Nehemia 8:8 - The Holy Bible In Alur (Lur) Revised Orthography

⁸ E gisomo i kitabune, i cik pa Mungu, ku dwandgi m’acanya: e gituco there, man giketho ging’eyo gin ma jusomo.

Nehemia 8:8 ပူးပေါင်းရင်းမြစ်များ

2 Ubimo 23:2

E ubimo idho malu ba ot pa Yehova, ku dhanu ceke mi Yuda man ju m’ubedo i Yerusalem ceke gikugi, ku julam, man jubila, ku dhanu ceke, ma thindho ku ma dongo de: man esomo lembe ceke mi kitabu mi lembariba ma junwang’u i ot pa Yehova i ithgi.

Ezra 4:18

Waraga ma wuoro i bang’wa judaru somo ng’beng’ i wang’a.

Nehemia 8:12

E dhanu ceke gicidho i yo migi nicamu, man nimadhu, man nioro ng’et piny, man kara gitim anyong’a ma dit, kum ging’eyo lembe ma juyero igi.

Nehemia 8:7

Yecuwa bende, man Bani, ku Cerebia, man Yamin, man Akub, ku Cabethai, man Hodia, man Maseya, ku Kelita, man Azaria, ku Yozabad, man Hanan, ku Pelaya, man ke Julawi, giloko cikne kara dhanu ng’ei: e dhanune gicungo kakagi.

Nehemia 8:9

E Nehemia, ma en e jabim, ku Ezra ma jalam ma jagorcik, ku Julawi ma giponjo dhanu, giwacu ni dhanu ceke kumae, Ceng’ maeni en e leng’ ni Yehova Mungu mu; can kud unegwu, kadok aywaka de. Kum dhanu ceke giywak, ka giwinjo lembe mi cik.

Nehemia 9:3

E gicungo i ka migi, man gisomo i kitabu mi cik pa Yehova Mungu migi ng’et ceng’ mir ang’wende; man ng’et ceng’ mir ang’wende mange gituco, e girwo ni Yehova Mungu migi.

Ezekiel 46:10

Man jaditmawijo, kinde ma gimondo, ebimondo i kindgi; man kinde ma giwok woko, gibiwok woko karacelo.

Habakuk 2:2

E Yehova loko lembe ira, ewacu kumae, Kieu ginmawokiwang’, man keth ebed ngbeng’ wi ban, kara ng’atu m’usome ringi.

Luka 24:27

Man etheko kum lem pa Musa ku jubila ceke de, ekoro igi i lem pa Mungu ceke gin ma pire gire.

Luka 24:32

Man giwecri i kindgi kumae, Adundewa wang’ lii ngo i iwa, kan eyero iwa i yo, kan ekoro iwa lembagora pa Mungu?

Luka 24:45

Elund eyabu pidoigi, karafging’ei lembagora pa Mungu;

Tic Mi Jukwenda 28:23

E ka gituro ire ceng’, gibino dupa i bang’e ka m’ebedo i ie; man ekoro igi lembene, etuco pi ker pa Mungu, man ethokogi pi Yesu, kud i cik pa Musa ku jubila bende, ugambre kugweno cil uthieno.