Nehemia 8:16 - The Holy Bible In Alur (Lur) Revised Orthography

¹⁶ Ka kumeno dhanu cidho, man gikelogi, e gitimo otbak igi, ku ba dhanu nzu ng’atuman wi ot pare, man i lelagang’ migi, man i lelagang’ mi ot pa Mungu, man i ka ma lac i dhugang’ mi pi, man i ka ma lac mi dhugang’ pa Efraim.

Nehemia 8:16 ပူးပေါင်းရင်းမြစ်များ

2 Samwil 11:2

Man etimbre i kinde mir uthieno, nia Daudi ai malu ku wi kavuto pare, man ewotho wi ot p’ubimo: man eneno dhaku moko m’ubejom ku wi ot; e dhakune leng’ hai mir anena.

2 Ubimo 14:13

Man Yehoac m’ubimo mir Israel umaku Amazia m’ubimo mi Yuda, ma wod Yehoac ma wod Ahazia, i Beth-cemec, man ebino Yerusalem, e erwombo gang’kidi mi Yerusalem piny ugambre kum dhugang’ mir Efraim cil kum dhugang’ mi gui, bot dak ang’wen.

2 Lemkei 20:5

Man Yehocafat ucungo i cokri mi Yuda ku Yerusalem i ot pa Yehova, i wang’ lelagang’ ma nyen;

2 Lemkei 33:5

Man eguro pemblam ni udul m’i polo ceke i lelagang’ ario mi ot pa Yehova.

Nehemia 12:37

Man ba dhugang’ mi kulo mi pi, man yor i wang’gi atira, giidho ku wi kaidho mir adhura pa Daudi, ba kaidho mi gang’kidi, malu wi ot pa Daudi, cil ba dhugang’ mi pi ma yo nyangu.

Nehemia 12:39

man wi dhugang’ pa Efraim, man ba dhugang’ ma con, man ba dhugang’ mi rec, ku otkur pa Hananel, man otkur pa Hamea, cil ba dhugang’ mi rombe: e gicungo ti i dhugang’ pa jakur.

Nehemia 3:26

(Nwang’u Junethini gibedo i Ofel, cil kum ka ma yo kum dhugang’ mi pi ma yo nyangu, ku odkur m’ucungo ngong’.)

Nehemia 8:1

E dhanu ceke gicoko dhoggi karacelo calu ng’atu acel i lela ma lac ma ni i wang’ dhugang’ mi pi; man giyero ni Ezra ma jagorcik ya ekel kitabu mi cik pa Musa, ma Yehova ng’olo ni Israel.

Nehemia 8:3

Man esomo i ie i wang’ lela ma lac ma ni i wang’ dhugang’ mi pi ugambre pir kugweno cil dieceng’, i vut co ku mon, man i vut ju ma copo ng’eyo; man ith dhanu ceke bedo acika kum kitabu mi cik.

Yeremia 19:13

man udi mi Yerusalem, ku udi mi ju m’ubimo mi Yuda, ma jucido, bibedo calu ka mi Tofeth, en e udi ceke ma giwang’u udok ma ng’wice ng’ar i wie ni udul ceke m’i polo, man ma gikonjo giramadha ni mungu mange i wie.

Yeremia 32:29

man Jukaldayo, m’ukiedo kum adhura maeni, gibibino man gibicwinyo adhura maeni ku mac, man gibiwang’e, karacelo ku udi ma githiero udok ma ng’wice ng’ar ni Bal i wie, man ma gikonjo lam m’amadha ni mungu mange i wie, kara unyai ng’ecwiny i ia.

Poi Mi Cik 22:8

Kinde m’igomo ot ma nyen, ilund itim gang’ kum wi ot peri, kara kud ikel rimo wi ot peri, tek ng’atu moko podho ku kuca.