Nehemia 8:10 - The Holy Bible In Alur (Lur) Revised Orthography

¹⁰ Elund ewacu igi kumae, Wucidh i yo mu, wucam gin ma mio, man wumadh gin ma jom, e wuor ng’et piny ba ng’atu ma juyiko gin moko ire ngo; kum tin en e ceng’ ma leng’ ni Rwoth mwa: kadi can de kud unegwu; kum anyong’a pa Yehova en e tego mu.

Nehemia 8:10 ပူးပေါင်းရင်းမြစ်များ

1 Ubimo 8:66

I ceng’ mir aborane elalu dhanu; man gimio mugisa ni ubimo, e gicidho ba hema migi ma mutoro kud anyong’a de nego adundegi kum bero ceke ma Yehova nyutho ni Daudi ma jatic pare, man ni Israel ma dhanu pare.

I Lemkei 16:27

Yung ku dwong’ gini i wang’e: Tego man mutoro gini i kakare.

Nehemia 8:11

Ka kumeno Julawi gijuko dhanu ceke, giwacu kumae, Wubed ling’, kum ceng’ en e leng’; kadi can de kud unegwu.

Nehemia 8:12

E dhanu ceke gicidho i yo migi nicamu, man nimadhu, man nioro ng’et piny, man kara gitim anyong’a ma dit, kum ging’eyo lembe ma juyero igi.

Ester 9:19

Kum kumeno Juyahudi ma i pacu, m’ubedo i pacu ma gang’kidine mbe, giketho ceng’ apar wi ang’wende mi dwi Adar ni ceng’ mi mutoro ku cemo, man ceng’ ma ber, ku mi oro piny ni wadijo.

Ester 9:22

calu ceng’ ma Juyahudi nwang’u yom i ie kum judegi migi, man dwi ma juloko ie can migi ni mutoro, man ywak migi ni ceng’ ma ber; kara giketh gibed ni ceng’ mi cemo ku mutoro, man mi oro piny ni juwadijo, ku giramia ni jucan.

Zaburi 149:2

Wek anyong’a neg Israel ni kume m’ecwie: Wek anyong’a neg nyithindho mi Sayuni kum Ubimo migi.

Zaburi 89:17

Kum in i dwong’ mi tego migi; Man jubidodo tung mwa ni kum bero peri.

Lembrieko 17:22

Adunde mi mutoro en e yath ma ber; Ento cwiny m’utur talu cogo.

Eklizia 11:2

Pok makapiny wang’ abiro, eyo, kadok abora; kum ing’eyo ngo gin ma rac ma biwok i ng’om.

Eklizia 2:24

Man gin moko mbe ma ber ni dhanu ma sagu tek ecamu emadhu de, man eketho anyong’a neg ng’eyong’ec pare kum gin ma ber mi tic mi muli pare. Maeni bende aneno, nia eai i cing’ Mungu.

Eklizia 3:13

Man ke ku ba dhanu maku ng’atuman ucam man emadhi, man anyong’a nege kum gin ma ber i tic mi muli pare ceke, en e giramia ma Mungu mio.

Eklizia 5:18

Nen, gin m’aneno bedo ber ma kulokane de nuti en e nia dhanu cam man emadhi, man anyong’a nege kum gin ma ber i tic pare ceke, m’emule i ie the ceng’, i nindo ceke mi kwo pare ma Mungu mio ire: kum maeni en e makapiny pare.

Eklizia 9:7

Cidh i yo peri, cam kwen peri ku mutoro, man madh pigulok peri kud adunde mi mutoro; kum Mungu daru jolo tic peri.

Wer Pa Suleman 5:1

Abino i podho para, nyamira, mugole para: Acoko udok ma ng’wice ng’ar para ku yath para ma jwa jwa; Acamu pedekic para ku kic para; Amadhu pigulok para ku cak para. Wucam, E jurimo; Wumadhi, eyo, wumadh k’abamba, E jumer.

Isaya 49:5

Kawono Yehova m’ung’ina kud i ic kara abed jatic pare, kara adwok Yakobo kendo i bang’e, man kara jucok Israel i bang’e (kum abedo mi yung i wang’ Yehova, man Mungu para doko ni tegona) ewacu kumae;

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Yoel 2:23

Ka kumeno anyong’a negwu, wu nyithindho mi Sayuni, man anyong’a negwu kum Yehova Mungu mu: kum emio iwu koth ma kwong’a i mukero ma pwe, man ekonjo koth iwu, koth ma kwong’a man koth ma cen, i dwi ma kwong’ane.

Zekaria 14:21

Eyo, ajiku ceke i Yerusalem man i Yuda bibedo leng’ ni Yehova mir udul; man dhanu ceke m’umio lam gibibino gibiting’o kindgi moko, e gibitedo i ie; man i ceng’ maeca Jakanani bibedo mbe kendo i ot pa Yehova mir udul.

Luka 11:41

Ento wumi gin ma ni i iwu ni giramia; e ka gin ceke bibedo leng’ iwu.

2 Jukorinto 8:2

maram ku muloic ma dit mi can e dit mi mutoro migi man can piny migi ma apila usagre ni lonyo mi miomic migi ma ku berocwinygi.

Jufilipi 3:4

nwang’u an nini e m’acopo geno cil i kum: tek ng’atu mange ie wacu ya egen kum, nwang’u an e m’asagu:

Lembanyutha 11:10

Man ju m’ubedo wi ng’om anyong’a negogi i kumgi, man giketho mutoro; man gibioro giramia man ni wadi man ni wadi; kum jubila ario maeni gimio ndiba ni ju m’ubedo wi ng’om.

1 Samwil 25:8

Penj awobi peri, e gibiyero iri: kum kumeno wek awobi maeni unwang’ bero i weng’i; kum wabino i ceng’ ma ber: akwei, mi gin ma tec uwok i cingi ni jutic peri, man ni wodi ma Daudi.