendi pare.

2 Lemkei 34:21

Wucidhi, wupenj ba Yehova ira, man pi ju m’udong’ i Israel man i Yuda, pi lembe mi kitabu ma junwang’u; kum kwinyo pa Yehova ukonjre i wiwa dit, kum kwaruwa woro lembe pa Yehova ngo, kara gitim calku gin ceke m’ugore i kitabu maeni.

2 Lemkei 35:3

Man ewacu ni Julawi m’uponjo Israel ceke, ma gi leng’ ni Yehova kumae, Wuketh sanduk ma leng’ i ot ma Suleman ma wod Daudi m’ubimo mir Israel ugomo; ter bibedo wi gokwu kendo ngo. Kawono wutim ni Yehova Mungu mu, man dhanu pare Israel;

Ezra 2:63

Man jabim uwacu igi, nia ku gicam kum gin ma leng’ ma sagu, cil ma jalam bicungo ko kud Urim man ku Thumim.

Ezra 7:11

Nie maeni en e wadi waraga m’ubimo Artacacta mio ni Ezra ma jalam, ma jagorcik, en e jagorcik mi lembe mi lembang’ola pa Yehova, man mi cik pare ni Israel:

Nehemia 10:1

Nie ju ma gimwono ayi gi eni: Nehemia ma jabim, ma wod Hakalia, man Zedekia,

Nehemia 12:26

Maeni gini i nindo pa Yoiakim ma wod Yecuwa, ma wod Yozadak, man i nindo pa Nehemia ma jabim, man pa Ezra ma jalam ma jagorcik.

Nehemia 7:65

E jabim uwacu igi, nia ku gicam gin ma leng’ hai, ma fodi jalam kucungo malu ngo kud Urim man Thumim.

Nehemia 7:70

Man jumoko ma kind wi udi mi wego giwodho piny mi tic. Jabim uwodho piny mi kakanpiny kum mola ma kwar rubanga acel, man tabu pier abic, ku kendi mi julam dak abic ku pier adek.

Nehemia 8:2

E Ezra ma jalam ukelo cik i wang’ cokri, co ku mon bende, man dhanu ceke ma gicopo winjo ku ng’eyong’ec, i ceng’ mir acende mi dwi mir abirone.

Eklizia 3:4

nindo mi ywak, man nindo mi ng’iero; nindo mi nduru, man nindo mi miel;

Isaya 61:3

kara ang’ol ni ju m’uywak i Sayuni, kara ami igi jambruko ka vuru, man mo mi mutoro ka ywak, man kendi mi pak kar adieng’acwiny; kara julwong’gi yen mi bedopwe, girapidha pa Yehova, kara juyunge.

Hoseya 4:6

Dhanu para ginyothri kum ng’eyong’ec m’urem: kum ikwero ng’eyong’ec, an bende abikweri, kara kud ibed jalam ira: kum wii wil kum cik pa Mungu peri, an bende wia biwil kum nyithindho peri.

Lembe Mi Julawi 23:24

Yer ni nyithindho mir Israel, wac kumae, I dwi mir abirone, i ceng’ ma kwong’ane mi dwije, bibedo yom ma cu iwu, en e lempoi mi kudho agwara, en e cokri ma leng’.

Malaki 2:13

Man wutimo maeni kendo: wuumo pemblam pa Yehova ku piwang’, ku ywak, man ku gamucwiny, ketho nia eneno girathiera kendo ngo, kadok ajola de ejole ku mutoro ngo kud i cingwu.

Jurumi 3:20

kum ni kum tic mi cik ng’atu moko mbe ma lembe m’i wie bigonjre i wang’e; kum ng’eyong’ec mi dubo wok ni kum cik.

Jurumi 7:9

Man ku kwong’a abedo kwo ma cik umbe: ento ka lembang’ola wok, dubo cer, man atho;

Poi Mi Cik 12:12

Man anyong’a negwu i wang’ Yehova Mungu mu, wun, ku wotwu, ku nyigwu, man jumiru mu, ku bong’ mu, man Jalawi ma ni i dhugang’ mu, kum makapiny pare mbe kadok aba de mbe karacelo kudu.

Poi Mi Cik 12:7

e wucam keca i wang’ Yehova Mungu mu, e anyong’a negwu kum gin ceke ma wuketho cingwu i kume, wun ku juudiwu, ma Yehova Mungu peri mio mugisa iri i ie.

Poi Mi Cik 16:11

man anyong’a negi i wang’ Yehova Mungu peri, in, ku wodi, ku nyeri, ku jamiru peri, man bong’ peri, ku Jalawi ma ni yo i dhugang’ peri, kud umondo, ku kic, man dhaku ma cware tho, ma gini i kindi, i ka ma Yehova Mungu peri bigoyo wie, kara eketh nyinge bed keca.

Poi Mi Cik 26:14

acamu kume ngo i nindo mi ywak para, kadi akabu kum maeno de ngo, m’abedo m’acido, kadok kume moko de amio ngo pi ju m’utho: awinjo dwand Yehova Mungu para; atimo calku gin ceke m’ing’olo ira.

Yakobo 4:9

Dong’ wusendru, can unegwu de, man wuywaki: wek ng’iero mu dok ni can, mutoro mu de ni adieng’acwiny.