Nehemia 6:1 - The Holy Bible In Alur (Lur) Revised Orthography

¹ Nie etimbre, kinde ma juyero ni Sanbalat ku Tobia, man ni Gecem ma Jaarabi, man ni dong’ jukwojwa, nia adaru goyo gang’kidi, man nia ka m’uiiior moko mbe i ie m’udong’ (kadok cil i nindo maeca fodi aketho dhugola cungo ngo i dhugang’),

Nehemia 6:1 ပူးပေါင်းရင်းမြစ်များ

Nehemia 13:4

Nie ma fodi maeni kutimbre ngo, Eliacib ma jalam, ma juketho wi kusika mi ot pa Mungu mwa, kum en e wat ku Tobia,

Nehemia 2:10

E ka Sanbalat ma Jahoroni, man Tobia ma jatic, ma Jaamoni, uwinjo pire, lembene nyayu can i igi apila, kum ng’atu moko bino kara eyeny lembe ubed miero ni nyithondho mir Israel.

Nehemia 2:19

Ento ka Sanbalat ma Jahoroni, man Tobia ma jatic, ma Jaemoni, man Gecem ma Jaarabi, giwinjo maeni, ging’ierowa ginyai ko lewic i wiwa, man gicayuwa, giwacu kumae, Girang’o ma wutimo maeni? wubijai ni ubimo?

Nehemia 3:1

Eliacib ma jalam ma dit ulund uai malu ku juwagi ma julam man gigoyo dhugang’ mi rombe; gidwoke leng’, man giketho dhugolane cungo; cil kum otkur pa Hameya gidwoke leng’, kum otkur pa! Hananel.

Nehemia 3:3

Man dhugang’ mi rec wot Hasena I gigoyo; giketho riune, man giketho dhugolane cungo, kud utwindine, man utwindine m’ariwa.

Nehemia 3:6

Man Yehoiada ma wod Paseya ku Meculam ma wod Besodeya giyiko dhugang’ ma con; giketho riune, man giketho dhugolane cungo, kud utwindine, man utwindine m’ariwa de.

Nehemia 4:1

Ento etimbre nia, ka Sanbalat uwinjo nia wabegomo gang’kidi, kwinyo make, man ebedo ku thungo ma dit, e ecayu Juyahudi.

Nehemia 7:1

Nie etimbre, kinde ma gang’kidi daru gombre, man aketho dhugola cungo, e juketho jukur dhugola ku juwer man Julawi,

Daniel 9:25

Ka kumeno ing’ei man inen, nia ugambre kum lembang’ola ma juketho ya juyik man jugom Yerusalem cil kum ng’atu ma juwiro, en e jaditmawijo, bibedo yenga abiro, man yenga pier abusiel wi ario: ebigombre kendo, ku gengi man ora m’atong’a, cil i nindo m’arida.