Nehemia 6:9 - The Holy Bible In Alur (Lur) Revised Orthography

⁹ Kum kagi ceke giyenyo ginyai lworo i iwa, giwacu kumae, Cing’gi bitur kum tic, kara kud etimbre. Ento kawono, E Mungu, dwok cinga tek.

Nehemia 6:9 ပူးပေါင်းရင်းမြစ်များ

2 Lemkei 15:7

Ento dong’ wubed tek, man kud wuwek cingwu bed ng’ic; kum tic mu binwang’u sukulia.

2 Lemkei 32:18

E gikok ku dwandgi ma tek ku dhu Juyahudi ba dhanu m’i Yerusalem ma gini wi gang’kidi, kara ginyai lworo i igi, man kara ging’ab cwiny gi; kara gimak adhurane.

Ezra 1:6

Man dhanu ceke ma ni i ng’etgi gidwoko cing’gi tek kud agulu mi mola ma tar, ku mola ma kwar, ku piny, man ku lim, man ku gin ma pire tek, umedo gin ceke ma jumio ku laccing’.

Nehemia 6:14

E Mungu para, poi kum Tobia man Sanbalat calku tic migi maeni, man kum Noadia ma jabila ma nyaku bende, man kum dong’ jubila, ma giyeiiyo ginyai lworo i ia.

Zaburi 138:3

I ceng’ m’alwong’o iloko ira lembe, Idwoko cwinya tek ku tego i ng’eyong’ec para.

Zaburi 56:3

Nindo ma lworo nega i ie, Abigeni.

Zaburi 68:35

E Mungu, in i ung’oindiri kud i kamaleng’ peri: Mungu pa Israel, emio tek ku tego ni dhanu pare. Mugisa ni Mungu.

Zaburi 71:1

E Yehova, apondo i beng’i: Kud iwek lewic umaka ki.

Isaya 40:29

Emio tego ni ju m’uvoc; man emedo tego ni ng’atu ma tego mbe kude.

Isaya 41:10

lworo kud unegi, kum wanuti wakudi; cwinyi kud ung’abre, kum an a Mungu peri; abimio iri tego; eyo, abikonyi; eyo, abijengi ku cing’ ma yor acwic mi bedopwe para.

Yeremia 38:4

Judongomawijo lund uwacu ni ubimo kumae, Wakwei, wek juneg ng’atu maeni; kum ekwio cing’ dhanu mir ali m’udong’ i adhura maeni, ku cing’ dhanu ceke, ku yero wadi lembe maeni igi: kum ng’atu maeni yenyo bedober mi dhanu maeni ngo, endre lem ma rac.

Ezekiel 30:24

Man abimio tego ni bot ubimo mi Babeli, man abiketho palamularu para i cinge: ento abituro bot Farao, man ebicur acura i wang’e ku cur mi dhanu ma jutong’o lero i kume mi tho.

Zekaria 10:12

E abimio tego igi i Yehova; man gibiwotho malu ku piny i nyinge, Yehova wacu.

2 Jukorinto 12:9

Man ewacu ira kumae, Berona romi: kum tegona doko ndhu cu i ng’ic. Kum kumeno abilula kum ng’ic para kud anyong’a m’usagu dit, kara tego pa Kristu bed i kuma.

Juefeso 3:16

kara emi iwu, calku lonyo mi dwong’ pare, ya tego medre iwu ni kum Tipo pare i ng’atu m’i iwu;

Juefeso 6:10

Aha a, wubed tek i Rwoth, man i tego mi tek pare.

Jufilipi 4:13

Acopo timo gin ceke ni kume m’emio ira tego.

Juebrania 12:12

Kum kumeno ting’ cing’ m’uoi jeble, ku cong m’utho nding’;

1 Petro 5:10

Man Mungu mi bero ceke, m’elwong’owu ni dwong’ pare ma nja i Kristu, ka wudaru sendru nyanok, en ku kite ebidwokowu cu ma ndhu, ebiketho wunyang’ de, ebiketho wudoko tek.

1 Samwil 30:6

Man cwiny Daudi ng’abre dit; kum dhanu giyero pi canye ku kidi, kum can unego ng’eyong’ec mi dhanunegi ceke, ku ba dhanu ceke ng’atuman pi wote man pi nyige: ento Daudi udwokre gire tek ni kum Yehova Mungu pare.