Nehemia 8:17 - The Holy Bible In Alur (Lur) Revised Orthography

¹⁷ Man cokri ceke mi ju m’ubino kendo kud i ng’eca gitimo otbak, man gibedo i otbage: kum ugambre i ceng’ pa Yocuwa ma wod Nun cil kum ceng’ maeca nyithindho mir Israel gitimo kumeni ngo. E mutoro ma dit apila nuti.

Nehemia 8:17 ပူးပေါင်းရင်းမြစ်များ

I Lemkei 29:22

man gicamu gimadhu de i wang’ Yehova i ceng’ maeca ku mutoro ma dit. E giketho Suleman ma wod Daudi ni ubimo wang’ arionde, man giwire ni Yehova kara ebed jaditmawijo, man Zadok kara ebed jalam.

2 Lemkei 30:26

Kum kumeno mutoro ma dit ni i Yerusalem; kum yo ng’ei nindo pa Suleman ma wod Daudi m’ubimo mir Israel ma calu maeni mbe i Yerusalem.

2 Lemkei 35:18

Man kadhukuwijo ma calu maeni mbe ma jukwiro i kind Israel ugambre i ceng’ pa Samwil ma jabila; kadok ubimo moko mir Israel de gikwiro wadi kadhukuwijo ma calu Yosia kwiro ngo, man julam, ku Julawi, ku Yuda ceke man Israel ma ginuti, ku dhanu m’ubedo i Yerusalem.

2 Lemkei 8:13

calku ma cande nuti ceng’ ku ceng’, m’ethiero calku lembang’ola pa Musa, i ceng’ sabatu, man i dwi m’upor, man i agba ma juketho, wang’ adek i rundi acel, i agba mi kwen ma thobi mbe i ie, man i agba mi yenga, man i agba mi odbak.

Ezra 3:4

E gikwiro agba mi odbak, calu egore, man gimio lam m’awang’a ma ceng’ ku ceng’ ku welne, calku lembapoka, calu m’umaku piny ceng’ ku ceng’;

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Poi Mi Cik 16:15

Kwir agba ceng’ abiro ni Yehova Mungu peri i ka ma Yehova bigoyo wie; kum. Yehova Mungu peri bimio mugisa iri i nyai peri ceke, man i tic mi cingi ceke, man anyong’a negi dwanya.

Juebrania 11:13

Maeni ceke githo i yioyic, ma fodi gikujolo lembang’ola ngo, endre anena ginenogi amotha de gimothogi ku bor, ma gidaru tuco nia gin umondo man juwoth i ng’om.

Juebrania 11:9

Ni kum yioyic edoko umondo i ng’om mi lembang’ola, calu i ng’om ma pare gire ngo, m’ebedo ko i hema, gikud Isak man Yakobo, ma gi jucampacu, mi lembang’ola ma calacel karacelo gikude:

Juebrania 4:8

Kum tek Yocuwa mio igi yom, kuno di k’eyero pi nindo mange macen ungo.

Yocuwa 1:1

Nie etimbre yo ng’ei tho pa Musa ma jatic pa Yehova, nia Yehova weco ku Yocuwa ma wod Nun, ma jatic pa Musa, ewacu kumae,