Nehemia 5:15 - The Holy Bible In Alur (Lur) Revised Orthography

¹⁵ Ento jubim m’utelo yo i wang’a ginuro dhanu, man gigamu kwen ku pigulok i bang’gi, karacelo ku cekel pier ang’wen mi mola ma tar; eyo, cil jutic migi gibimo wi dhanu: ento atimo kumeca ngo, ni kum lworo pa Mungu.

Nehemia 5:15 ပူးပေါင်းရင်းမြစ်များ

Thangambere 20:11

Man Ibrahim uwacu kumae, Kum ia pido kumae, Andha lworo pa Mungu mbe i ka maeni; man gibinega pi dhaku para.

Thangambere 42:18

Man Yusuf uwacu igi i ceng’ mir adege kumae, Wutim maeni, man wubed kwo; kum alworo Mungu:

Nehemia 5:16

Eyo, abedo bende asu i tic mi gang’kidi maeni, kadi wang’iewo ng’om moko de ngo: jutic mwa ceke de gicoko dhoggi kuca ba ticne.

Nehemia 5:9

Awacu bende kumae, Gin ma wutimo e ber ungo: maku wuwoth ku lworo Mungu mwa ngo, ni kum cac mi thek ma jukwojwa?

Kitabu Pa Yob 31:23

Kum ruvwa m’uai ba Mungu en e ndiri ira, Man kum dwong’ pare acopo timo gin moko ngo.

Zaburi 112:1

Wufoi Yehova. Mugisa ni ng’atu m’ulworo Yehova, Ma anyong’a nege dit kum lembang’ola pare.

Zaburi 147:11

Ju m’ulwore nyayu mutoro i Yehova, Ju m’ugeno mer mi bero pare.

Lembrieko 16:6

Kier rucre ni kum kisa ku lemandha; Man dhanu ai i dubo ni kum lworo Yehova.

Lembrieko 29:12

Tek jabim uwinjo lemndra, Nwang’u jutic pare ceke gi judubo.

Isaya 50:10

Ng’a m’i kindwu m’ulworo Yehova, m’uworo dwand jatic pare? ng’atu m’uwotho i mudho, man der umbe kude, wek egen nying’ Yehova, man ejeng’ kum Mungu pare.

Yeremia 32:9

E ang’iewo podho ma ni i Anathoth ba wod nera ma Hanamel, man aporo ire sente, en e cekel mi mola ma tar apar wi abiro.

Ywak 5:8

Jutic ubimo wiwa: Ng’atu moko mbe m’ubodhwa kud i cing’gi.

Matayo 5:47

Man tek wumotho juwedwu kendgi, nwang’u wutimo ang’o ma sagu jumange? cil Thekdhanumange gitimo kumeno ngo?

2 Jukorinto 11:9

man kinde ma ani i beng’wu ma can piny bende ni i kuma, abedo ter ni ng’atu moko ngo: kum umego, kinde ma giai i Makedoni, gin e ma gimio m’ukabu can piny ma ni i kuma; man i gin ceke akura gira kara kud abed ni ter iwu, man abigwokra gira kumeno,

2 Jukorinto 12:13

Kum girang’o ma wujwik i ie ma sagu kanisa mange, tek en e ma nia an gira abedo ni ter iwu ngo? wek timo rac maeni woko ira.

1 Samwil 8:15

Man ebigamu kodhi mu mir apaje, man mi podho mir ulok mu, man ebimie ni jego pare, man ni jutic pare.