Nehemia 8:6 - The Holy Bible In Alur (Lur) Revised Orthography

⁶ E Ezra yungo Yehova, Mungu ma dwong’; man dhanu ceke giloko lembe kumae, Amen, Amen, ku ting’o cing’gi malu: e gikulo wigi, man girwo ni Yehova ma wang’gi ni yor i ng’om.

Nehemia 8:6 ပူးပေါင်းရင်းမြစ်များ

Thangambere 14:22

E Abram uwacu ni ubimo mi Sodom kumae, Ating’o cinga malu ni Yehova, Mungu ma Malu Ngbir, ma jacwi polo ku ng’om,

Thangambere 24:26

Man ng’atuno kulo wie e erwo ni Yehova.

I Lemkei 16:36

Mugisa ni Yehova, Mungu mir Israel, Ugambre nja cil nja. Man dhanu ceke giwacu kumae, Amen, man gipaku Yehova.

I Lemkei 29:10

Kum kumeno Daudi mio mugisa ni Yehova i wang’ cokri ceke: e Daudi wacu kumae, Mugisa bed iri, E Yehova, Mungu mir Israel ma wegwa, mi rondo ku rondo.

I Lemkei 29:20

Man Daudi wacu ni cokri ceke kumae, Kawono wumi mugisa ni Yehova Mungu mu. Man cokri ceke gimio mugisa ni Yehova, Mungu pa kwarugi, man gikulo wigi e girwo ni Yehova, man ubimo.

2 Lemkei 20:18

Man Yehocafat ukulo wang’e i ng’om; man Yuda ceke ku ju m’ubedo i Yerusalem gipodho piny i wang’ Yehova, ma giberwo ni Yehova.

2 Lemkei 29:10

Kawono eni i adundena ya atim lembariba ku Yehova, ma Mungu mir Israel, kara ng’ecwiny pare ma lake tek ulokre woko kud i bang’wa.

2 Lemkei 29:30

Mange ke Hezekia m’ubimo ku judongomawijo ging’olo ni Julawi y a giwer pak ni Yehova ku lembe pa Daudi, man pa Asaf ma jaeulembe. E giwero pak ku mutoro, man gikulo wigi e girwo.

2 Lemkei 6:4

Man ewacu kumae, Mugisa bed ni Yehova, Mungu mir Israel, m’uyero ku dhoge ni Daudi ma vwa, man etime kakare ku cinge, ewacu kumae,

Nehemia 5:13

Ayengo bongu para bende, man awacu kumae, Dong’ Mungu yeng dhanu ceke kubang’gi nzu kumeni kud i ot pare, man kud i tic: pare, m’utimo lembang’ola maeni ngo; dong’ juyenge woko kumeni, ie de dong’ nanu. Man cokri ceke giwacu kumae, Amen, man gipaku Yehova. E dhanune gitimo calku lembang’ola maeni.

Nehemia 8:7

Yecuwa bende, man Bani, ku Cerebia, man Yamin, man Akub, ku Cabethai, man Hodia, man Maseya, ku Kelita, man Azaria, ku Yozabad, man Hanan, ku Pelaya, man ke Julawi, giloko cikne kara dhanu ng’ei: e dhanune gicungo kakagi.

Zaburi 134:2

Wuting’ cingwu malu ba kamaleng’, Man wumi mugisa ni Yehova.

Zaburi 141:2

Wek rwo para idh i weng’i calu udok ma ng’wice ng’ar: Ting’ocing’ para de calu lam mir uthieno,

Zaburi 28:2

Winj dwal mi kwac para, kan aywak i beng’i, Kinde m’ating’o cinga yo ba kayerlembe peri ma leng’.

Zaburi 41:13

Mugisa bed ni Yehova, Mungu mir Israel, Ugambre rondo ku rondo cil rondo ku rondo. Amen, man amen.

Zaburi 63:4

Kum kumeno abimio mugisa iri kinde m’abedo kwo: Abithang’u cinga malu ni kum nyingi.

Zaburi 95:3

Kum Yehova en e Mungu ma dwong’, Man Ubimo ma dwong’ wi mungu ceke.

Ai 12:27

Pa wubiwacu, En e lam mi kadhukuwijo pa Yehova, m’ukadhu ku wi udi mi nyithindho mir Israel i Misiri, kinde m’egoyo Jumisiri, man ebodho udi mwa. E dhanu gikulo wigi man girwo.

Ai 4:31

E dhanu giyio; e ka giwinjo nia Yehova liewo nyithindho mir Israel, man nia eneno masendi migi, gilund gikulo wigi e girwo.

Yeremia 28:6

en e jabila ma Yeremia ewacu kumae, Amen: Yehova tim kumeno; Yehova tim lembe peri m’iewo, m’edwok ko agulu mi ot pa Yehova kendo, man dhanu ceke mi ng’eca, kud i Babeli i kakeni.

Ywak 3:41

Wek wating’ adundewa ku cingwa ba Mungu i polo.

Lembe Mi Julawi 9:24

E mac uai i wang’ Yehova, man ewang’u lam m’awang’a wi pemblam ku mio: e kinde ma dhanu ceke neno maeni, gikok, man gipodho arieba wang’gi.

Matayo 26:39

Ecidho yor i wang’gi nyanok, epodho de i wang’e, erwo, ewacu kumae, Vwa, tek ecopre, wek kikombe maeni kadh woko kud i bang’a: ento, calu ayenyo an ungo, endre calu iyenyo in.

Matayo 6:13

Kud iterwa i abidhe, ento ilarwa ni ng’atu ma rac.

1 Jukorinto 14:16

Tek e kumeno ngo tek ibemio mugisa ku cwiny, ng’atu ma sang’na bidong’ wacu Amen nenedi kum foc m’ibefoyo, m’eng’eyo gin m’ibeweco ngo e?

Juefeso 1:3

Mugisa ni Mungu ma Won Rwoth mwa Yesu Kristu, m’umio mugisa iwa ku ba mugisa ceke mi tipo i ka mi polo i Kristu:

1 Timoteo 2:8

Ka kumeno ayenyo jumaco rwo ku kaka ma gini i ie ceke, giting’ ko cing’gi malu ma gi leng’, ma kwinyo ku lem piem de mbe.

1 Petro 1:3

Mugisa ubed ni Mungu ma Won Rwoth mwa Yesu Kristu, m’enyolowa kendo calku kisa pare ma dit mi genogen i ma kwo ni kum cer pa Yesu Kristu ma i kind ju m’utho,

Lembanyutha 7:11

Man malaika ceke gicungo gitieko komker gbur, ku judongo man yedi ma kwo ang’wen man gipodho arieba wang’gi nyim komker, man girwo ni Mungu,