Nehemia 6:16 - The Holy Bible In Alur (Lur) Revised Orthography

¹⁶ Man etimbre, kinde ma jukwojwa ceke giwinjo pire, nia thek ceke m’utiekowa lworo iriakugi, e gijwik i wang’gi gigi; kum ging’eyo nia tic maeni timbre ni kum Mungu mwa.

Nehemia 6:16 ပူးပေါင်းရင်းမြစ်များ

Nehemia 2:10

E ka Sanbalat ma Jahoroni, man Tobia ma jatic, ma Jaamoni, uwinjo pire, lembene nyayu can i igi apila, kum ng’atu moko bino kara eyeny lembe ubed miero ni nyithondho mir Israel.

Nehemia 4:1

Ento etimbre nia, ka Sanbalat uwinjo nia wabegomo gang’kidi, kwinyo make, man ebedo ku thungo ma dit, e ecayu Juyahudi.

Nehemia 4:7

Ento etimbre nia, ka Sanbalat, ku Tobia, man Juarabi, ku Juamoni, man Juacdodi, uwinjo nia yiko gang’kidi mi Yerusalem bewotho, man nia ka m’umor umaku cikre, e kwinyo lund umakugi dit;

Nehemia 6:17

Karacelo ku maeni i ceng’ maeca weg yung mi Yuda gioro waraga dupa ni Tobia, e waraga pa Tobia bino i bang’gi.

Zaburi 109:27

Kara ging’ei nia maeni cingi; Nia itimo maeni in, Yehova.

Zaburi 126:2

Dhogwa lund upong’ ku ng’iero, Man lebwa ku wero wer: Gilund giwacu i kind thek kumae, Yehova timo gin ma dit igi.

Zaburi 129:5

Wek lewic umakgi man gidok cen, Dhanu ceke m’udagu Sayuni.

Zaburi 147:2

Yehova gomo Yerusalem; Ecoko dhanu mir Israel ma julalu karacelo.

Ai 14:25

Man ewodho ukobre mi magali migi ketho wothne bedo pek; ketho nia Jumisiri giwacu kumae, Wek waringu i wang’ Israel; kum Yehova kiedo pigi kum Jumisiri.

Yeremia 33:9

E adhura maeni bibedo ira ni nying’ mi mutoro, ni pak man ni dwong’, i wang’ thek ceke m’i ng’om, ma biwinjo bero ceke m’atimo igi, man ma lworo binegogi, kumgi de bimiel kum bero ceke man kum kwiocwiny ceke m’aketho uwok ire.

Kitabu Mir Ang’wende Pa Musa Wel 23:23

Ajoga mbe ku Yakobo andha; Kadok ewo lembe moko de mbe kind Israel: Kawono jubiwacu pi Yakobo man pir Israel kumae, A Mungu timo meni ba!

Tic Mi Jukwenda 5:38

E kawono abeyero iwu kumae, Kud wutim gin moko kum joni, wuwekgi: kum tek lembapora maeni kadi tic maeni ai ba dhanu, ebirany:

Yocuwa 2:11

E kinde ma wawinjo maeni, adundewa ng’oyo ndiri, kadok tipo moko mbe m’udong’ i ng’atu moko, piwu: kum Yehova Mungu mu, en e Mungu m’i polo ma malu, man i ng’om ma piny.

Yocuwa 2:9

man ewacu ni dhanune kumae, Ang’eyo nia Yehova mio ng’ombuni iwu, man nia lworo mu podho i wiwa, man nia dhanu ceke m’i ng’ombuni ging’oi i weng’wu.

Yocuwa 5:1

Man etimbre, kinde m’ubimo ceke mi Juamori, ma gini loka Yordan yo reto, kud ubimo ceke mi Jukanani, ma gini dhu nam, giwinjo maram Yehova dwono ko pi mi Yordan kud i wang’ nyithindho mir Israel, maram wakadhu ko lokaca, nia adundegi ng’oi ndiri, kadok cwinygi de mbe i igi kendo, kum nyithindho mir Israel.