Nehemia 8:12 - The Holy Bible In Alur (Lur) Revised Orthography

¹² E dhanu ceke gicidho i yo migi nicamu, man nimadhu, man nioro ng’et piny, man kara gitim anyong’a ma dit, kum ging’eyo lembe ma juyero igi.

Nehemia 8:12 ပူးပေါင်းရင်းမြစ်များ

I Lemkei 29:22

man gicamu gimadhu de i wang’ Yehova i ceng’ maeca ku mutoro ma dit. E giketho Suleman ma wod Daudi ni ubimo wang’ arionde, man giwire ni Yehova kara ebed jaditmawijo, man Zadok kara ebed jalam.

Nehemia 8:10

Elund ewacu igi kumae, Wucidh i yo mu, wucam gin ma mio, man wumadh gin ma jom, e wuor ng’et piny ba ng’atu ma juyiko gin moko ire ngo; kum tin en e ceng’ ma leng’ ni Rwoth mwa: kadi can de kud unegwu; kum anyong’a pa Yehova en e tego mu.

Nehemia 8:11

Ka kumeno Julawi gijuko dhanu ceke, giwacu kumae, Wubed ling’, kum ceng’ en e leng’; kadi can de kud unegwu.

Nehemia 8:13

Man i ceng’ mir arionde wi udi pa wego mi dhanu ceke, gicokri karacelo, man julam, ku Julawi, ba Ezra ma jagorcik, kara giwinj lembe mi cik cu.

Ester 9:22

calu ceng’ ma Juyahudi nwang’u yom i ie kum judegi migi, man dwi ma juloko ie can migi ni mutoro, man ywak migi ni ceng’ ma ber; kara giketh gibed ni ceng’ mi cemo ku mutoro, man mi oro piny ni juwadijo, ku giramia ni jucan.

Kitabu Pa Yob 23:12

Adok cen ungo kum lembang’ola mi dendhoge; Akanu lembe mi dhoge ma sagu cemo ma kapara.

Zaburi 119:111

Agamu lembatuca peri ni aba mi nja; Kum gin anyong’a mir adundena.

Zaburi 119:127

Ka kumeno amaru lembapoka peri, Ma sagu mola ma kwar, eyo, ma sagu mola ma kwar ma leng’.

Zaburi 119:130

Yabu lembe peri mio der; Emio ng’eyothelembe ni ng’atu ma cobo.

Zaburi 119:14

Anyong’a nega i yo mi lembatuca peri, Calu kum lonyo ceke.

Zaburi 119:16

Mutoro binega gira kum cik peri: Wia biwil ungo kum lembe peri.

Zaburi 119:171

Wek dendhoga yer pak; Kum iponja ku cik peri.

Zaburi 119:174

Ava both peri nega, E Yehova; Man cik peri en e anyong’a para.

Zaburi 119:72

Cik m’i dhogi e ber ira Sagu mola ma kwar ku mola ma tar rubanga.

Zaburi 119:97

A amaru cik peri mire ma! En e lembapida para ceng’ du.

Yeremia 15:16

Junwang’u lembe peri, man acamugi; e lembe peri bedo ni mutoro man ni anyong’a mir adundena: kum julwong’a ku nyingi, E Yehova, Mungu mir udul.

Luka 24:32

Man giwecri i kindgi kumae, Adundewa wang’ lii ngo i iwa, kan eyero iwa i yo, kan ekoro iwa lembagora pa Mungu?

Jurumi 7:18

Kum ang’eyo nia i ia, lembene kumae, i kuma, gin moko m’ubedo ber umbe: kum yeny ma ia yenyo nia atim ko ber nuti kuda, ento tim ma nia atime kudo mbe.

Lembanyutha 11:10

Man ju m’ubedo wi ng’om anyong’a negogi i kumgi, man giketho mutoro; man gibioro giramia man ni wadi man ni wadi; kum jubila ario maeni gimio ndiba ni ju m’ubedo wi ng’om.